ಬೆಂಗಳೂರು: ಆಟೋ ಪ್ರಯಾಣ ದರ ಏರಿಕೆ ಬೆನ್ನಲ್ಲೇ ಸಾರ್ವಜನಿಕರಿಗೆ ಕೆಎಸ್ಆರ್ಟಿಸಿಯಿಂದಲೂ ದರ ಏರಿಕೆ ಶಾಕ್‌ ನೀಡಿದೆ. ಲಗೇಜ್ ದರ ಪರಿಷ್ಕರಿಸಿ, ಡಿಸೆಂಬರ್ 10 ರಿಂದಲೇ ಜಾರಿ ಮಾಡಲು ಕೆಎಸ್ಆರ್ಟಿಸಿ ಆದೇಶ ಹೊರಡಿಸಿದೆ.
ಕೆಎಸ್ಆರ್ಟಿಸಿ ಲಗೇಜ್ ದರ ಏರಿಕೆ: ಪ್ರಯಾಣ ದರ ಅಲ್ಲದೆಯೇ, ಪ್ರಯಾಣಿಕರು ಲಗೇಜ್ ತೆಗೆದುಕೊಂಡು ಹೋದರೆ ಪ್ರತ್ಯೇಕ ಹಣ ಪಾವತಿಸಬೇಕಾಗುತ್ತದೆ. ಪ್ರತಿ ಸ್ಟೇಜ್ ಆಧಾರದ ಮೇಲೆ ದರ ನಿಗದಿಪಡಿಸಲಾಗಿದೆ. 'ಕೆಎಸ್ಆರ್ಟಿಸಿ ಲಾಜಿಸ್ಟಿಕ್ಸ್' ಸೇವೆಗಳನ್ನು ಆರಂಭಿಸಲಾಗಿದ್ದು, ಈ ವ್ಯವಸ್ಥೆಯಲ್ಲಿ ಹೊಸ ತಂತ್ರಾಂಶ ಬಳಕೆ ಮೂಲಕ ಪ್ರಯಾಣಿಕ ರಹಿತ ಲಗೇಜ್‌ಗಳನ್ನು ಒಂದು ಬಸ್ ನಿಲ್ದಾಣದಿಂದ ಮತ್ತೊಂದು ಬಸ್ ನಿಲ್ದಾಣಕ್ಕೆ ವ್ಯವಸ್ಥಿತವಾಗಿ ಕಳುಹಿಸುವ ವ್ಯವಸ್ಥೆಯನ್ನು ಜಾರಿಗೆ ತರಲಾಗುತ್ತಿದೆ.
ಈ ವ್ಯವಸ್ಥೆಯ ಅನುಷ್ಠಾನದಲ್ಲಿ ಹೊರಗುತ್ತಿಗೆ ಮೇರೆಗೆ ತಂತ್ರಾಂಶ ಅಭಿವೃದ್ಧಿಗೆ ಹಾಗೂ ವಹಿವಾಟು ನಡೆಸುವ ಏಜೆನ್ಸಿಯವರನ್ನು ಆಯ್ಕೆಗೊಳಸಿ ಆ ಮೂಲಕ ನಿರ್ವಹಣೆ ಮಾಡಲಾಗುತ್ತದೆ. ಈ ವ್ಯವಸ್ಥೆಯ ಅನುಷ್ಠಾನಕ್ಕೆ ಪ್ರತ್ಯೇಕ ದರಪಟ್ಟೆಯನ್ನು ಜಾರಿಗೆ ತರಲಾಗಿದೆ ಎಂದು ಕೆಎಸ್ಆರ್ಟಿಸಿ ಪ್ರಕಟಿಸಿದೆ. ಇದೇ ದರವನ್ನು ಪ್ರಯಾಣಿಕ ಸಹಿತ ಲಗೇಜ್ಗಳ ಸಾಗಾಣಿಕೆಗೂ ವಿಧಿಸಲಾಗಿದೆ.
KSRTC Luggage price Increase : ನೂತನ ದರ ಮತ್ತು ಹಿಂದಿನ ದರದ ಮಾಹಿತಿ ಈ ಕೆಳಗಿನಂತಿದೆ.
| ಸ್ಟೇಜ್ | ಹಿಂದಿನ ಲಗೇಜ್ ದರ | ನೂತನ ಲಗೇಜ್ ದರ |
| 1 ರಿಂದ 5 | 5 ರೂ | 5 ರೂ |
| 6 ರಿಂದ 10 | 10 ರೂ | 10 ರೂ |
| 11 ರಿಂದ 15 | 15 ರೂ | 17 ರೂ |
| 16 ರಿಂದ 20 | 18 ರೂ | 21 ರೂ |
| 21 ರಿಂದ 25 | 21 ರೂ | 24 ರೂ |
| 26 ರಿಂದ 30 | 25 ರೂ | 28 ರೂ |
| 31 ರಿಂದ 35 | 29 ರೂ | 32 ರೂ |
| 36 ರಿಂದ 40 | 33 ರೂ | 36 ರೂ |
| 41 ರಿಂದ 45 | 36 ರೂ | 39 ರೂ |
| 46 ರಿಂದ 50 | 40 ರೂ | 43 ರೂ |
| 51 ರಿಂದ 55 | 44 ರೂ | 47 ರೂ |
| 56 ರಿಂದ 60 | 48 ರೂ | 51 ರೂ |
| 61 ರಿಂದ 65 | 51 ರೂ | 54 ರೂ |
| 66 ರಿಂದ 70 | 55 ರೂ | 58 ರೂ |
| 156 ರಿಂದ 160 | 123 ರೂ | 126 ರೂ |
