'ಆರ್ಆರ್ಆರ್' ಖ್ಯಾತಿಯ ನಟ ರಾಮ್ಚರಣ್ ಕೈಯಲ್ಲಿ ಈಗಾಗಲೇ ಸಾಕಷ್ಟು ಸಿನಿಮಾಗಳಿವೆ. ಈ ಬ್ಯುಸಿ ಶೆಡ್ಯೂಲ್ ಮಧ್ಯೆಯೂ ಕೊಂಚ ಬ್ರೇಕ್ ತೆಗದುಕೊಂಡು ಪತ್ನಿ ಉಪಾಸನಾ ಕಾಮಿನೇನಿ ಜೊತೆ ಫ್ರಾನ್ಸ್ ಪ್ರವಾಸ ಕೈಗೊಂಡಿದ್ದಾರೆ. ತಮ್ಮ ಪುಟ್ಟ ಮಗಳು ಕ್ಲಿನ್ ಕಾರ ಹುಟ್ಟಿದ ನಂತರ ದಂಪತಿಯ ಮೊದಲ ಟ್ರಿಪ್ ಇದಾಗಿದೆ. ಫ್ರೆಂಚ್ನ ವೈನ್, ಚೀಸ್ ಮತ್ತು ಕೆಲವು ಸುಂದರವಾದ ಪ್ರದೇಶಗಳಲ್ಲಿ ರಾಮ್ಚರಣ್ ದಂಪತಿ ಮಗಳ ಜೊತೆ ಸುತ್ತಾಡಿದ್ದಾರೆ.
ರಾಮ್ಚರಣ್ ಕೆಲಸದ ಒತ್ತಡಗಳು, ಬ್ಯುಸಿ ಶೆಡ್ಯೂಲ್ ನಡುವೆಯೂ ಫ್ಯಾಮಿಲಿಗೆಂದು ಸಮಯವನ್ನು ಮೀಸಲಿಡುತ್ತಾರೆ. ಅವರ ಮುಂದಿನ ಯೋಜನೆಯಾದ 'ಗೇಮ್ ಚೇಂಜರ್' ಶೂಟಿಂಗ್ ಪ್ರಾರಂಭಕ್ಕೂ ಮುನ್ನವೇ ಹೆಂಡತಿ ಮತ್ತು ಮಗಳ ಜೊತೆ ಸುಂದರ ಕ್ಷಣವನ್ನು ಆನಂದಿಸಿದ್ದಾರೆ. ಫ್ರಾನ್ಸ್ ಪ್ರವಾಸಕ್ಕೆ ತೆರಳಿ ಎಲ್ಲಾ ಕಡೆ ಸುತ್ತಾಡಿದ್ದಾರೆ. ಅಲ್ಲೇ ಒಂದು ಮದುವೆ ಕಾರ್ಯಕ್ರಮದಲ್ಲೂ ದಂಪತಿ ಭಾಗಿಯಾಗಿದ್ದಾರೆ. ರಾಮ್ಚರಣ್ ತಮ್ಮ ಅತ್ಯುತ್ತಮ ಸಮಯವನ್ನು ಫ್ಯಾಮಿಲಿ ಜೊತೆ ಕಳೆದಿದ್ದಾರೆ.
ಮುಂದಿನ ವಾರ 'ಗೇಮ್ ಚೇಂಜರ್' ಶೂಟಿಂಗ್ ಶುರು: ಮಾಧ್ಯಮ ವರದಿಗಳ ಪ್ರಕಾರ, ನಟ ರಾಮ್ಚರಣ್ ಮುಂದಿನ ವಾರ ಭಾರತಕ್ಕೆ ಮರಳುವ ನಿರೀಕ್ಷೆಯಿದೆ. ಸೆಪ್ಟಂಬರ್ 13 ರಂದು ಹೈದರಾಬಾದ್ನಲ್ಲಿ ಅರ್ಧಕ್ಕೆ ನಿಂತಿರುವ 'ಗೇಮ್ ಚೇಂಜರ್' ಚಿತ್ರದ ಶೂಟಿಂಗ್ ಪ್ರಾರಂಭವಾಗಲಿದೆ. ಶಂಕರ್ ನಿರ್ದೇಶನದ ಈ ಚಿತ್ರವು ಹೈ- ಆಕ್ಟೇನ್ ಆ್ಯಕ್ಷನ್ ಥ್ರಿಲ್ಲರ್ ಆಗಲಿದೆ. ಗೇಮ್ ಚೇಂಜರ್ನ ಸಂಪೂರ್ಣ ಶೂಟಿಂಗ್ ವೇಳಾಪಟ್ಟಿಯು ನವೆಂಬರ್ 2023ರ ವೇಳೆಗೆ ಮುಕ್ತಾಯಗೊಳ್ಳುವ ನಿರೀಕ್ಷೆಯಿದೆ.
ಇದನ್ನೂ ಓದಿ: ರಾಮ್ ಚರಣ್ ಪುತ್ರಿಗೆ ಬಂಗಾರದ ಉಡುಗೊರೆ ಕೊಟ್ಟ ಜೂ. ಎನ್ಟಿಆರ್, ಅಲ್ಲು ಅರ್ಜುನ್
ಶಂಕರ್ ಆ್ಯಕ್ಷನ್ ಕಟ್ ಹೇಳುತ್ತಿರುವ 'ಗೇಮ್ ಚೇಂಜರ್' ಸೆಟ್ಟೇರಿ ಬಹುಸಮಯವಾಗಿದೆ. ನಿರ್ಮಾಣ ಹಂತದಲ್ಲಿರುವ 'ಗೇಮ್ ಚೇಂಜರ್' ಅಪ್ಡೇಟ್ಸ್ಗೆ ಅಭಿಮಾನಿಗಳು ಕಾತರರಾಗಿದ್ದಾರೆ. ಇದೀಗ ಸದ್ಯದ ಮಾಹಿತಿ ಪ್ರಕಾರ ಚಿತ್ರದ ಶೂಟಿಂಗ್ ಮುಂದಿನ ವಾರದಿಂದ ಪ್ರಾರಂಭವಾಗಲಿದೆ. ಸಿನಿಮಾದಲ್ಲಿ ರಾಮ್ಚರಣ್ಗೆ ನಾಯಕಿಯಾಗಿ ಬಾಲಿವುಡ್ ನಟಿ ಕಿಯಾರಾ ಅಡ್ವಾಣಿ ಕಾಣಿಸಿಕೊಳ್ಳಲಿದ್ದಾರೆ. 2019 ರಲ್ಲಿ ತೆರೆಕಂಡ ವಿನಯ ವಿಧೇಯ ರಾಮ ಸಿನಿಮಾದಲ್ಲಿ ಮೊದಲ ಬಾರಿ ತೆರೆ ಹಂಚಿಕೊಂಡಿದ್ದರು. ಗೇಮ್ ಚೇಂಜರ್ ಈ ಜೋಡಿಯ ಎರಡನೇ ಸಿನಿಮಾ. ಆನ್ ಸ್ಕ್ರೀನ್ನಲ್ಲಿ ಈ ಜೋಡಿಯ ಕೆಮಿಸ್ಟ್ರಿ ಅದ್ಭುತವಾಗಿದ್ದರೆ, ಆಫ್ ಸ್ಕ್ರೀನ್ನಲ್ಲೂ ಉತ್ತಮ ಸ್ನೇಹಿತರಾಗಿ ಮುಂದುವರಿದಿದ್ದಾರೆ.
ಪ್ರತಿಭಾವಂತ ನಿರ್ದೇಶಕ ಶಂಕರ್ ಮತ್ತು ನಟ ರಾಮ್ ಚರಣ್ ಅವರೊಂದಿಗೆ ಕೆಲಸ ಮಾಡುವ ಬಗ್ಗೆ ಈ ಹಿಂದೆ ಕಿಯಾರಾ ತಮ್ಮ ಉತ್ಸಾಹವನ್ನು ವ್ಯಕ್ತಪಡಿಸಿದ್ದರು. ಈ ಸಿನಿಮಾ ನನಗೆ ಅಮೂಲ್ಯ ಕಲಿಕೆಯ ಅನುಭವ ನೀಡಲಿದೆ ಎಂದು ತಿಳಿಸಿದ್ದರು. ಈ ಪ್ರಾಜೆಕ್ಟ್ ನಟಿಗೆ ಬಹಳ ಪ್ರಮುಖವಾಗಿದೆ. ಏಕೆಂದರೆ ಇದು ನಟಿಯ ಮೊದಲ ಪ್ಯಾನ್ ಇಂಡಿಯಾ ಸಿನಿಮಾ. ಪ್ರಾದೇಶಿಕ ಗಡಿ ಮೀರಿ ಜನಪ್ರಿಯತೆ ಹೆಚ್ಚಿಸಿಕೊಳ್ಳಲಿದ್ದಾರೆ. ಇನ್ನು, ರಾಮ್ ಚರಣ್ ಸಿನಿಮಾ ಬಗ್ಗೆ ಕುತೂಹಲ, ನಿರೀಕ್ಷೆ ಬೆಟ್ಟದಷ್ಟಿದೆ. ಆರ್ಆರ್ಆರ್ ಸಿನಿಮಾದ ಅದ್ಭುತ ಯಶಸ್ಸಿನ ನಂತರ ನಟಿಸುತ್ತಿರುವ ಚಿತ್ರವಿದು.
ಇದನ್ನೂ ಓದಿ: ಪುತ್ರಿ ಕ್ಲಿನ್ ಕಾರಾ ಜೊತೆಗೆ ಮೊದಲ ವರಲಕ್ಷ್ಮಿ ವೃತ ಆಚರಿಸಿದ ರಾಮ್ ಚರಣ್ ಪತ್ನಿ ಉಪಾಸನಾ...
