ನಟಿ ಅನುಷ್ಕಾ ಶರ್ಮಾ ಮತ್ತು ಕ್ರಿಕೆಟರ್ ವಿರಾಟ್ ಕೊಹ್ಲಿ ಅವರು 76 ನೇ ಕಾನ್ ಚಲನಚಿತ್ರೋತ್ಸವದಲ್ಲಿ ಪಾಲ್ಗೊಳ್ಳಲು ಬುಧವಾರ ಮುಂಬೈನಿಂದ ಪ್ರಯಾಣ ಬೆಳೆಸಿದ್ದಾರೆ. ವಿಮಾನ ನಿಲ್ದಾಣದಲ್ಲಿ ಸಮಾಜಿಕ ಜಾಲತಾಣದ ಸುದ್ದಿ ಬರಹಗಾರರು ಅವರ ಫೋಟೋಗಳನ್ನು ಇನ್ಸ್ಟಾಗ್ರಾಂನಲ್ಲಿ ವೈರಲ್ ಮಾಡಿದ್ದಾರೆ. ಪಾಪರಾಜಿಗಳು ಫೋಟೋಗಾಗಿ ಬೇಡಿಕೆ ಇಟ್ಟಾಗ ಇಬ್ಬರು ಒಟ್ಟಿಗೆ ನಿಂತು ಛಾಯಾಚಿತ್ರಕ್ಕೆ ಪೋಸ್ ಕೊಟ್ಟಿದ್ದಾರೆ.
ಟರ್ಮಿನಲ್ ಕಟ್ಟಡದ ಒಳಗೆ ಹೋಗುವ ಮೊದಲು ಇಬ್ಬರೂ ವಿಮಾನ ನಿಲ್ದಾಣದಲ್ಲಿ ಇದ್ದ ಪಾಪರಾಜಿಗಳಿಗೆ ನಗುತ್ತಾ ಪೋಸ್ ನೀಡಿದ್ದು, ಅದರಲ್ಲಿ ಅನುಷ್ಕಾ ಬ್ಲೇಜರ್ ಮತ್ತು ಬಿಳಿ ಟಿ-ಶರ್ಟ್, ಡೆನಿಮ್ಸ್ ಮತ್ತು ಸ್ನೀಕರ್ಸ್ ಧರಿಸಿದ್ದರು. ಅನುಷ್ಕಾ ಸನ್ಗ್ಲಾಸ್ ಸಹ ಧರಿಸಿದ್ದರು. ವಿರಾಟ್ ಕಪ್ಪು ಸ್ವೆಟ್‌ಶರ್ಟ್, ಮ್ಯಾಚಿಂಗ್ ಟ್ರೌಸರ್ ಮತ್ತು ಸ್ನೀಕರ್‌ಗಳನ್ನು ಧರಿಸಿ ಕಾಣಿಸಿಕೊಂಡಿದ್ದಾರೆ. ಇದರ ಜೊತೆಗೆ ಬಿಳಿ ಕ್ಯಾಪ್ನ್ನು ಹಾಕಿಕೊಂಡಿದ್ದರು. ಫ್ರಾನ್ಸ್ನಲ್ಲಿ ನಡೆಯುತ್ತಿರುವ 76 ನೇ ಕಾನ್ ಚಲನಚಿತ್ರೋತ್ಸಕ್ಕೆ ಪ್ರಯಾಣ ಮಾಡುತ್ತಿದ್ದಾರೆ ಎನ್ನಲಾಗಿದೆ.
ಪ್ರತಿಷ್ಠಿತ ಕಾನ್ ಚಿತ್ರೋತ್ಸವ ಇದೇ ತಿಂಗಳ 16 ರಂದು ಪ್ರಾರಂಭವಾಗಿದ್ದು, 27ರ ವರೆಗೆ ನಡೆಯಲಿದೆ. ಈಗಾಗಲೇ ಈ ಚಿತ್ರೋತ್ಸವದಲ್ಲಿ ಬಾಲಿವುಡ್ನ ನಟಿಯರು ಭಾಗವಹಿಸಿದ್ದಾರೆ. ನಟಿ ಐಪಿಎಲ್ ಸಂದರ್ಭದಲ್ಲಿ ವಿರಾಟ್ ಜೊತೆಗೆ ತಂಡದಲ್ಲಿ ಕಾಣಿಸಿಕೊಂಡಿದ್ದರು. ಇದಾದ ನಂತರ ಇಬ್ಬರು ಇಂದು ಕಾನ್ ಚಿತ್ರೋತ್ಸವಕ್ಕೆ ತೆರಳುತ್ತಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿರುವ ಅನುಷ್ಕಾ ಶರ್ಮಾ ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ವಿಮಾನ ನಿಲ್ದಾಣದ ಒಳಗಿನಿಂದ ಸೆಲ್ಫಿಯನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ, ನಟಿ ಯಾವುದೇ ಮೇಕಪ್ ಮಾಡದ ನೋಟವನ್ನು ಹೊಂದಿದ್ದು, ಅವರು ಕುರ್ಚಿಯ ಮೇಲೆ ಕುಳಿತು ಸೂರ್ಯ ರಶ್ಮಿ ತನ್ನತ್ತ ಬೀರುತ್ತಿರುವ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಫೋಟೋಗೆ "ಬೆಳಗ್ಗೆ ಸೂರ್ಯನ ಬೆಳಕನ್ನು ಪಡೆದುಕೊಳ್ಳಿ" ಎಂದು ಬರೆದುಕೊಂಡಿದ್ದು, ಸೂರ್ಯ ಕಾಂತಿಯ ಎಮೋಜಿಯನ್ನು ಕೊನೆಯಲ್ಲಿ ಬಳಸಿದ್ದಾರೆ.
- " class="align-text-top noRightClick twitterSection" data="
">
ಕಮೆಂಟ್ನಲ್ಲಿ ಲಂಡನ್ಗೆ ಇಬ್ಬರು ತೆರೆಳುತ್ತಿದ್ದಾರೆ ಎಂದು ಕೆಲವರು ಕಮೆಂಟ್ ಮಾಡಿದ್ದಾರೆ. ಅಂದರೆ ವಿರಾಟ್ ಕೊಹ್ಲಿ ಜೂನ್ 7 ರಿಂದ ಆರಂಭವಾಗಲಿರುವ ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ಗಾಗಿ ಪ್ರಯಾಣ ಬೆಳೆಸುತ್ತಿದ್ದು, ಇಬ್ಬರು ಒಟ್ಟಿಗೆ ಹೊಗುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ಇನ್ನೂ ಕೆಲವರು ಕಾನ್ ಚಿತ್ರೋತ್ಸವಕ್ಕೆ ಹೋಗುತ್ತಿರುವುದಾಗಿ ಹೇಳಿದ್ದಾರೆ. ಇಬ್ಬರ ಪ್ರಯಾಣ ಎಲ್ಲಿಗೆ ಎಂಬುದರ ಬಗ್ಗೆ ಇನ್ನೂ ಸ್ಪಷ್ಟ ಮಾಹಿತಿ ಇಲ್ಲ. ಸ್ಟಾರ್ ದಂಪತಿ ಈ ಬಗ್ಗೆ ಯಾವುದೇ ವಿಚಾರಗಳನ್ನು ಹಂಚಿಕೊಂಡಿಲ್ಲ.
ಅನುಷ್ಕಾ ಶರ್ಮಾ ಅವರು ಅವರ ಚಿತ್ರ ವೃತ್ತಿ ಜೀವನದಲ್ಲಿ ಕ್ರೀಡಾ ಬಯೋಪಿಕ್ ಚಿತ್ರ ಚಕ್ಡಾ ಎಕ್ಸ್‌ಪ್ರೆಸ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಪ್ರೋಸಿತ್ ರಾಯ್ ನಿರ್ದೇಶನದ ಈ ಚಿತ್ರವು ಮಾಜಿ ಭಾರತೀಯ ಮಹಿಳಾ ಕ್ರಿಕೆಟರ್ ಜೂಲನ್ ಗೋಸ್ವಾಮಿ ಅವರ ಜೀವನವನ್ನು ಆಧರಿಸಿದ ಕ್ರೀಡಾ ಜೀವನದ ಕಥೆಯನ್ನು ಆಧರಿಸಿದೆ. ಇದು ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರತ್ಯೇಕವಾಗಿ ಸ್ಟ್ರೀಮ್ ಆಗಲಿದೆ.
ಇದನ್ನೂ ಓದಿ: 'ನನ್ನ ಕೈಯಿಂದ ಸಿಗರೇಟ್‌ ಕಿತ್ತು ಬಿಸಾಡಿದ್ದರು': ಶರತ್ ಬಾಬು ಬಗ್ಗೆ ರಜನಿಕಾಂತ್ ಭಾವುಕ ನುಡಿ
