'ಸಂಜು ವೆಡ್ಸ್​ ಗೀತಾ' ಪಾರ್ಟ್​ 2 ಘೋಷಣೆ; ನಾಯಕಿಯಾಗಿ ರಮ್ಯಾ ಇರ್ತಾರಾ?

'ಸಂಜು ವೆಡ್ಸ್​ ಗೀತಾ' ಪಾರ್ಟ್​ 2 ಘೋಷಣೆಯಾಗಿದೆ. ನಾಯಕಿಯಾಗಿ ಮೋಹಕ ತಾರೆ ರಮ್ಯಾ ಇರ್ತಾರಾ ಅನ್ನೋದೇ ಅಭಿಮಾನಿಗಳನ್ನು ಕಾಡುತ್ತಿರುವ ಪ್ರಶ್ನೆ.

2011ರಲ್ಲಿ ತೆರೆಕಂಡು ಬ್ಲಾಕ್​ ಬಸ್ಟರ್ ಹಿಟ್​ ಆದ​ ಸಿನಿಮಾ 'ಸಂಜು ವೆಡ್ಸ್​ ಗೀತಾ'. ಒಂದು ದಶಕ ಕಳೆದರೂ ಇಂದಿಗೂ ಚಿತ್ರದ ಕ್ರೇಜ್​ ಕಡಿಮೆಯಾಗಿಲ್ಲ. ನಟ ಶ್ರೀನಗರ ಕಿಟ್ಟಿ ಹಾಗೂ ಮೋಹಕ ತಾರೆ ರಮ್ಯಾರ ಕೆಮಿಸ್ಟ್ರಿ ಸಿನಿಪ್ರೇಮಿಗಳನ್ನು ವಿಶೇಷವಾಗಿ ಆಕರ್ಷಿಸಿತ್ತು. ಸಿನಿಮಾದ ಹಾಡುಗಳು, ಸಂಭಾಷಣೆಗಳು ಬಹಳ ಹಿಟ್​ ಆಗಿದ್ದವು. ಚಿತ್ರೀಕರಣ ಮಾಡಿದ್ದ ವಿಧಾನವೂ ಕನ್ನಡಿಗರಿಗೆ ಹಿಡಿಸಿತ್ತು. ಇದೀಗ ಸುಮಾರು 12 ವರ್ಷಗಳ ಬಳಿಕ 'ಸಂಜು ವೆಡ್ಸ್​ ಗೀತಾ ಪಾರ್ಟ್​ 2' ತಯಾರಿಗೆ ಸಿದ್ಧತೆ ನಡೆಯುತ್ತಿದೆ.

ಶ್ರೀನಗರ ಕಿಟ್ಟಿ ನಿನ್ನೆಯಷ್ಟೇ ತಮ್ಮ 46ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ. ಈ ವಿಶೇಷ ಸಂದರ್ಭದಲ್ಲಿ ತಮ್ಮ ಅಭಿಮಾನಿಗಳಿಗೆ ವಿಶೇಷ ಉಡುಗೊರೆಯೊಂದನ್ನು ನೀಡಿದ್ದಾರೆ. ಸಂಜು ವೆಡ್ಸ್​ ಗೀತಾ ಪಾರ್ಟ್​ 2 ಫಸ್ಟ್​ ಲುಕ್​ ಹಂಚಿಕೊಂಡಿದ್ದಾರೆ. ನವೆಂಬರ್​ನಿಂದ ಅಂದರೆ ಚಳಿಗಾಲ ಪ್ರಾರಂಭವಾಗುತ್ತಿದ್ದಂತೆ ಸಿನಿಮಾ ಶೂಟಿಂಗ್​ ಕೂಡ ಪ್ರಾರಂಭವಾಗಲಿದೆ ಎಂದು ಮಾಹಿತಿ ನೀಡಿದ್ದಾರೆ.

• SanjuWedsGeetha2 😊 Beautyyyyyyyyy ! #nagshekar #SanjuWedsGeetha2 #tstudiosofficial #tstudios pic.twitter.com/sQq79OgnIt

  — Srinagara Kitty (@SrinagarKitty_) July 8, 2023 " class="align-text-top noRightClick twitterSection" data="

  SanjuWedsGeetha2 😊 Beautyyyyyyyyy ! #nagshekar #SanjuWedsGeetha2 #tstudiosofficial #tstudios pic.twitter.com/sQq79OgnIt

  — Srinagara Kitty (@SrinagarKitty_) July 8, 2023

  ">

  SanjuWedsGeetha2 😊 Beautyyyyyyyyy ! #nagshekar #SanjuWedsGeetha2 #tstudiosofficial #tstudios pic.twitter.com/sQq79OgnIt

  — Srinagara Kitty (@SrinagarKitty_) July 8, 2023

ಫಸ್ಟ್​ ಲುಕ್​ನಲ್ಲೇನಿದೆ?: ಶ್ರೀನಗರ ಕಿಟ್ಟಿ 'ಸಂಜು ವೆಡ್ಸ್​ ಗೀತಾ ಪಾರ್ಟ್​ 2' ಇದರ ಬಿಗ್​ ಅಪ್​ಡೇಟ್​ ನೀಡಿದ್ದಾರೆ. ಒಂದೇ ಪೋಸ್ಟರ್​ನಲ್ಲಿ ಎಲ್ಲ ವಿಷಯಗಳನ್ನು ತಿಳಿಸಿದ್ದಾರೆ. ನೋಟ್​​​ ಬುಕ್​ನ ಹಾಳೆಯಲ್ಲಿ ಶ್ರೀನಗರ ಕಿಟ್ಟಿ ಫೋಟೋವನ್ನು ಚಿತ್ರಿಸಲಾಗಿದೆ. ದಾಡಿ ಬಿಟ್ಟುಕೊಂಡು, ಹಣೆಗೆ ಗಾಯ ಮಾಡಿಕೊಂಡಿರುವ ಲುಕ್​ನಲ್ಲಿ ನಟ ಕಾಣಿಸಿಕೊಂಡಿದ್ದಾರೆ. ಪಕ್ಕದಲ್ಲೇ ಒಂದು ಹುಡುಗಿ ನಡೆದುಕೊಂಡು ಹೋಗುತ್ತಿರುವಂತೆ ತೋರಿಸಲಾಗಿದೆ. ಅವಳನ್ನೇ ಕಿಟ್ಟಿ ನೋಡುತ್ತಿರುವಂತೆ ಬಿಂಬಿಸಲಾಗಿದೆ. ಆದರೆ ಆ ಹೀರೋಯಿನ್​ ಯಾರು ಅನ್ನೋದು ಮಾತ್ರ ರಿವೀಲ್​ ಆಗಿಲ್ಲ.

'ಸಂಜು ವೆಡ್ಸ್​ ಗೀತಾ'ದಲ್ಲಿ ಕಿಟ್ಟಿಗೆ ರಮ್ಯಾ ನಾಯಕಿಯಾಗಿದ್ದರು. ಪಾರ್ಟ್​ 2ನಲ್ಲೂ ರಮ್ಯಾ ಅವರೇ ನಟಿಸಲಿದ್ದಾರಾ? ಅನ್ನೋದು ಸದ್ಯದ ಪ್ರಶ್ನೆ. ಈ ಬಗ್ಗೆ ಚಿತ್ರತಂಡ ಯಾವುದೇ ಮಾಹಿತಿ ಹಂಚಿಕೊಂಡಿಲ್ಲ. ಅಭಿಮಾನಿಗಳಿಗೆ ಮಾತ್ರ ಮೋಹಕ ತಾರೆಯೇ ನಾಯಕಿಯಾಗಬೇಕು ಅನ್ನೋದು ಆಸೆ. ಈ ಬಗ್ಗೆ ನಿರ್ದೇಶಕರು ಯಾವುದೇ ಗುಟ್ಟು ಬಿಟ್ಟುಕೊಟ್ಟಿಲ್ಲ. ಆದರೆ ಪೋಸ್ಟರ್​ನಲ್ಲಿ 'ಸ್ಯಾಂಡಲ್​ವುಡ್​ ಕ್ವೀನ್​ ರಮ್ಯಾ ಪ್ರೆಸೆಂಟ್ಸ್​' ಅನ್ನೋ ಹೆಸರನ್ನು ಕೂಡ ಸೇರಿಸಲಾಗಿದೆ. ಹಾಗಾಗಿ ರಮ್ಯಾ ಕೂಡ ಈ ಸಿನಿಮಾದಲ್ಲಿ ಇರ್ತಾರಾ? ಅನ್ನೋ ಕುತೂಹಲ ಮೂಡಿದೆ.

ಪೋಸ್ಟರ್​ನಲ್ಲಿ 'ಸಂಜು ವೆಡ್ಸ್​ ಗೀತಾ 2'ವನ್ನು ರಕ್ತದ ಬಣ್ಣದಲ್ಲೇ ಬರೆಯಲಾಗಿದೆ. ಅದರ ಮೇಲೆ ಲೈಫ್​ ಈಸ್​ ಬ್ಯೂಟಿಫುಲ್​ ಎಂಬ ಬರಹವೂ ಇದೆ. ಸಿನಿಮಾವನ್ನು ನಾಗಶೇಖರ್​ ಅವರೇ ನಿರ್ದೇಶಿಸುತ್ತಿದ್ದಾರೆ. ಜೊತೆಗೆ ನಿರ್ಮಾಣದ ಜವಾಬ್ದಾರಿಯನ್ನು ಹೊತ್ತಿದ್ದಾರೆ. ಮುಂದಿನ ವರ್ಷ 2024ರ ದಸರಾ ಹಬ್ಬದ ಸಮಯದಲ್ಲಿ 'ಸಂಜು ವೆಡ್ಸ್​ ಗೀತಾ 2' ಬಿಡುಗಡೆಗೆ ಮುಹೂರ್ತ ನೀಡಲಾಗಿದೆ. ಇದೇ ವರ್ಷ ಚಳಿಗಾಲ ಪ್ರಾರಂಭವಾಗುತ್ತಿದ್ದಂತೆ ಶೂಟಿಂಗ್​ ಕೂಡ ಪ್ರಾರಂಭವಾಗಲಿದೆ.

ಸಿನಿಮಾ ಕಾಸ್ಟಿಂಗ್​ ವಿಚಾರವಾಗಿ ಯಾವುದೇ ಮಾಹಿತಿಯನ್ನು ಸದ್ಯ ಚಿತ್ರತಂಡ ಹಂಚಿಕೊಂಡಿಲ್ಲ. ಇನ್ನೂ ಈ ಸಿನಿಮಾದಲ್ಲಿ ಮ್ಯೂಸಿಕ್​ ಪ್ರಮುಖ ಪಾತ್ರ ವಹಿಸಲಿದೆ. ಏಕೆಂದರೆ 12 ವರ್ಷಗಳ ಹಿಂದೆ ಬಿಡುಗಡೆಯಾದ 'ಸಂಜು ವೆಡ್ಸ್​ ಗೀತಾ' ಸಿನಿಮಾದ 'ಗಗನವೇ ಬಾಗಿ', 'ಸಂಜು ಮತ್ತು ಗೀತಾ' ಹಾಡುಗಳನ್ನು ಇಂದಿಗೂ ಜನ ಗುನುಗುತ್ತಿದ್ದಾರೆ. ಹೀಗಾಗಿ ಪಾರ್ಟ್​ 2ನಲ್ಲೂ ಇಂತಹದ್ದೇ ಉತ್ತಮ ಹಾಡುಗಳು ಬರಬಹುದೇ? ಎಂದು ಅಭಿಮಾನಿಗಳು ಕಾಯುತ್ತಿದ್ದಾರೆ. ಇದು ಚಿತ್ರತಂಡಕ್ಕೆ ನಿಜಕ್ಕೂ ಸವಾಲು ಅಂತಲೇ ಹೇಳಬಹುದು. ಒಟ್ಟಾರೆಯಾಗಿ ದಶಕಗಳ ಹಿಂದೆ ಸೂಪರ್​ ಹಿಟ್​ ಆಗಿದ್ದ 'ಸಂಜು ವೆಡ್ಸ್​ ಗೀತಾ' ಇದರ ಪಾರ್ಟ್​ 2 ಬರುತ್ತಿರುವುದು ಸಿನಿ ಪ್ರೇಕ್ಷಕರಿಗೆ ಖುಷಿ ವಿಚಾರವಾಗಿದೆ.

ಇದನ್ನೂ ಓದಿ: 'ದೇವರ ಕನಸು' ಚಿತ್ರದ ಟ್ರೇಲರ್​ ಬಿಡುಗಡೆಗೊಳಿಸಿದ ಅಶ್ವಿನಿ ಪುನೀತ್​ ರಾಜ್​ಕುಮಾರ್​