ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ದಬಾಂಗ್ ಹೀರೋನ ವಯಸ್ಸು ಹೆಚ್ಚಾದಂತೆ ಅವರ ಫ್ಯಾನ್ಸ್ ಸಂಖ್ಯೆಯೂ ಜಾಸ್ತಿಯಾಗುತ್ತಿದೆ. ಸದ್ಯ ಅವರು 'ಬಿಗ್ ಬಾಸ್ OTT 2' ರಿಯಾಲಿಟಿ ಶೋನ ನಿರೂಪಕರಾಗಿದ್ದಾರೆ. ಹಲವು ಬಾರಿ ಈ ಶೋನ ಅವರು ಬಿಟ್ಟು ಹೋಗುವುದಾಗಿ ಬಹಿರಂಗವಾಗಿ ಹೇಳುತ್ತಿರುತ್ತಾರೆ. ಆದರೆ, ಪುನಃ ಅವರು ಶೋಗೆ ಹಿಂತಿರುಗುತ್ತಾರೆ. ಇದಕ್ಕೆ ಕಾರಣವನ್ನೂ ಸಲ್ಮಾನ್ ಖಾನ್ ಇತ್ತೀಚೆಗೆ ಬಹಿರಂಗಪಡಿಸಿದ್ದಾರೆ.
ಅಭಿಮಾನಿಗಳ ಮೇಲಿನ ನಿಜವಾದ ಪ್ರೀತಿ ಮತ್ತು ಮೆಚ್ಚುಗೆಯು ಅವರನ್ನು ಪ್ರತಿ ಬಾರಿ ಹಿಂತಿರುಗುವಂತೆ ಮಾಡುತ್ತದೆ ಎಂದು ಅವರು ಹೇಳಿದ್ದಾರೆ. "ನನ್ನ ಅಭಿಮಾನಿಗಳು ನನ್ನ ದೊಡ್ಡ ಸಾಧನೆ ಮತ್ತು ಹೆಮ್ಮೆ. ನಾನು ಇಂದು ಏನಾಗಿದ್ದರೂ ಅದು ಅವರಿಂದಲೇ. ಹೌದು, ನಾನು ಕಾರ್ಯಕ್ರಮದ ವೇಳೆ ತಾಳ್ಮೆಯನ್ನು ಕಳೆದುಕೊಳ್ಳುತ್ತೇನೆ. ಕೆಲವೊಮ್ಮೆ ಹೊರ ಹೋಗುತ್ತೇನೆ. ಆದರೆ, ನಾನು ಮತ್ತೆ ಅಭಿಮಾನಿಗಳಿಗಾಗಿ ಮಾತ್ರ ಹಿಂತಿರುಗುತ್ತೇನೆ. ಏಕೆಂದರೆ ಅವರು ನನ್ನ ವಾರಾಂತ್ಯದ ಕಾರ್ಯಕ್ರಮಕ್ಕಾಗಿ ಕಾಯುತ್ತಿರುತ್ತಾರೆ" ಎಂದು ಹೇಳಿದ್ದಾರೆ.
ಇದನ್ನೂ ಓದಿ: 'ಲಿಯೋ' ಚಿತ್ರದಿಂದ ಸಂಜಯ್ ದತ್ ಫಸ್ಟ್ ಲುಕ್ ಔಟ್: ವಿಲನ್ ಪಾತ್ರದಲ್ಲಿ ಬಾಲಿವುಡ್ ನಟ
'ಬಿಗ್ ಬಾಸ್' ರಿಯಾಲಿಟಿ ಶೋ ಆಗಿದೆ. ಬಿಗ್ ಬಾಸ್ ಶೋ ಮೊದಲಿಗೆ ಹಿಂದಿ ಭಾಷೆಯಲ್ಲಿ ಪ್ರಾರಂಭವಾಯಿತು. ನಂತರ ಇದನ್ನು ಕನ್ನಡ, ಬಂಗಾಳಿ, ತಮಿಳು, ತೆಲುಗು, ಮರಾಠಿ ಮತ್ತು ಮಲಯಾಳಂ ಸೇರಿದಂತೆ ಏಳು ಭಾಷೆಗಳಿಗೆ ವಿಸ್ತರಿಸಲಾಯಿತು. ಸಲ್ಮಾನ್ ಖಾನ್ ಅವರು 2010 ರಲ್ಲಿ ಬಿಗ್ ಬಾಸ್ ಸೀಸನ್ 4 ರೊಂದಿಗೆ ಕಾರ್ಯಕ್ರಮದ ನಿರೂಪಕರಾಗಿ ಸೇರಿಕೊಂಡರು. ಅಂದಿನಿಂದ ಇಂದಿನಿವರೆಗೂ ಅಂದರೆ ಸುಮಾರು ಒಂದು ದಶಕಕ್ಕೂ ಹೆಚ್ಚು ಕಾಲ ಅವರು ಈ ಶೋನ ಭಾಗವಾಗಿದ್ದಾರೆ.
'ಬಿಗ್ ಬಾಸ್ OTT 2': ನಾಟಕ, ವಿವಾದಗಳು, ಜಗಳ, ತಿರುವುಗಳು ಬಿಗ್ ಬಾಸ್ನ ಒಂದು ಭಾಗವಾಗಿದ್ದು, ಪ್ರೇಕ್ಷಕರು ಇದನ್ನು ಸಾಕಷ್ಟು ನೋಡಿದ್ದಾರೆ. ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಅವರ ವಾರಾಂತ್ಯದ ಕಾರ್ಯಕ್ರಮ ಸೇರಿದಂತೆ, ಮನೆಯಲ್ಲಿ ವಿವಿಧ ಕೆಲಸಗಳಲ್ಲಿ ತೊಡಗಿಸಿಕೊಂಡಿರುವ ಸ್ಪರ್ಧಿಗಳು, ಬಿಸಿ ಜಗಳಗಳು, ಲವ್ ಸ್ಟೋರಿಸ್, ರೊಮ್ಯಾನ್ಸ್, ಕಾಂಪಿಟೇಶನ್, ಉತ್ತಮ ಪ್ರದರ್ಶನಗಳು ಎಲ್ಲವೂ ಬಿಗ್ ಬಾಸ್ ಪ್ರೇಮಿಗಳಿಗೆ ತಿಳಿದಿದೆ.
ಇನ್ನೇನು ಸ್ಪರ್ಧೆಯ ಅಂತಿಮ ದಿನಗಳು ಹತ್ತಿರವಾಗುತ್ತಿದ್ದಂತೆ ಸವಾಲುಗಳು, ಕಾಂಪಿಟೇಶನ್ಗಳು ನಿತ್ಯ ಹೆಚ್ಚು ಹೆಚ್ಚು ತೀವ್ರಗೊಳ್ಳುತ್ತಿವೆ. ಪ್ರಸ್ತುತ ಬಿಗ್ ಬಾಸ್ ಮನೆಯಲ್ಲಿ ಪೂಜಾ ಭಟ್, ಎಲ್ವಿಶ್ ಯಾದವ್, ಅಭಿಷೇಕ್ ಮಲ್ಹಾನ್, ಆಶಿಕಾ ಭಾಟಿಯಾ, ಮನಿಶಾ ರಾಣಿ, ಬಾಬಿಕಾ ಧುರ್ವೆ, ಜೆಡಿ ಹದಿದ್ ಮತ್ತು ಅವಿನಾಶ್ ಸಚ್‌ದೇವ ಸ್ಪರ್ಧಿಗಳಾಗಿದ್ದಾರೆ. 'ಬಿಗ್ ಬಾಸ್ OTT 2' ಜಿಯೋ ಸಿನಿಮಾದಲ್ಲಿ ಪ್ರಸಾರವಾಗುತ್ತದೆ.
ಇನ್ನೂ ಸಲ್ಮಾನ್ ಖಾನ್ ಅವರ ಸಿನಿಮಾ ವಿಚಾರ ನೋಡುವುದಾದರೆ, ಅವರು ಕೊನೆಯದಾಗಿ ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್ ಚಿತ್ರದಲ್ಲಿ ಕಾಣಿಸಿಕೊಂಡರು. ಇದರಲ್ಲಿ ಪೂಜಾ ಹೆಗ್ಡೆ, ಶಹನಾಜ್ ಗಿಲ್, ರಾಘವ್ ಜುಯಲ್ ಮತ್ತು ಪಾಲಕ್ ತಿವಾರಿ ನಟಿಸಿದ್ದರು. ಅವರ ಮುಂದಿನ ಬಹುನಿರೀಕ್ಷಿತ ಚಿತ್ರ 'ಟೈಗರ್ 3'. ದೀಪಾವಳಿ ಸಂದರ್ಭದಲ್ಲಿ ಸಿನಿಮಾ ತೆರೆಗೆ ತರಲು ಸಿದ್ಧತೆ ನಡೆಯುತ್ತಿದ್ದು, ಕತ್ರಿನಾ ಕೈಫ್ ನಾಯಕಿಯಾಗಿ ನಟಿಸಿದ್ದಾರೆ.
ಇದನ್ನೂ ಓದಿ: 'ಲಿಯೋ' ಚಿತ್ರದಿಂದ ಸಂಜಯ್ ದತ್ ಫಸ್ಟ್ ಲುಕ್ ಔಟ್: ವಿಲನ್ ಪಾತ್ರದಲ್ಲಿ ಬಾಲಿವುಡ್ ನಟ
