ಬೆಂಗಳೂರು: ರಾಜ್ಯಸಭೆ ಚುನಾವಣೆ ಫಲಿತಾಂಶದ ಬೆನ್ನಲ್ಲೇ ಇದೀಗ ಹಲವು ರಾಜಕೀಯ ಲೆಕ್ಕಾಚಾರ ಶುರುವಾಗಿದೆ. ಸೋಲು, ಗೆಲುವಿನ ಹಿಂದೆ ಪಕ್ಷಗಳ ಮುಂದಿನ ಕಾರ್ಯತಂತ್ರ, ರಾಜಕೀಯ ಲಾಭ-ನಷ್ಟದ ಚರ್ಚೆ ನಡೆಯುತ್ತಿದೆ. ರಾಜ್ಯಸಭೆ ಚುನಾವಣೆಯ ಗೆಲುವು ರಾಜ್ಯ ಬಿಜೆಪಿ ನಾಯಕರ ವಿಶ್ವಾಸ ಹೆಚ್ಚಿಸಿದೆ. ತಮ್ಮ ಕಾರ್ಯತಂತ್ರ ಸಫಲವಾಗಿರುವ ಕಾರಣ ಇನ್ನಷ್ಟು ಹೊಸ ಪ್ಲಾನ್ಗಳನ್ನು ರೂಪಿಸಲು ಬಿಜೆಪಿ ನಾಯಕರು ಮುಂದಾಗಿದ್ದಾರೆ.
ಬಿಜೆಪಿ ಲೆಕ್ಕಾಚಾರವೇನು?:
- ಮತ್ತಷ್ಟು ಉತ್ಸಾಹ ತುಂಬಿಕೊಂಡ ಬಿಜೆಪಿ ಪಾಳಯ. ಮುಂಬರುವ ಬಿಬಿಎಂಪಿ, ಜಿ.ಪಂ/ತಾ.ಪಂ ಚುನಾವಣೆಗಳಲ್ಲಿ ಕಾಂಗ್ರೆಸ್- ಜೆಡಿಎಸ್ ಕಚ್ಚಾಟದ ಲಾಭ ಪಡೆಯಲು ಸಿದ್ಧತೆ
- ಹಳೆ ಮೈಸೂರು ಭಾಗದಲ್ಲಿ ಕಾಂಗ್ರೆಸ್-ಜೆಡಿಎಸ್ ಸಂಘರ್ಷದಿಂದಲೂ ಲಾಭದ ನಿರೀಕ್ಷೆ
- ಬಿಜೆಪಿಯ ಸಾಮರ್ಥ್ಯ ಮತ್ತೊಮ್ಮೆ ಸಾಬೀತು. ಪಕ್ಷಕ್ಕೆ ವಲಸೆ ಬರುವವರ ಸಂಖ್ಯೆಯೂ ಹೆಚ್ಚಳದ ನಿರೀಕ್ಷೆ
- ಹೈಕಮಾಂಡ್ ಗಮನ ಸೆಳೆದ ಮೂರನೇ ಅಭ್ಯರ್ಥಿ ಗೆಲುವು. ರಾಜ್ಯ ನಾಯಕರ ಮೇಲೆ ಹೈಕಮಾಂಡ್ ವಿಶ್ವಾಸವೃದ್ಧಿ ನಿರೀಕ್ಷೆ
- ಇನ್ನಷ್ಟು ಬಲವಾಯಿತು ಬಿಜೆಪಿಯ ಸಾಮೂಹಿಕ ಶ್ರಮ, ಸಾಮೂಹಿಕ ನಾಯಕತ್ವದ ಮಂತ್ರ. ಜೊತೆಗೆ ಹೈಕಮಾಂಡ್ಗೆ ರಾಜ್ಯದ ಮೇಲೆ ಆದ್ಯತೆ, ಪರಿಗಣನೆ ಹೆಚ್ಚಾಗುವ ನಿರೀಕ್ಷೆ
ಕಾಂಗ್ರೆಸ್ ಮೇಲಿನ ಪರಿಣಾಮ:
- ಜೆಡಿಎಸ್ನಿಂದ ಸಂಪೂರ್ಣ ಅಂತರ ಕಾಯ್ದುಕೊಂಡಿದ್ದೇವೆ ಎಂಬ ಸ್ಪಷ್ಟ ಸಂದೇಶ ರವಾನೆ
- ಮೈನಾರಿಟಿ ಓಟ್ ಬ್ಯಾಂಕ್ ಗಟ್ಟಿಗೊಳಿಸಿಕೊಳ್ಳುವಲ್ಲಿ ಸಹಕಾರಿ
- ಜೆಡಿಎಸ್ ಪ್ರಾಬಲ್ಯದ ಹಳೆ ಮೈಸೂರು ಭಾಗದಲ್ಲಿ ಪರ್ಯಾಯ ಶಕ್ತಿ ಕಾಂಗ್ರೆಸ್ ಒಂದೇ ಎಂದು ಬಿಂಬಿಸಿಕೊಳ್ಳಲು ಸಹಕಾರಿ
- ಜೆಡಿಎಸ್, ಬಿಜೆಪಿಯ ಬಿ ಟೀಂ ಎಂದು ಸಾಬೀತು ಪಡಿಸಲು ಸಹಕಾರಿ. ಜೊತೆಗೆ ಜಾತ್ಯಾತೀತ ಹೆಸರಿನಲ್ಲಿ ಹೊಂದಾಣಿಕೆ ರಾಜಕಾರಣ ಅನಿವಾರ್ಯ ಅಲ್ಲ ಎಂಬ ಸಂದೇಶ
- ಜೆಡಿಎಸ್ ಸೋಲಿನಿಂದ ಒಕ್ಕಲಿಗ ಪ್ರಾಬಲ್ಯದ ಹಳೆ ಮೈಸೂರಿನಲ್ಲಿ ಕಾಂಗ್ರೆಸ್ಗೆ ಕೊಂಚ ಹಿನ್ನಡೆಯಾಗುವ ಭೀತಿ
- ಜೆಡಿಎಸ್ನ ಅಸಮಾಧಾನಿತ ಶಾಸಕರೂ ಕಾಂಗ್ರೆಸ್ಗೆ ಬೆಂಬಲಿಸಲು ಹಿಂದೇಟು ಹಾಕುತ್ತಿರುವ ಸಂದೇಶ
- ಜೆಡಿಎಸ್ನ ಆಯ್ದ ಶಾಸಕರು ಕಾಂಗ್ರೆಸ್ಗೆ ಬರುವ ನಿರೀಕ್ಷೆಗೆ ಹಿನ್ನಡೆ
ಜೆಡಿಎಸ್ಗೆ ಪಾಲಿಗೆ ಸಿಕ್ಕ ಸಂದೇಶ ಏನು?:
- ಕಾಂಗ್ರೆಸ್ ಬೆಂಬಲದಿ‌ಂದ ಬಿಜೆಪಿ ಗೆದ್ದಿದೆ ಅಂತ ಪ್ರಚಾರ ಮಾಡೋದು
- ಜಾತ್ಯಾತೀತ ಪಕ್ಷ ಅಂದುಕೊಂಡು ಕೋಮುವಾದಿ ಪಕ್ಷಕ್ಕೆ ಕಾಂಗ್ರೆಸ್ ಬೆಂಬಲ ಕೊಟ್ಟಿದೆ ಎಂದು ಆರೋಪಿಸುವುದು.
- ಬಿಜೆಪಿ ಬಿ ಟೀಂ ಕಾಂಗ್ರೆಸ್ ಅಂತ ಚುನಾವಣೆಯಲ್ಲಿ ಪ್ರಚಾರ
- ಅಲ್ಪಸಂಖ್ಯಾತರಿಗೆ ಅಪಮಾನ ಮಾಡಲೆಂದೇ ಕಾಂಗ್ರೆಸ್ ಅಭ್ಯರ್ಥಿಯನ್ನು ಹಾಕಿದೆ ಎಂದು ಪ್ರಚಾರ
- ಸಿದ್ದರಾಮಯ್ಯಗೆ ಮನವಿ ಮಾಡಿದ್ರೂ ಪ್ರತಿಷ್ಠೆ ಇಟ್ಟುಕೊಂಡು ಅಲ್ಪಸಂಖ್ಯಾತ ಅಭ್ಯರ್ಥಿ ಸೋಲಿಸಿದರೆಂದು ಪ್ರಚಾರ
- 2016ರಲ್ಲಿ ಸಿದ್ದರಾಮಯ್ಯ 8 ಜನರಿಂದ ಕ್ರಾಸ್ ಓಟ್ ಹಾಕಿಸಿ ಅಲ್ಪಸಂಖ್ಯಾತ ಅಭ್ಯರ್ಥಿಯನ್ನು ಸೋಲಿಸಿದ್ರು. ಈಗ ಕೂಡಾ ಕ್ರಾಸ್ ಓಟ್ ಮಾಡಿಸಿ ಅಲ್ಪಸಂಖ್ಯಾತ ಅಭ್ಯರ್ಥಿ ಸೋಲಿಸಿದ್ದಾರೆ ಎಂದು ಪ್ರಚಾರ
- ರಾಜ್ಯಸಭೆ ಚುನಾವಣೆಯಿಂದ ಪಕ್ಷದ ಕಾರ್ಯಕರ್ತರಲ್ಲಿ ವಿಧಾನಸಭೆ ಚುನಾವಣೆಗೆ ಉತ್ಸಾಹ ಕಡಿಮೆ ಆಗಬಹುದು.
ಇದನ್ನೂ ಓದಿ: ರಾಜ್ಯಸಭೆ ಚುನಾವಣೆಯಲ್ಲಿ ನಿರ್ಮಲಾ, ಜಗ್ಗೇಶ್‌, ಲೆಹರ್‌ ಸಿಂಗ್‌, ಜೈರಾಂ ರಮೇಶ್‌ಗೆ ಗೆಲುವು
