ಬಾಲಿವುಡ್ ಸೂಪರ್ ಸ್ಟಾರ್ ನಟರಾದ ಆದಿತ್ಯ ರಾಯ್ ಕಪೂರ್ ಮತ್ತು ಅನಿಲ್ ಕಪೂರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ವೆಬ್ಸೀರಿಸ್ ಬಿಡುಗಡೆಗೆ ಸಜ್ಜಾಗಿದೆ. 'ದಿ ನೈಟ್ ಮ್ಯಾನೇಜರ್' ಪಾರ್ಟ್-II ಥ್ರಿಲ್ಲರ್ ಸರಣಿಯಾಗಿದ್ದು ಅಭಿಮಾನಿಗಳಲ್ಲಿ ಹೆಚ್ಚಿನ ನಿರೀಕ್ಷೆಯನ್ನು ಹುಟ್ಟು ಹಾಕಿದೆ. ಇದೀಗ ವೆಬ್ಸೀರಿಸ್ ತಯಾರಕರು ಟ್ರೇಲರ್ ಬಿಡುಗಡೆ ದಿನಾಂಕವನ್ನು ಘೋಷಿಸಿದ್ದಾರೆ.
ಸರಣಿಯ ಟ್ರೇಲರ್ ಬಿಡುಗಡೆಯ ಮಾಹಿತಿ ನೀಡಲು ನಟ ಅನಿಲ್ ಕಪೂರ್ ಇನ್ಸ್ಟಾ ವೇದಿಕೆಯನ್ನು ಬಳಸಿಕೊಂಡರು. ಮೋಷನ್ ಪೋಸ್ಟರ್ ಹಂಚಿಕೊಂಡಿರುವ ಅವರು, "ರಾಜ ಮತ್ತು ಕಾವಲುಗಾರನ ಈ ಕಥೆಯು ಈಗ ಅಂತ್ಯಗೊಳ್ಳಲಿದೆ. #ಹಾಟ್ಸ್ಟಾರ್ಸ್ಪೆಷಲ್ #ದಿ ನೈಟ್ ಮ್ಯಾನೇಜರ್ ಪಾರ್ಟ್ 2 ಟ್ರೇಲರ್ ಇದೇ ಜೂನ್ 5 ರಂದು ಬಿಡುಗಡೆಯಾಗಲಿದೆ. ಜೂನ್ 30 ರಂದು ಡಿಸ್ನೀ ಹಾಟ್ಸ್ಟಾರ್ನಲ್ಲಿ ಮಾತ್ರ ಸ್ಟ್ರೀಮಿಂಗ್ ಆಗಲಿದೆ" ಎಂದು ಕ್ಯಾಪ್ಶನ್ ಬರೆದಿದ್ದಾರೆ.
- " class="align-text-top noRightClick twitterSection" data="
">
'ದಿ ನೈಟ್ ಮ್ಯಾನೇಜರ್' ಎಂಬುದು ಬ್ರಿಟಿಷ್ ದೂರದರ್ಶನ ನಾಟಕ 'ದಿ ನೈಟ್ ಮ್ಯಾನೇಜರ್'ನ ಹಿಂದಿ ರಿಮೇಕ್ ಆಗಿದೆ. ಜೊತೆಗೆ ಇದು ಅದೇ ಹೆಸರಿನ 'ಜಾನ್ ಲೆ ಕ್ಯಾರೆ' ಅವರ ಕಾದಂಬರಿಯನ್ನು ಆಧರಿಸಿದೆ. ಸಂದೀಪ್ ಮೋದಿ ಅವರು ಹಿಂದಿ ವೆಬ್ ಸರಣಿಯನ್ನು ನಿರ್ಮಿಸಿ ನಿರ್ದೇಶಿಸಿದ್ದಾರೆ. ಆದಿತ್ಯ ರಾಯ್ ಕಪೂರ್ ಅವರು ಮಾಜಿ ಗುಪ್ತಚರ ಅಧಿಕಾರಿಯಾಗಿ ಶಾನ್ ಸೇನ್ಗುಪ್ತಾ ಎಂಬ ಪಾತ್ರದಲ್ಲಿ ನಟಿಸಿದ್ದಾರೆ. ಅನಿಲ್ ಕಪೂರ್ ಅವರು ಶೈಲೇಂದ್ರ ರುಂಗ್ಟಾ ಎಂಬ ಪಾತ್ರದಲ್ಲಿ ನೆಗೆಟೀವ್ ರೋಲ್ ಮಾಡುತ್ತಿದ್ದಾರೆ. ಶೋಭಿತಾ ಧೂಳಿಪಾಲ, ತಿಲೋಟಮಾ ಶೋಮ್, ಶಾಶ್ವತ ಚಟರ್ಜಿ ಮತ್ತು ರವಿ ಬೆಹ್ಲ್ ಕೂಡ ಈ ವೆಬ್ ಶೋನಲ್ಲಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ಹ್ಯಾಪಿ ಬರ್ತ್ಡೇ ಇಳಯರಾಜ - ಮಣಿರತ್ನಂ: ಹುಟ್ಟುಹಬ್ಬದ ಸಂಭ್ರಮದಲ್ಲಿ ಸಿನಿಲೋಕದ ದಿಗ್ಗಜರು
'ದಿ ನೈಟ್ ಮ್ಯಾನೇಜರ್ ಪಾರ್ಟ್ 2' ಜೂನ್ 30 ರಿಂದ ಡಿಸ್ನಿ + ಹಾಟ್ಸ್ಟಾರ್ನಲ್ಲಿ ಸ್ಟ್ರೀಮಿಂಗ್ ಆಗಲಿದೆ. ಮೊದಲ ಭಾಗವು ಶೆಲ್ಲಿ ರುಂಗ್ಟಾ (ಅನಿಲ್ ಕಪೂರ್) ಮತ್ತು ಶಾನ್ ಸೇನ್ಗುಪ್ತಾ (ಆದಿತ್ಯ ರಾಯ್ ಕಪೂರ್) ನಡುವಿನ ಘರ್ಷಣೆ ಕಂಡಿತು. ಇದನ್ನು ಕಂಡ ಅಭಿಮಾನಿಗಳು ಪಾರ್ಟ್ 2ಗೆ ಬೇಡಿಕೆ ಇಟ್ಟರು.
ಈ ಹಿಂದೆ ತನ್ನ ಪಾತ್ರಕ್ಕಾಗಿ ಹೆಚ್ಚು ಮೆಚ್ಚುಗೆ ಪಡೆದಿರುವ ಆದಿತ್ಯ, "ಮೊದಲ ಭಾಗದ ಯಶಸ್ಸು ನಿಜವಾಗಿಯೂ ವಿನಮ್ರವಾಗಿದೆ. ಶೆಲ್ಲಿ ಮತ್ತು ಶಾನ್ ಅವರ ಪ್ರಯಾಣದಲ್ಲಿ ಮುಂದೆ ಏನಾಗುತ್ತದೆ ಎಂಬುದನ್ನು ನೋಡಲು ಪ್ರೇಕ್ಷಕರು ಉತ್ಸುಕರಾಗಿದ್ದಾರೆ. ತಿರುವುಗಳು, ಥ್ರಿಲ್ ಮತ್ತು ಉದ್ವೇಗ ಎಲ್ಲವೂ ಇಲ್ಲಿಗೆ ಕೊನೆಗೊಳ್ಳುತ್ತದೆ. ದಿ ನೈಟ್ ಮ್ಯಾನೇಜರ್ ಭಾಗ 2ರ ಕಾಯುವಿಕೆ ಅಂತಿಮವಾಗಿ ಕೊನೆಗೊಂಡಿದೆ ಮತ್ತು ನಾವು ಎಲ್ಲ ಪ್ರತಿಕ್ರಿಯೆಗಳಿಗಾಗಿ ಎದುರು ನೋಡುತ್ತಿದ್ದೇವೆ" ಎಂದು ಹೇಳಿದ್ದಾರೆ.
ಜೊತೆಗೆ ಅನಿಲ್ ಕಪೂರ್ ಕೂಡ ಸೀಕ್ವೆಲ್ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ. "ನಮ್ಮ ಅಭಿಮಾನಿಗಳು ದಿ ನೈಟ್ ಮ್ಯಾನೇಜರ್ಗೆ ತೋರಿಸಿರುವ ಪ್ರೀತಿ ಮತ್ತು ಬೆಂಬಲದಿಂದ ನಾನು ಸಂತೃಪ್ತನಾಗಿದ್ದೇನೆ. ಅವರ ಉತ್ಸಾಹ ನಮ್ಮನ್ನು ಹೆಚ್ಚು ಶ್ರಮ ವಹಿಸುವಂತೆ ಮಾಡುತ್ತದೆ. ಸೀರಿಸ್ನಲ್ಲಿ ಮುಂದೆ ಆಗುವ ತಿರುವುಗಳು ಮತ್ತು ತಿರುವುಗಳಿಗೆ ಎಲ್ಲರೂ ಸಾಕ್ಷಿಯಾಗುತ್ತಾರೆ. ಆ ದಿನಗಳವರೆಗೂ ನಾನು ಕಾಯಲು ಸಾಧ್ಯವಿಲ್ಲ. ಶೆಲ್ಲಿ ಇದರಲ್ಲಿ ಅತ್ಯುತ್ತಮವಾಗಿ ಕಾಣುತ್ತಾರೆ" ಎಂದು ಹೇಳಿದರು.
ಇದನ್ನೂ ಓದಿ: 27ನೇ ವಿವಾಹ ವಾರ್ಷಿಕೋತ್ಸವ: ಶ್ರೀದೇವಿ ಜೊತೆಗಿನ ಸುಂದರ ಚಿತ್ರ ಹಂಚಿಕೊಂಡ ಬೋನಿ ಕಪೂರ್
