ಮೈಸೂರು: ಅಭಿಯಾನಿಯೊಬ್ಬ ನಟ ದರ್ಶನ್ ಭೇಟಿ ಮಾಡಲು ಅವಕಾಶ ನೀಡುವಂತೆ ಹಠ ಹಿಡಿದು ಜಿಲ್ಲೆಯ ತಿ. ನರಸೀಪುರ ತಾಲೂಕಿನ ರಸ್ತೆಯಲ್ಲಿರುವ ದರ್ಶನ್ ಫಾರಂಹೌಸ್ ಮುಂದೆ ಡ್ಯಾನ್ಸ್ ಮಾಡಿ ಪಲ್ಟಿ ಹೊಡೆದ ಘಟನೆ ನಡೆದಿದೆ.
ನಟ 'ದರ್ಶನ'ಕ್ಕಾಗಿ ಫಾರಂಹೌಸ್ ಮುಂದೆ ಅಭಿಮಾನಿ ಡ್ಯಾನ್ಸ್..!
ಸಾಕಷ್ಟು ವಿವಾಧಗಳ ನಡುವೆ ಸಿಲುಕಿರುವ ನಟ ದರ್ಶನ್ ಸದ್ಯ ತಮ್ಮ ಫಾರಂಹೌಸ್ನಲ್ಲಿ ತಂಗಿದ್ದಾರೆ. ದರ್ಶನ್ ಅಭಿಮಾನಿ ಕೊಳ್ಳೇಗಾಲದ ನಿವಾಸಿ ಸೂರ್ಯ, ತೂಗುದೀಪ ಫಾರಂ ಹೌಸ್ನ ಗೇಟ್ ನೆಗೆದು ಒಳ ಹೋಗಿ ದರ್ಶನ್ನನ್ನು ಭೇಟಿಯಾಗಲು ಪ್ರಯತ್ನಿಸಿದ್ದಾನೆ.
ಆದರೆ ದರ್ಶನ್ ಗೆಳೆಯರು ಸೂರ್ಯನ್ನು ಹೊರಕಳಿಸಿದ್ದಾರೆ. ಇದರಿಂದ ಹಠ ಹಿಡಿದು ಕುಳಿತ ಅಭಿಮಾನಿ ಗೆಟ್ ಮುಂದೆ 'ಡಿ ಬಾಸ್' ಘೋಷಣೆ ಕೂಗಿ, ಡ್ಯಾನ್ಸ್ ಮಾಡಿ ಪಲ್ಟಿ ಹೊಡೆದಿದ್ದಾನೆ.
