'ಆದಿಪುರುಷ್' 2023ರ ಬಹುನಿರೀಕ್ಷಿತ ಸಿನಿಮಾ. ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ನಟಿಸಿರುವ ಈ ಸಿನಿಮಾ ಬಿಡುಗಡೆಗೆ ದಿನಗಣನೆ ಆರಂಭವಾಗಿದೆ. ಓಂ ರಾವುತ್ ಆ್ಯಕ್ಷನ್ ಕಟ್ ಹೇಳಿರುವ ಈ ಪೌರಾಣಿಕ ನಾಟಕವು ಮಹಾಕಾವ್ಯ ರಾಮಾಯಣ ಆಧರಿಸಿದ್ದು, ಆಧುನಿಕ ಸ್ಪರ್ಶ ನೀಡಿ ಈ ಸಿನಿಮಾ ಮಾಡಲಾಗಿದೆ.
- " class="align-text-top noRightClick twitterSection" data="
">
ರಾಘವ್ (ಶ್ರೀರಾಮ) ಆಗಿ ದಕ್ಷಿಣದ ಸ್ಟಾರ್ ನಟ ಪ್ರಭಾಸ್ ಮತ್ತು ಜಾನಕಿ (ಸೀತೆ) ಆಗಿ ಉತ್ತರದ ಬಹುಬೇಡಿಕೆ ನಟಿ ಕೃತಿ ಸನೋನ್ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದಾರೆ. ಪ್ರಮುಖ ಪಾತ್ರಗಳಾದ ಲಂಕೇಶ್ ಪಾತ್ರದಲ್ಲಿ ಸೈಫ್ ಅಲಿ ಖಾನ್ ಮತ್ತು ಲಕ್ಷ್ಮಣನಾಗಿ ಸನ್ನಿ ಸಿಂಗ್ ಕಾಣಿಸಿಕೊಳ್ಳಲಿದ್ದಾರೆ. 2023ರ ಬಹುನಿರೀಕ್ಷಿತ ಸಿನಿಮಾ ಜೂನ್ 16 ರಂದು ತೆರೆಗೆ ಅಪ್ಪಳಿಸಲಿದೆ. ಈ ಸಂದರ್ಭದಲ್ಲಿ ತಿರುಪತಿಯಲ್ಲಿ ಅದ್ಧೂರಿ ಪ್ರೀ ರಿಲೀಸ್ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಚಿತ್ರ ನಿರ್ಮಾಣ ಸಂಸ್ಥೆ ಹಿಂದೆಂದೂ ನೋಡಿರದ ರೀತಿ ಅದ್ಧೂರಿಯಾಗಿ ಪ್ರೀ ರಿಲೀಸ್ ಕಾರ್ಯಕ್ರಮಕ್ಕೆ ವ್ಯವಸ್ಥೆ ಮಾಡಿದೆ. ಇಷ್ಟು ದೊಡ್ಡ ಮಟ್ಟದಲ್ಲಿ ನಡೆಯುತ್ತಿರುವ ಈ ಪ್ರೀ ರಿಲೀಸ್ ಸಮಾರಂಭ ಒಂದಷ್ಟು ವಿಶೇಷತೆಗಳಿಂದ ಗಮನ ಸೆಳೆಯುತ್ತಿದೆ.
ಚಿತ್ರರಂಗದ ಇತಿಹಾಸದಲ್ಲಿ ಮೊದಲ ಬಾರಿಗೆ ಪ್ರಭಾಸ್ ಅವರ 50 ಅಡಿ ಹೊಲೊಗ್ರಾಮ್ ಪ್ರದರ್ಶನಗೊಳ್ಲಲಿದೆ. ತಿರುಪತಿಯಲ್ಲಿ ಅಯೋಧ್ಯೆ ಹೋಲುವ ಬೃಹತ್ ಸೆಟ್ ಹಾಕಲಾಗಿದೆ. ಶ್ರೀರಾಮ ಮತ್ತು ವೆಂಕಟೇಶ್ವರ ಸ್ವಾಮಿ ಇಬ್ಬರೂ ವಿಷ್ಣುವಿನ ಅವತಾರಗಳು. ಇದನ್ನು ಗಮನದಲ್ಲಿಟ್ಟುಕೊಂಡು, ಅಯೋಧ್ಯೆ ಮತ್ತು ತಿರುಪತಿ ನಡುವಿನ ಆಧ್ಯಾತ್ಮಿಕತೆ ಪ್ರದರ್ಶಿಸುವ ನಿಟ್ಟಿನಲ್ಲಿ ಈ ಸೆಟ್ ಅನ್ನು ವಿನ್ಯಾಸಗೊಳಿಸಲಾಗಿದೆ.
1 00 ನರ್ತಕರಿಂದ ನೃತ್ಯ ಮತ್ತು 100 ಗಾಯಕರು ರಾಮಾಯಣಕ್ಕೆ ಸಂಬಂಧಿಸಿದ ಹಾಡುಗಳನ್ನು ಹಾಡಲಿದ್ದಾರೆ. ನಿರ್ದೇಶಕ ಪ್ರಶಾಂತ್ ವರ್ಮಾ ಅವರ ಉಸ್ತುವಾರಿಯಲ್ಲಿ ಈ ಕಾರ್ಯಕ್ರಮ ಆಯೋಜನೆಗೊಂಡಿರುವುದು ಗಮನಾರ್ಹ. ಅಲ್ಲದೇ ಸಂಜೆ 6 ಗಂಟೆಗೆ ಚಿತ್ರದ ಮತ್ತೊಂದು ಟ್ರೇಲರ್ ಅನಾವರಣಗೊಳ್ಳಲಿದೆ.
ಯಾವುದೇ ತೊಂದರೆಯಾಗದಂತೆ ಕಾರ್ಯಕ್ರಮಕ್ಕೆ ಲಕ್ಷಾಂತರ ಜನರು ಆಗಮಿಸುವಂತೆ ಸೂಕ್ತ ವ್ಯವಸ್ಥೆ ಮಾಡಲಾಗಿದೆ. ತಿರುಪತಿ ಶ್ರೀ ವೆಂಕಟೇಶ್ವರ ವಿಶ್ವವಿದ್ಯಾನಿಲಯದ ಮೈದಾನದಲ್ಲಿ ಆಸನಗಳನ್ನು ಹಲವು ರೀತಿಯಲ್ಲಿ ವಿಂಗಡಿಸಲಾಗಿದೆ. ವೇದಿಕೆಯ ಮುಂಭಾಗದ ಸಾಲಿಗೆ ಅಯೋಧ್ಯೆ (ಶ್ರೀರಾಮನ ಪ್ರದೇಶ) ಎಂದು ಹೆಸರಿಸಲಾಗಿದೆ, ಅದರ ನಂತರದ ಭಾಗಕ್ಕೆ ಮಿಥಿಲಾ (ಸೀತೆಯ ಜನ್ಮಸ್ಥಳ) ಎಂದು ಹೆಸರಿಸಲಾಗಿದೆ. ನಂತರ ಆಸನಗಳಿಗೆ ಪಂಚವಟಿ (ರಾಮ ಸೀತೆ ಲಕ್ಷ್ಮಣರ ವನವಾಸದ ಒಂದು ಪ್ರದೇಶ) ಎಂದು ಹೆಸರಿಸಲಾಗಿದೆ. ಅದರ ಹಿಂದಿನ ಗ್ಯಾಲರಿಗೆ ಕಿಷ್ಕಿಂದೆ (ಹನುಮನ ಸ್ಥಳ) ಎಂದು ಕರೆಯಲಾಗಿದೆ.
ಇದನ್ನೂ ಓದಿ: ಬಿಡುಗಡೆಗೂ ಮುನ್ನವೇ 400 ಕೋಟಿ ಬಾಚಿದ 'ಆದಿಪುರುಷ್': ಅಭಿಮಾನಿಗಳಲ್ಲಿ ಗರಿಗೆದರಿದ ನಿರೀಕ್ಷೆ
ಬಾಲಿವುಡ್ ಸಂಗೀತ ಜೋಡಿ ಅತುಲ್-ಅಜಯ್ ಈ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದ್ದಾರೆ. ಈ ಪೈಕಿ ಅತುಲ್ ಮುಂಬೈನಿಂದ ತಿರುಪತಿಗೆ ಬೈಕ್ನಲ್ಲಿ ಆಗಮಿಸಿದ್ದಾರೆ. ಶನಿವಾರ ಮುಂಬೈನಿಂದ ಹೊರಟಿದ್ದ ಅವರು ಸೋಮವಾರ ತಿರುಪತಿ ತಲುಪಿದ್ದಾರೆ. ವೆಂಕಟೇಶ್ವರನ ದರ್ಶನ ಪಡೆದಿದ್ದಾರೆ.
ಇದನ್ನೂ ಓದಿ: ಪ್ರಕೃತಿ ಮಡಿಲಲ್ಲಿ 'ಚಂದನ'ದ ಗೊಂಬೆ ನಿವಿ.. ಗೌನ್ ಧರಿಸಿದ್ರೆ ಥೇಟ್ ಬಾರ್ಬಿ ಡಾಲ್
ಆದಿಪುರುಷ್ ಪ್ರೀ ರಿಲೀಸ್ ಈವೆಂಟ್ ಎಂಬ ಹ್ಯಾಷ್ ಟ್ಯಾಗ್ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡ್ ಆಗಿದೆ. ಅಭಿಮಾನಿಗಳು ಒಂದು ದಿನ ಮುಂಚಿತವಾಗಿ ಕಾರ್ಯಕ್ರಮ ನಡೆಯುವ ಸ್ಥಳಕ್ಕೆ ತಲುಪಿ ಫೋಟೋ, ವಿಡಿಯೋ ತೆಗೆದು ಪೋಸ್ಟ್ ಮಾಡಿ ಸಂಭ್ರಮಿಸುತ್ತಾರೆ. ಇದರೊಂದಿಗೆ ಸೋಷಿಯಲ್ ಮೀಡಿಯಾಗಳೆಲ್ಲ 'ಆದಿಪುರುಷ್' ಪೋಸ್ಟರ್‌ಗಳು ಮತ್ತು ಪ್ರೀ ರಿಲೀಸ್ ಈವೆಂಟ್‌ಗೆ ಸಂಬಂಧಿಸಿದ ಫೋಟೋಗಳಿಂದ ತುಂಬಿವೆ. ಈ ಸಮಾರಂಭದಲ್ಲಿ ಪ್ರಭಾಸ್ ಏನು ಹೇಳುತ್ತಾರೆಂದು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.
