ಕಾಫಿ ವಿತ್​ ಕರಣ್​ 7: ಅರ್ಜುನ್, ಮಲೈಕಾ ಮದುವೆಯಾಗ್ತಾರಾ.. ಮದುವೆಯ ಯೋಜನೆ ಬಗ್ಗೆ ಕಪೂರ್​ ಹೇಳಿದ್ದೇನು?

ಕರಣ್ ಜೋಹರ್ ಅವರ ಕಾಫಿ ವಿತ್​ ಕರಣ್​ ಶೋ ಸದಾ ಸುದ್ದಿಯಲ್ಲೇ ಇರುತ್ತದೆ. ಕಾರ್ಯಕ್ರಮದ ಹೊಸ ಸಂಚಿಕೆ ಗುರುವಾರ ರಾತ್ರಿ 12 ಗಂಟೆಗೆ ಪ್ರಸಾರವಾಗಿದೆ. ರಕ್ಷಾಬಂಧನ ವಿಶೇಷ ಸಂಚಿಕೆಯಲ್ಲಿ ಸೋನಂ ಕಪೂರ್ ತನ್ನ ಸಹೋದರ ಅರ್ಜುನ್ ಕಪೂರ್ ಜೊತೆ ಕಾರ್ಯಕ್ರಮಕ್ಕೆ ಆಗಮಿಸಿದ್ದರು. ಅವರಿಬ್ಬರ ಅದ್ಭುತ ಬಾಂಧವ್ಯ ಕಾರ್ಯಕ್ರಮದಲ್ಲಿ ಕಂಡು ಬಂದಿತು.

ಮುಂಬೈ, ಮಹಾರಾಷ್ಟ್ರ: ಕಾಫಿ ವಿತ್ ಕರಣ್ 7ನ ಆರನೇ ಸಂಚಿಕೆ ಅಂತಿಮವಾಗಿ ಹೊರ ಬಂದಿದೆ. ಈ ವಿಶೇಷ ಸಂಚಿಕೆಯಲ್ಲಿ ಸಹೋದರ ಅರ್ಜುನ್ ಕಪೂರ್ ಮತ್ತು ಸಹೋದರಿ ಸೋನಮ್ ಕಪೂರ್ ಜೋಡಿ ಕಾಣಿಸಿಕೊಂಡರು. ಈ ವೇಳೆ ತಮ್ಮ ಸಂಬಂಧಗಳು ಮತ್ತು ವೃತ್ತಿಜೀವನದ ಬಗ್ಗೆ ಬಹಿರಂಗವಾಗಿ ಚರ್ಚಿಸಿದರು. ಈ ವೇಳೆ ಕರಣ್ ಜೋಹರ್ ಅರ್ಜುನ್ ಮತ್ತು ಮಲೈಕಾ ಅರೋರಾ ಸಂಬಂಧದ ಬಗ್ಗೆ ಮಾತನಾಡಿ ಪ್ರಣಯದ ಬಗ್ಗೆ ಪ್ರಶ್ನೆಗಳನ್ನು ಎತ್ತಿದರು.

1. ಅವರಿಬ್ಬರ ಪ್ರೀತಿಯ ವಿಷಯದಲ್ಲಿ ನಿಮ್ಮ ಸಹೋದರನನ್ನು ಹೇಗೆ ಬೆಂಬಲಿಸಿದ್ರಿ.. ಎಂದು ಸೋನಮ್​ ಕಪೂರ್​ಗೆ ಕರಣ್ ಪ್ರಶ್ನಿಸಿದರು.

ಈ ಪ್ರಶ್ನೆಗೆ ಉತ್ತರಿಸಿದ ನಟಿ ಸೋನಮ್​, ‘ಅರ್ಜುನ್ ಮತ್ತು ನನಗೂ ಹದಿನೈದು ದಿನಗಳ ಅಂತರವಿದೆ. ಶಾಲೆಯಿಂದ ನಾವು ಯಾವಾಗಲೂ ಒಟ್ಟಿಗೆ ಇರುತ್ತಿದ್ದೆವು. ನಮ್ಮ ಸಹೋದರ - ಸಹೋದರಿ ಪ್ರೀತಿಗೆ ಷರತ್ತುಗಳಿಲ್ಲ. ಇತ್ತೀಚೆಗೆ ಅವರ ಜೀವನದಲ್ಲಿ ಸ್ಥಿರತೆ ಮತ್ತು ಸಂತೋಷ ಬಂದಿದೆ. ಅವರು ಸ್ವಲ್ಪಮಟ್ಟಿಗೆ ಸಮಸ್ಯೆಗಳನ್ನು ಎದುರಿಸುತ್ತಿದ್ದರು. ಅವನ ಸಂತೋಷವೇ ನನಗೆ ಮುಖ್ಯ. ಹೀಗಾಗಿ ನಾನು ಅವನಿಗೆ ಬೆಂಬಲ ನೀಡುತ್ತೇನೆ ಎಂದು ಹೇಳಿದರು.

2. ಮಲೈಕಾ ಅವರೊಂದಿಗಿನ ಸಂಬಂಧವನ್ನು ಸಾರ್ವಜನಿಕರಿಗೆ ಬಹಿರಂಗಪಡಿಸಲು ಏಕೆ ಇಷ್ಟು ಸಮಯ ತೆಗೆದುಕೊಂಡಿದ್ದೀರಿ ಎಂದು ಅರ್ಜುನ್​ಗೆ ಕರಣ್ ಪ್ರಶ್ನಿಸಿದರು.

ಈ ಪ್ರಶ್ನೆಗೆ ಉತ್ತರಿಸಿದ ನಟ, ನಾನು ಅವಿಭಕ್ತ ಕುಟುಂಬದಲ್ಲಿ ಬೆಳೆದಿದ್ದೇನೆ. ಇದರ ಪರಿಣಾಮ ಏನಾಗುತ್ತಿದೆ ಎಂಬುದನ್ನು ನೋಡುವುದು ಅಷ್ಟು ಸುಲಭವಲ್ಲದ ಮಾತು. ಎಲ್ಲವೂ ನಾನು ಮಲೈಕಾ ಮೇಲೆ ಹೊಣೆ ಹೊರಿಸಲು ಸಾಧ್ಯವಿಲ್ಲ. ನಿಮ್ಮ ಮಾತಿನ ಅರ್ಥವೇನು.. ಜನರು ಇದನ್ನೆಲ್ಲ ಸುಲಭವಾಗಿ ಅರ್ಥಮಾಡಿಕೊಳ್ಳುತ್ತಾರಾ ಎಂದು ಹೇಳಿದರು.