ನಿಕಬ್​ಗೆ ಬೆಂಬಲಿಸಿದ ದಂಗಲ್​ ನಟಿ; ಜೈರಾ ಪೋಸ್ಟ್​​ಗೆ ಪರ - ವಿರೋಧದ ಚರ್ಚೆ

ಹಿಜಾಬ್​​ ಧರಿಸಿದ ಮಹಿಳೆಯೊಬ್ಬಳು ಅದನ್ನು ತೆಗೆಯದೇ ಊಟ ಮಾಡುತ್ತಿರುವ ಫೋಟೋವನ್ನು ಬೆಂಬಲಿಸಿ ನಟಿ ಜೈರಾ ಟ್ವೀಟ್​ ಮಾಡಿದ್ದಾರೆ.

ಹೈದರಾಬಾದ್​: ಹಿಜಾಬ್​ ಧಾರಣೆ ಸಂಪೂರ್ಣವಾಗಿ ಮಹಿಳೆಯರ ಆಯ್ಕೆಯಾಗಿದ್ದು, ಅದರ ಪರವಾಗಿ ನಾನು ನಿಲ್ಲುತ್ತೇನೆ ಎಂದು ರಾಷ್ಟ್ರೀಯ ಪ್ರಶಸ್ತಿ ವಿಜೇತ ನಟಿ ಜೈರಾ ವಾಸಿಂ ತಿಳಿಸಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿನ ಒಂದು ಫೋಸ್ಟ್​​ಗೆ ಅವರು ಈ ಕುರಿತು ಪ್ರತಿಕ್ರಿಯೆ ಮಾಡಿದ್ದಾರೆ. ಮೂರು ಚಿತ್ರಗಳಲ್ಲಿ ನಟಿಸಿದ್ದ ನಟಿ, ತಮ್ಮ ನಂಬಿಕೆಗೆ ಉದ್ಯಮ ವಿರುದ್ಧವಾಗಿರುವ ಹಿನ್ನಲೆ ತಾವು ಚಿತ್ರರಂಗ ತೊರೆಯುತ್ತಿರುವುದಾಗಿ 2019ರಲ್ಲಿ ನಟಿ ತಿಳಿಸಿದ್ದರು.

• Just attended a wedding. Ate exactly like this. Purely my choice. Even when everyone around me kept nagging me that I take the niqab off. I didn’t.
  
  We don’t do it for you. Deal with it. https://t.co/Gu9AXQka8v

  — Zaira Wasim (@ZairaWasimmm) May 28, 2023 " class="align-text-top noRightClick twitterSection" data="

  Just attended a wedding. Ate exactly like this. Purely my choice. Even when everyone around me kept nagging me that I take the niqab off. I didn’t.
  
  We don’t do it for you. Deal with it. https://t.co/Gu9AXQka8v

  — Zaira Wasim (@ZairaWasimmm) May 28, 2023

  ">

  Just attended a wedding. Ate exactly like this. Purely my choice. Even when everyone around me kept nagging me that I take the niqab off. I didn’t.
  
  We don’t do it for you. Deal with it. https://t.co/Gu9AXQka8v

  — Zaira Wasim (@ZairaWasimmm) May 28, 2023

ಹಿಜಾಬ್​​ ಧರಿಸಿದ ಮಹಿಳೆಯೊಬ್ಬಳು ಅದನ್ನು ತೆಗೆಯದೇ ಊಟ ಮಾಡುತ್ತಿರುವ ಫೋಟೋವೊಂದು ವೈರಲ್​ ಆಗಿತ್ತು. "ಇದು ಮನುಷ್ಯನ ಆಯ್ಕೆಯೇ?" ಎಂಬ ಅಡಿ ಬರಹದೊಂದಿಗೆ ಈ ಫೋಸ್ಟ್​ ಸಾಮಾಜಿಕ ಜಾಲತಾಣದಲ್ಲಿ ಕಂಡು ಬಂದಿದೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಜೈರಾ, "ನಾನು ಈಗಷ್ಟೇ ಮದುವೆ ಮುಗಿಸಿ ಮರಳಿದ್ದೇನೆ. ಇಲ್ಲಿ ತೋರಿಸಿದಂತೆ ನಾನು ಕೂಡ ಊಟ ಮಾಡಿದ್ದೇನೆ. ಇದು ಸಂಪೂರ್ಣವಾಗಿ ನನ್ನ ನಿರ್ಧಾರ. ನನ್ನ ಸುತ್ತಮುತ್ತ ಇದ್ದ ಪ್ರತಿಯೊಬ್ಬರು ನನ್ನ ನಿಕಬ್​ ತೆಗೆಯುವಂತೆ ಸೂಚಿಸಿದರು. ಆದರೆ, ನಾನು ತಿನ್ನಲಿಲ್ಲ. ಇದನ್ನು ನಾವು ನಿಮಗಾಗಿ ಮಾಡುತ್ತಿಲ್ಲ" ಎಂದಿದ್ದಾರೆ.

ಆಕೆಯ ಟ್ವೀಟ್​ ಹೆಚ್ಚು ರಿಟ್ವೀಟ್ ಆಗಿದ್ದು, ಇದು ಮತ್ತೊಮ್ಮೆ ಹಿಜಾಬ್ ವಿವಾದಕ್ಕೆ ತಿರುವು ನೀಡಿದೆ. ಅನೇಕ ಸಾಮಾಜಿಕ ಮಾಧ್ಯಮ ಬಳಕೆದಾರರು ಆಕೆಯನ್ನು ಬೆಂಬಲಿಸಿದ್ದಾರೆ. ಈ ಮಧ್ಯ ಕೆಲವು ಜನರು ಆಕೆ ವಿರುದ್ಧ ಟೀಕೆಗಳನ್ನು ವ್ಯಕ್ತಪಡಿಸಿದ್ದಾರೆ. ಆಕೆಯನ್ನು ಬೆಂಬಲಿಸಿರುವ ಕೆಲವರು, ನಮ್ಮ ಧರ್ಮವನ್ನು ಅನುಸರಿಸುತ್ತಿರುವ ನಿಮಗೆ ಅಲ್ಲಾಹು ಮತ್ತಷ್ಟು ಶಕ್ತಿ ಮತ್ತು ಘನೆತಉನ್ನು ನೀಡಲಿ. ಅಮೀನ್​ ಎಂದಿದ್ದಾರೆ. ಇದಕ್ಕೆ ಮತ್ತೊಬ್ಬ ಪ್ರತಿಕ್ರಿಯಿಸಿರುವ ಬಳಕೆದಾರರು, ನಿಕಬ್​ ಎಂದರೆ ಏನು? ಹಿಜಾಬ್​, ಬುರ್ಖಾ ಮತ್ತು ಇದೀಗ ನಿಕಬ್​; ಹೊಸ ವೆರಿಯಂಟ್​​?? ಎಂದಿದ್ದಾರೆ.

ಮತ್ತೊಬ್ಬ ಬಳಕೆದಾರರು, ನಿಮ್ಮ ಬಗ್ಗೆ ಗೌರವ. ಪರದೆಯಡಿ ತಿನ್ನುವ ಸಹೋದರಿಯ ಬಗ್ಗೆ ಗೌರವ ಎಂದಿದ್ದಾರೆ. ಮತ್ತೆ ಒಬ್ಬನನ್ನು ಗುಲಾಮರನ್ನಾಗಿ ಮಾಡುವ ಸಂಕೋಲೆಗಳು. ಹಕ್ಕಿ ಕೂಡ ಪಂಜರವನ್ನು ಇಷ್ಟಪಡಲು ಪ್ರಾರಂಭಿಸುತ್ತದೆ ಎಂದಿದ್ದಾರೆ. ಹಿಜಾಬ್​ ನಿಷೇಧ ಕುರಿತು ಈ ಹಿಂದೆ ಜೈರಾ ಇದು ಅನ್ಯಾಯ ಎಂದಿದ್ದು, ಧಾರ್ಮಿಕ ಬದ್ಧತೆಗಾಗಿ ಮಹಿಳೆಯರಿಗೆ ಸಂಪೂರ್ಣ ಕಿರುಕುಳ ನೀಡುವ ವ್ಯವಸ್ಥೆಯಾಗಿದೆ ಎಂದಿದ್ದರು. ಇದೀಗ ದಂಗಲ್​ ಚಿತ್ರದ ನಟಿ ನಿಕಬ್​ ಮಹಿಳೆಯರ ಹಕ್ಕು ಎಂದು ಅವರ ಪರ ವಾದ ಮಾಡಿದ್ದಾರೆ.

ದಂಗಲ್​ ಸಿನಿಮಾದಲ್ಲಿ ಗೀತಾ ಪೊಕೆಟ್​ ಬಾಲ್ಯದ ಪಾತ್ರ ನಿರ್ವಹಣೆ ಮಾಡಿದ್ದ ಜೈರಾ, ಕೆಲಸದಲ್ಲಿ ಧರ್ಮ ಮತ್ತು ನಂಬಿಕೆ ನಡುವೆ ತಿಕ್ಕಾಟದಿಂದ ನೊಂದು ಈ ಉದ್ಯಮ ತೊರೆಯುತ್ತಿರುವುದಾಗಿ 2019ರ ಜೂನ್​ 30ರಂದು ತಿಳಿಸಿದ್ದರು. ಕಾಶ್ಮೀರಿ ಮೂಲದ ಮಾಜಿ ನಟಿ, ನಾನು ಇಲ್ಲಿಗೆ ಹೊಂದಿಕೊಳ್ಳದಿರಬಹುದು. ನಾನು ಇಲ್ಲಿಗೆ ಸೇರಿದವರಲ್ಲ ಎಂದು ಜೈರಾ ತಿಳಿಸಿದ್ದರು. ದಿ ಸ್ಕೈ ಇಸ್​ ಪಿಂಕ್​ ಚಿತ್ರದಲ್ಲಿ ಕೂಡ ಜೈರಾ ಬಣ್ಣ ಹಚ್ಚಿದ್ದರು. ಈ ಚಿತ್ರದಲ್ಲಿ ಪ್ರಿಯಾಂಕಾ ಚೋಪ್ರಾ ಜೋನ್ಸ್​ ಮತ್ತು ಫಾರನ್​ ಅಖ್ತರ್​​ ಕೂಡ ನಟಿಸಿದ್ದರು.

ಇದನ್ನೂ ಓದಿ: ನೂತನ ಸಂಸತ್ ಭವನ ಹೊಗಳಿದ ಶಾರುಖ್, ಅಕ್ಷಯ್: ಪ್ರಧಾನಿ ಮೋದಿ ಮೆಚ್ಚುಗೆ