ಬೆಂಗಳೂರು : ಕೋವಿಡ್-19 ವಿಶೇಷ ಸರ್ವೇಕ್ಷಣಾ ಚಟುವಟಿಕೆಗಳನ್ನು ಹಮ್ಮಿಕೊಳ್ಳಲು ಬಿಬಿಎಂಪಿ ಸಿದ್ಧಗೊಂಡಿದೆ. ಪ್ರಸ್ತುತ ನೆರೆಯ ಕೇರಳ ಮತ್ತು ಮಹಾರಾಷ್ಟ್ರದಲ್ಲಿ ಕೋವಿಡ್ ಪ್ರಕರಣಗಳು ಹೆಚ್ಚಾಗುತ್ತಿವೆ. ಈ ಹಿನ್ನೆಲೆ ಈ ರಾಜ್ಯಗಳಿಂದ ಕರ್ನಾಟಕಕ್ಕೆ ಆಗಮಿಸುವ ಪ್ರಯಾಣಿಕರಿಗೆ ವಿಶೇಷ ಸರ್ವೇಕ್ಷಣಾ ಚಟುವಟಿಕೆಯನ್ನು ಹಮ್ಮಿಕೊಳ್ಳಲು ತಯಾರಿ ನಡೆದಿದೆ.
ಪಾಲಿಕೆಯ ವಲಯ ಜಂಟಿ ಆಯುಕ್ತರು ಹಾಗೂ ಆರೋಗ್ಯಾಧಿಕಾರಿಗಳ ಸೂಚನೆಯಂತೆ ತಂಡ-1 ಕಂದಾಯ ಇಲಾಖೆಯ ತಂಡ 72 ಗಂಟೆಯೊಳಗೆ ಮಾಡಿಸಿದ ಆರ್‌ಟಿಪಿಆರ್ ನೆಗಟಿವ್ ವರದಿಯನ್ನು ಹೊಂದಿರುವ ಪ್ರಯಾಣಿಕರನ್ನು ತಪಾಸಣೆ ನಡೆಸುವ ಕೆಲಸ ವಹಿಸಲಾಗಿದೆ. ಹಾಗೇ ತಂಡ-2 ಆರೋಗ್ಯ ಇಲಾಖೆಯ ಪರೀಕ್ಷಾ ತಂಡವು ಕೋವಿಡ್-19 ಆರ್‌ಟಿಪಿಸಿಆರ್ ಪರೀಕ್ಷೆಗೆ ಪ್ರಯಾಣಿಕರನ್ನ ಒಳಪಡಿಸಬೇಕು.
ಎಲ್ಲಿಲ್ಲಿ ತಂಡ ಇರಲಿದೆ?:
- ತಂಡ-1: ಕಂದಾಯ ಇಲಾಖೆಯ ತಪಾಸಣಾ ತಂಡ
1.ಮೆಜೆಸ್ಟಿಕ್ ರೈಲ್ವೆ ನಿಲ್ದಾಣ
2. ಮೆಜೆಸ್ಟಿಕ್ ಬಸ್ ನಿಲ್ದಾಣ
3.ಮೈಸೂರು ರೋಡ್ ಸ್ಯಾಟಲೈಟ್ ಬಸ್ ನಿಲ್ದಾಣ
4. ಯಶವಂತಪುರ ಬಸ್ ನಿಲ್ದಾಣ
5. ಕಂಟೋನ್ಮೆಂಟ್ ರೈಲ್ವೆ ನಿಲ್ದಾಣ
6. ಶಾಂತಿನಗರ ಸ್ಯಾಟಲೈಟ್ ಬಸ್ ನಿಲ್ದಾಣ - ತಂಡ-2: ಆರೋಗ್ಯ ಇಲಾಖೆಯ ಪರೀಕ್ಷಾ ತಂಡ
1. ಕೆಂಗೇರಿ ಸ್ಯಾಟಲೈಟ್ ಬಸ್ ನಿಲ್ದಾಣ
2. ಯಶವಂತಪುರ ರೈಲ್ವೆ ನಿಲ್ದಾಣ
3. ಕೆಆರ್ಪುರಂ ರೈಲ್ವೆ ನಿಲ್ದಾಣ
ಪಾಸಿಟಿವ್ ಪ್ರಕರಣಗಳ ವರದಿ ಕಡ್ಡಾಯ:
ಪಾಲಿಕೆ ವ್ಯಾಪ್ತಿಯಲ್ಲಿ ಕೋವಿಡ್ ಸೋಂಕನ್ನು ಪರಿಣಾಮಕಾರಿಯಾಗಿ ನಿಯಂತ್ರಿಸುವ ನಿಟ್ಟಿನಲ್ಲಿ ಪಾಲಿಕೆ ವ್ಯಾಪ್ತಿಯಲ್ಲಿ ಹಲವು ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಎಲ್ಲಾ ಕೋವಿಡ್ ಸೋಂಕಿತರಿಗೆ ಕಡ್ಡಾಯವಾಗಿ ಫಿಸಿಕಲ್ ಟ್ರಯಾಜ್ ಸೆಂಟರ್ ಮೂಲಕ ಚಿಕಿತ್ಸೆ ನೀಡಬೇಕು. ಲ್ಯಾಬ್ ಮತ್ತು ಖಾಸಗಿ ಆಸ್ಪತ್ರೆಗಳು ಪಾಸಿಟಿವ್ ಪ್ರಕರಣಗಳ ವರದಿಯನ್ನು ಪಾಲಿಕೆಗೆ ಕಡ್ಡಾಯವಾಗಿ ತಿಳಿಸಬೇಕು ಎಂದು ಪಾಲಿಕೆ ಸುತ್ತೋಲೆ ಹೊರಡಿಸಿದೆ.
ಪಾಲಿಕೆ ವ್ಯಾಪ್ತಿಯಲ್ಲಿರುವ ಲ್ಯಾಬ್ಗಳು ಹಾಗೂ ಆಸ್ಪತ್ರೆಗಳು ಕೋವಿಡ್ ಪಾಸಿಟಿವ್ ನೆಗಟಿವ್ ವರದಿಯನ್ನು ನೇರವಾಗಿ ಕೊಡುತ್ತಿವೆ. ಈ ಹಿನ್ನಲೆಯಲ್ಲಿ ವರದಿಯನ್ನು ಪಾಲಿಕೆ ಮತ್ತು ಐಸಿಎಂಆರ್ ಪೋರ್ಟಲ್ಗೆ ಅಪ್ಡೇಟ್ ಮಾಡಬೇಕು. ಇಲ್ಲದಿದ್ದರೆ ಕ್ರಮ ಕೈಗೊಳ್ಳುವುದಾಗಿ ಪಾಲಿಕೆ ಎಚ್ಚರಿಕೆ ನೀಡಿದೆ.
ಕಳೆದ ಹತ್ತು ದಿನಗಳಲ್ಲಿ ನಗರದಲ್ಲಿ ವಲಯವಾರು ಕೊರೊನಾ ಪ್ರಕರಣಗಳು ಇಂತಿವೆ:
ಕಂಟೈನ್ಮೆಂಟ್ ಪ್ರದೇಶಗಳು- ಪ್ರಕರಣಗಳ ಸಂಖ್ಯೆ
- ಮಹಾದೇವಪುರ - 720 - 42
- ಬೊಮ್ಮನಹಳ್ಳಿ - 666 - 29
- ಪೂರ್ವ ವಲಯ - 548 - 28
- ಆರ್.ಆರ್ ನಗರ - 433 - 11
- ಯಲಹಂಕ - 341 - 9
- ದಕ್ಷಿಣ ವಲಯ - 384 - 10
- ಪಶ್ಚಿಮ ವಲಯ - 364 - 5
- ದಾಸರಹಳ್ಳಿ - 93 - 2
ಇದನ್ನೂ ಓದಿ: ದೇಶದಲ್ಲಿ 41,831 ಜನರಿಗೆ ಕೊರೊನಾ ದೃಢ; ಚೇತರಿಕೆ ಪ್ರಮಾಣ ಶೇ 97.36
