ಬೆಂಗಳೂರು: ತಿಲಕ್ನಗರ ಸಬ್ ಇನ್ಸ್ಪೆಕ್ಟರ್ ಲಂಚ ಸ್ವೀಕರಿಸುತ್ತಿದ್ದ ದೃಶ್ಯವನ್ನ ನೋಡಿದ ವಕೀಲನ ಮೇಲೆ ಮಹಿಳಾ ಎಎಸ್ಐ ಹಲ್ಲೆ ಮಾಡಿರುವ ಆರೋಪ ಪ್ರಕರಣ ತಿಲಕ್ ನಗರದಲ್ಲಿ ನಡೆದಿದೆ.
ವಕೀಲ ಅನಿಲ್ ಕುಮಾರ್ ಕೇಸ್ ವಿಚಾರವಾಗಿ ಮಾತನಾಡಲು ತಿಲಕ್ ನಗರ ಠಾಣೆಯ ಬರುತ್ತಿರುವಾಗ, ಸಬ್ ಇನ್ಸ್ಪೆಕ್ಟರ್ ಅನೂಸೂಯ ಠಾಣಾ ವ್ಯಾಪ್ತಿಯಲ್ಲಿ ಬೇರೆಯವರಿಂದ ಹಣ ವಸೂಲಿ ಮಾಡುತ್ತಿದ್ದನ್ನು ನೋಡಿದ್ದಾರೆ. ಈ ವೇಳೆ ವಕೀಲ ಮೊಬೈಲ್ನಲ್ಲಿ ವಿಡಿಯೋ ಸೆರೆಹಿಡಿದಿದ್ದಾನೆ ಎಂದು ಆರೋಪಿಸಿ ಎಎಸ್ಐ, ಅನಿಲ್ ಕುಮಾರ್ ಮೇಲೆ ಹಲ್ಲೆ ಮಾಡಿದ್ದಾರೆ. ಅಲ್ಲದೆ ತಲೆಗೆ ಗನ್ ಪಾಯಿಂಟ್ ಇಟ್ಟು ಎನ್ಕೌಂಟರ್ ಮಾಡುವುದಾಗಿ ಬೆದರಿಕೆಯೂ ಹಾಕಿದ್ದಾರೆ. ಮೊಬೈಲ್ ಕಸಿದು ವಿಡಿಯೋ ಹಾಗೂ ಫೋಟೋ ಡಿಲೀಟ್ ಮಾಡಿದ್ದಾರೆ ಎಂದು ವಕೀಲರು ದೂರಿದ್ದಾರೆ.
ಹಲ್ಲೆ ಮಾಡಿದ ಸಬ್ ಇನ್ಪೆಕ್ಟರ್ ಮೇಲೆ ಶಿಸ್ತು ಕ್ರಮ ಜರುಗಿಸುವಂತೆ ನಗರ ಹೆಚ್ಚುವರಿ ಆಯುಕ್ತ ಮುರುಗನ್ ಅವರಿಗೆ ವಕೀಲರು ದೂರು ನೀಡಿದ್ದಾರೆ. ಶಿಸ್ತು ಕ್ರಮ ಕೈಗೊಳ್ಳುವುದಾಗಿ ಆಯುಕ್ತರು ಭರವಸೆ ನೀಡಿದ್ದಾರೆ.
