ಕ್ರಿಕೆಟ್​ ಟೀಮ್ ದೀಪಾವಳಿ ಸೆಲೆಬ್ರೇಶನ್​: ಬೇಬಿ ಬಂಪ್​ ಮರೆಮಾಡಲೆತ್ನಿಸಿದ ಅನುಷ್ಕಾ ಶರ್ಮಾ ವಿಡಿಯೋ ವೈರಲ್​​!

ಶನಿವಾರ ಬೆಂಗಳೂರಿನ ಹೋಟೆಲ್​ನಲ್ಲಿ ಟೀಂ ಇಂಡಿಯಾ ದೀಪಾವಳಿ ಹಬ್ಬ ಸಂಭ್ರಮಿಸಿತು. ಈ ವೇಳೆ ಅನುಷ್ಕಾ ಶರ್ಮಾ, ವಿರಾಟ್ ಕೊಹ್ಲಿ ಜೋಡಿ ಗಮನ ಸೆಳೆದರು.

ದೇಶಾದ್ಯಂತ ಬೆಳಕಿನ ಹಬ್ಬದ ಸಂಭ್ರಮ ಕಳೆಗಟ್ಟಿದೆ. ಶನಿವಾರದಂದು ಇಂಡಿಯನ್​ ಕ್ರಿಕೆಟ್​ ಟೀಮ್​​ ಬೆಂಗಳೂರಿನ ಹೋಟೆಲ್​ ಒಂದರಲ್ಲಿ ದೀಪಾವಳಿ ಹಬ್ಬ ಆಚರಿಸಿದೆ. ಪವರ್​ಫುಲ್​ ಕಪಲ್​​ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಸುಂದರ ಸಾಂಪ್ರದಾಯಿಕ ಉಡುಗೆಯಲ್ಲಿ ಕಂಗೊಳಿಸಿದರು.

ಆನ್‌ಲೈನ್‌ನಲ್ಲಿ ವೈರಲ್​ ಆಗಿರುವ ವಿಡಿಯೋಗಳಲ್ಲಿ ಬಾಲಿವುಡ್​ ನಟಿ ಅನುಷ್ಕಾ ಶರ್ಮಾ ಬೇಬಿ ಬಂಪ್​ ಮರೆಮಾಡಲೆತ್ನಿಸಿದ್ದನ್ನು ಕಾಣಬಹುದು. ಅನುಷ್ಕಾ ಶರ್ಮಾ ಪ್ರೆಗ್ನೆಂಟ್​ ಎಂಬ ಸುದ್ದಿ ಈಗಾಗಲೇ ಸಾಮಾಜಿಕ ಜಾಲತಾಣದಲ್ಲಿ ಹರಡಿದ್ದು, ಹೊಸ ವಿಡಿಯೋ ಊಹಾಪೋಹಗಳಿಗೆ ತುಪ್ಪ ಸುರಿದಿದೆ. ವಿರುಷ್ಕಾ ಜೋಡಿ ಶೀರ್ಘದಲ್ಲೇ ಎರಡನೇ ಮಗುವನ್ನು ಸ್ವಾಗತಿಸಲಿದ್ದಾರೆ ಎಂದು ಅಭಿಮಾನಿಗಳು ಪೋಸ್ಟ್ ಮಾಡುತ್ತಿದ್ದಾರೆ.

• Them🤌🏻🥹♾️😭 #ViratKohli𓃵 #AnushkaSharma #vinushka pic.twitter.com/7gHLKNWtMh

  — Accha insan (@Yash_op_op) November 11, 2023 " class="align-text-top noRightClick twitterSection" data="

  Them🤌🏻🥹♾️😭 #ViratKohli𓃵 #AnushkaSharma #vinushka pic.twitter.com/7gHLKNWtMh

  — Accha insan (@Yash_op_op) November 11, 2023

  ">

  Them🤌🏻🥹♾️😭 #ViratKohli𓃵 #AnushkaSharma #vinushka pic.twitter.com/7gHLKNWtMh

  — Accha insan (@Yash_op_op) November 11, 2023

ವಿಶ್ವಕಪ್​ನ ಲೀಗ್ ಹಂತದ ಕೊನೆ ಪಂದ್ಯ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಭಾರತ ಮತ್ತು ನೆದರ್ಲೆಂಡ್ಸ್​ ನಡುವೆ ಇಂದು ನಡೆಯಲಿದೆ. ಬೆಂಗಳೂರಿನಲ್ಲಿರುವ ಭಾರತ ಕ್ರಿಕೆಟ್​ ಟೀಮ್​​ ಆಟಗಾರರು ನಿನ್ನೆ ಸಂಜೆ ದೀಪಾವಳಿ ಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಿದ್ದಾರೆ. ಸೋಷಿಯಲ್​ ಮೀಡಿಯಾಗಳಲ್ಲಿ ಈವೆಂಟ್​ನ ಫೋಟೋ, ವಿಡಿಯೋಗಳು ಸಖತ್​ ಸದ್ದು ಮಾಡುತ್ತಿವೆ.

• Happy Diwali#viratkohli #anushkasharma pic.twitter.com/70bJSyYY2O

  — 𝙒𝙧𝙤𝙜𝙣🥂 (@wrogn_edits) November 11, 2023 " class="align-text-top noRightClick twitterSection" data="

  Happy Diwali#viratkohli #anushkasharma pic.twitter.com/70bJSyYY2O

  — 𝙒𝙧𝙤𝙜𝙣🥂 (@wrogn_edits) November 11, 2023

  ">

  Happy Diwali#viratkohli #anushkasharma pic.twitter.com/70bJSyYY2O

  — 𝙒𝙧𝙤𝙜𝙣🥂 (@wrogn_edits) November 11, 2023

ನವೆಂಬರ್ 11 ರಂದು ನಡೆದ ದೀಪಾವಳಿ ಹಬ್ಬದ ಆಚರಣೆಯಲ್ಲಿ ಸ್ಟಾರ್ ಕ್ರಿಕೆಟರ್ ವಿರಾಟ್ ಕೊಹ್ಲಿ ಜೊತೆ ಪತ್ನಿ ಅನುಷ್ಕಾ ಶರ್ಮಾ ಸಹ ಭಾಗವಹಿಸಿ ಸಮಾರಂಭದ ಮೆರುಗು ಹೆಚ್ಚಿಸಿದರು. ಅನುಷ್ಕಾ ಶರ್ಮಾ ಮಿನಿಮಮ್ ಮೇಕ್​​ಅಪ್​ನಲ್ಲಿ ಬಹಳ ಸುಂದರವಾಗಿ ಕಾಣಿಸಿಕೊಂಡಿದ್ದಾರೆ. ಗುಲಾಬಿ - ನೇರಳೆ ಕುರ್ತಾ ಸೆಟ್, ದುಪ್ಪಟ್ಟಾ ಧರಿಸಿ ಆಗಮಿಸಿದ್ದರು. ಮತ್ತೊಂದೆಡೆ ವಿರಾಟ್ ಕೊಹ್ಲಿ ಗ್ರೀನ್​ ಕುರ್ತಾ ಸೆಟ್​ನಲ್ಲಿ ಸಾಂಪ್ರದಾಯಿಕ ನೋಟ ಬೀರಿದರು. ದೀಪಾವಳಿ ಈವೆಂಟ್ ನಡೆದ ಹೋಟೆಲ್‌ಗೆ ಜನಪ್ರಿಯ ದಂಪತಿ ಆಗಮಿಸಿರುವ ವಿಡಿಯೋ ವೈರಲ್ ಆಗಿದೆ. ಇಲ್ಲಿ ಎಲ್ಲರ ಗಮನ ಸೆಳೆದಿದ್ದು ಅನುಷ್ಕಾ ಶರ್ಮಾ ಬೇಬಿ ಬಂಪ್​​.

ಇದನ್ನೂ ಓದಿ: 2ನೇ ಮಗುವಿನ ನಿರೀಕ್ಷೆಯಲ್ಲಿ ವಿರುಷ್ಕಾ ಜೋಡಿ? ಕುತೂಹಲಕ್ಕೆ ಕಾರಣವಾದ ಈ ವಿಡಿಯೋ

ಇತ್ತೀಚಿನ ವಿಡಿಯೋಗಳು ಮತ್ತು ನಿನ್ನೆಯ ದೀಪಾವಳಿ ವಿಡಿಯೋಗಳು ಸೋಷಿಯಲ್​ ಮೀಡಿಯಾದಲ್ಲಿ ಸಖತ್​ ವೈರಲ್​ ಆಗಿವೆ. ವಿರುಷ್ಕಾ ಜೋಡಿ ಎಂದಿನಂತೆ ಕೈ ಕೈ ಹಿಡಿದು ಒಟ್ಟಿಗೆ ಅಡ್ಡಾಡಿದ್ದಾರೆ. ಆದ್ರೆ ರಬ್ ನೆ ಬನಾ ದಿ ಜೋಡಿ ಚಿತ್ರನಟಿ ಗರ್ಭಿಣಿ ಆಗಿದ್ದಾರೆಂದು ಈ ವಿಡಿಯೋಗಳನ್ನು ನೋಡಿದವರು ತಿಳಿಸುತ್ತಿದ್ದಾರೆ. ಅನುಷ್ಕಾ ಮತ್ತು ವಿರಾಟ್ ತಮ್ಮ ಎರಡನೇ ಮಗುವನ್ನು ಸ್ವಾಗತಿಸಲು ಸಜ್ಜಾಗಿದ್ದೇವೆ ಎಂದು ನೇರವಾಗಿ ತಿಳಿಸದಿದ್ದರೂ, ಅವರು ತಮ್ಮ ಎರಡನೇ ಮಗುವನ್ನು ಬರಮಾಡಿಕೊಳ್ಳಲು ಸಜ್ಜಾಗಿದ್ದಾರೆ ಎಂದು ವಿಡಿಯೋಗಳು ಬಲವಾಗಿ ಸೂಚಿಸಿವೆ. ಬೇಬಿ ಬಂಪ್​ ಮರೆಮಾಡಲೆತ್ನಿಸಿರುವ ವಿಡಿಯೋ ನೆಟ್ಟಿಗರ ಗಮನ ಸೆಳೆದಿದೆ.

ಇದನ್ನೂ ಓದಿ: ದೀಪಾವಳಿ 2023: ರಾಧಿಕಾ ಪಂಡಿತ್​ ಸೇರಿದಂತೆ ಸ್ಯಾಂಡಲ್​ವುಡ್​ ಸ್ಟಾರ್ಸ್ ಆಕರ್ಷಕ ಫೋಟೋಗಳು

ವಿಭಿನ್ನ ಕ್ಷೇತ್ರದಲ್ಲಿ ಸಾಧನೆಗೈದಿರುವ ವಿರಾಟ್​ ಕೊಹ್ಲಿ, ಅನುಷ್ಕಾ ಶರ್ಮಾ ಕೆಲ ಕಾಲ ಡೇಟಿಂಗ್ ನಡೆಸಿ 2017ರ ಡಿಸೆಂಬರ್ 11ರಂದು ಹಸೆಮಣೆ ಏರಿದರು. ಇಟಲಿಯಲ್ಲಿ ಕುಟುಂಬಸ್ಥರು, ಆಪ್ತರ ಸಮ್ಮುಖದಲ್ಲಿ ಅದ್ಧೂರಿ ಮದುವೆ ನಡೆದಿತ್ತು. 2021ರ ಜನವರಿಯಲ್ಲಿ ಜೋಡಿಗೆ ಹೆಣ್ಣು ಮಗು ಜನಿಸಿತು. ಮಗುವಿನ ಹೆಸರು ವಾಮಿಕಾ.