ರಣವೀರ್ ಬೆತ್ತಲಾವತಾರಕ್ಕೆ ಮತ್ತಷ್ಟು ಬರೆ; ಕೇಸು ದಾಖಲಾದ ಬಳಿಕ ಈಗ ಬಟ್ಟೆ ಸಂಗ್ರಹ ಅಭಿಯಾನ

ಬಾಲಿವುಡ್​ನ ನಟ​ ರಣವೀರ್​ ಸಿಂಗ್​ರ ಬೆತ್ತಲಾವತಾರಕ್ಕೆ ಪರ-ವಿರೋಧ ವ್ಯಕ್ತವಾಗಿದೆ. ಮಹಾರಾಷ್ಟ್ರದ ಎನ್​ಜಿಒ ನಟನಿಗೆ ಕಳುಹಿಸಲು ಜನರಿಂದ ಬಟ್ಟೆ ಸಂಗ್ರಹಿಸುತ್ತಿದೆ.

ಇಂದೋರ್(ಮಧ್ಯಪ್ರದೇಶ): ಮ್ಯಾಗಜೀನ್​ಗಾಗಿ ವಿವಸ್ತ್ರ ಫೋಟೋಶೂಟ್​ ಮಾಡಿಸಿಕೊಂಡು ವಿವಾದಕ್ಕೀಡಾದ ಬಾಲಿವುಡ್​ ನಟ ರಣವೀರ್​ ಸಿಂಗ್​ ಅವರಿಗೆ ಮಧ್ಯಪ್ರದೇಶದ ಇಂದೋರ್​ನ ಎನ್​ಜಿಒ ಸಂಸ್ಥೆಯೊಂದು "ದಾನ" ಮಾಡಲು ವಸ್ತ್ರಗಳ ಸಂಗ್ರಹಣೆ ಅಭಿಯಾನವನ್ನು ಆಯೋಜಿಸಿದೆ.

ನೇಕಿ ಕಿ ದೀವಾರ್​ ಎಂಬ ಸರ್ಕಾರೇತರ ಸಂಸ್ಥೆ ನಟನ ನಗ್ನ ಫೋಟೋವನ್ನು ಅಂಟಿಸಿರುವ ಬಾಕ್ಸ್​ ಅನ್ನು ಸಂಸ್ಥೆ ಕಚೇರಿಯ ಮುಂದೆ ಮತ್ತು ಅಲ್ಲಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿಟ್ಟು, ಸಾರ್ವಜನಿಕರಿಂದ ಬಟ್ಟೆ ಸಂಗ್ರಹಿಸುತ್ತಿದೆ. ಜನರು ಬಾಕ್ಸ್​ಗಳಿಗೆ ತಮ್ಮಲ್ಲಿನ ಬಟ್ಟೆಗಳನ್ನು ತಂದು ಹಾಕುತ್ತಿದ್ದು, ಅದನ್ನು ಸಂಸ್ಥೆಯ ಸಿಬ್ಬಂದಿ ಒಟ್ಟುಗೂಡಿಸುತ್ತಿದ್ದಾರೆ.

ಬಟ್ಟೆ ಸಂಗ್ರಹಣೆಗಾಗಿ ಇಡಲಾದ ಬಾಕ್ಸ್​

ರಣವೀರ್​ ಸಿಂಗ್​ರ ಶೈಲಿಯನ್ನು​ ಯುವಕರು ಅನುಸರಿಸುತ್ತಿದ್ದರು. ಆದರೆ, ಈ ರೀತಿಯ "ಬೆತ್ತಲಾವತಾರ"ವನ್ನು ಒಪ್ಪಲಾಗದು ಎಂದು ಸಂಸ್ಥೆ ಆಕ್ರೋಶ ವ್ಯಕ್ತಪಡಿಸಿದೆ. ನಟನ ವಿರುದ್ಧ ಮಹಾರಾಷ್ಟ್ರದ ಚೆಂಬೂರ್ ಪೊಲೀಸ್ ಠಾಣೆಯಲ್ಲಿ ಎನ್​ಜಿಒ ನೀಡಿದ ದೂರಿನ ಮೇರೆಗೆ ಎಫ್‌ಐಆರ್ ದಾಖಲಿಸಲಾಗಿದೆ.

ಇದನ್ನೂ ಓದಿ: Ranveer Nude photoshoot: ನಗ್ನ ಫೋಟೋಶೂಟ್​ ಆಪತ್ತು.. ರಣವೀರ್​ ವಿರುದ್ಧ FIR