ಶಿವಮೊಗ್ಗ : ಐಪಿಎಲ್ ಪ್ರಾರಂಭವಾದಾಗಿನಿಂದಲೂ ಆರ್‌ಸಿಬಿ ತಂಡ ಒಂದು ಸಾರಿಯೂ ಕಪ್ ಗೆಲ್ಲದೆ ಹೋದರೂ ಸಹ ತಂಡದ ಮೇಲಿನ ಅಭಿಮಾನವನ್ನು ಕನ್ನಡಿಗರು ಕಡಿಮೆ ಮಾಡಿಲ್ಲ. ಸಾಗರ ಪಟ್ಟಣದ ಶಿವಮೊಗ್ಗ ರಸ್ತೆಯಲ್ಲಿ ಸದ್ಗುರು ಹೋಟೆಲ್ ನಡೆಸುತ್ತಿರುವ ಸಂತೋಷ್ ಸದ್ಗುರು ತಮ್ಮ ಫಿಯಟ್ ಕಾರಿನ ತುಂಬೆಲ್ಲಾ ಈ ಸಲ ಕಪ್ ನಮ್ದೆ ಅಂತಾ ಸ್ಟಿಕ್ಕರ್ ಮೂಲಕ ಬರೆಯಿಸಿ ಕಾರನ್ನೆ ಹೊಸ ವಿನ್ಯಾಸದಲ್ಲಿ ಬದಲಾಯಿಸಿದ್ದಾರೆ. ಈ ಮೂಲಕ ತಮ್ಮ ಕ್ರಿಕೆಟ್ ಅಭಿಮಾನವನ್ನು ಹೊರ ಹಾಕಿದ್ದಾರೆ.
ಕಾರಿನ ಮೇಲೆ ಕಪ್ ಮಾತ್ರ ಬರೆಸದೆ, ಕನ್ನಡ ಮೇರು ನಟರ ಭಾವಚಿತ್ರವನ್ನು ಸಹ ಬರೆಯಿಸಿದ್ದಾರೆ. ಇದರಲ್ಲಿ ಕನ್ನಡದ ವರ ನಟ ಡಾ.ರಾಜಣ್ಣ, ಶಂಕರ ನಾಗ್ ಹಾಗೂ ಪುನೀತ್ ರಾಜ್ ಕುಮಾರ್ ಚಿತ್ರಗಳನ್ನು ಹಾಕಿ ಕನ್ನಡಾಭಿಮಾನಿವನ್ನು ಮೆರೆದಿದ್ದಾರೆ. ಈ ಕಾರನ್ನು ಇಂದು ಸಾಗರದಲ್ಲಿ ಖ್ಯಾತ ಕಿರುತರೆ ನಟಿ ರಜನಿ ರಾಘವನ್ ಬಿಡುಗಡೆಗೊಳಿಸಿದರು.
ಸಂತೋಷ್ ಸದ್ಗುರು ಕ್ರಿಕೆಟ್ ಪ್ರೇ‌ಮಿಯಾಗಿ ಕಾರಿನ ಮೇಲೆ ಆರ್‌ಸಿಬಿ ಈ ಸಲ ಕಪ್ ನಮ್ದೆ ಅಂತಾ ಹೊಸ ವಿನ್ಯಾಸ ಮಾಡುವುದರ ಜೊತೆಗೆ ಕನ್ನಡಾಭಿಮಾನವನ್ನು ಮರೆದಿದ್ದಾರೆ. ಇದನ್ನು ನೋಡಿ ಸಂತೋಷವಾಗಿದೆ ಎಂದು ರಜನಿ ರಾಘವನ್ ಹೇಳಿದರು. ನಾವು ಕನ್ನಡಾಭಿಮಾನಿಗಳು ಇದರಿಂದ ಪ್ರತಿ ಸಲ ಕಪ್ ನಮ್ದೆ ಅಂತಾ ಕೇಳ್ತಾ ಇದ್ದೇವೆ. ಈ ಬಾರಿ ಕಪ್ ನಮ್ಮದಾಗುತ್ತದೆ ಎಂಬ ವಿಶ್ವಾಸವಿದೆ ಎನ್ನುತ್ತಾರೆ ಕಾರಿನ ಮಾಲೀಕ ಸಂತೋಷ್ ಸದ್ಗುರು.
ಇದನ್ನೂ ಓದಿ: ರಾಷ್ಟ್ರದ ಶ್ರೇಷ್ಠ ವಿಜ್ಞಾನಿಗಳ ಪಟ್ಟಿಯಲ್ಲಿ ಪ್ರೊ. ಗಿರೀಶ್ಗೆ ಮೂರನೇ ಸ್ಥಾನ
