ಬೆಂಗಳೂರು: ರಾಜಧಾನಿ ಬೆಂಗಳೂರಲ್ಲಿ ದಿನೇ ದಿನೆ ಕೋವಿಡ್ ಕೇಸ್ ಹೆಚ್ಚಳವಾಗುತ್ತಿರುವ ಹಿನ್ನೆಲೆ, ಕೋರಮಂಗಲದ ಇನ್ಡೋರ್ ಸ್ಟೇಡಿಯಂ ಕೋವಿಡ್ ಕೇರ್ ಸೆಂಟರ್ ಆಗಿ ಸಕಲ ಸಿದ್ಧತೆಯೊಂದಿಗೆ ಸಂಪೂರ್ಣಗೊಂಡಿದೆ.
ಈಗಾಗಲೇ ಸೆಂಟರ್‌ಗೆ ಹೊಸ ಮಂಚ, ಬೆಡ್, ಫ್ಯಾನ್, ಕುರ್ಚಿಗಳು ಬಂದಿವೆ. ಹೀಗಾಗಿ ಏಪ್ರಿಲ್ 19 ರಿಂದ ಕೋರಮಂಗಲ ಕೋವಿಡ್ ಕೇರ್ ಸೆಂಟರ್ ಸೋಂಕಿತರಿಗೆ ಲಭ್ಯವಾಗಲಿದೆ. ಆರೋಗ್ಯದ ಸಮಸ್ಯೆ ಇರುವ ಏ - ಸಿಮ್ಟಮ್ಯಾಟಿಕ್ ರೋಗಿಗಳಿಗೆ ಇಲ್ಲಿ ಚಿಕಿತ್ಸೆ ನೀಡಲಾಗುತ್ತೆ.
ಇನ್ನು ಕೋವಿಡ್ ಕೇರ್ ಸೆಂಟರ್ನಲ್ಲಿ ವೈದ್ಯರು ಹಾಗೂ ನರ್ಸ್‌ಗಳು ಸೋಂಕಿತರ ಚಿಕಿತ್ಸೆಗೆ ದಿನದ 24 ಗಂಟೆಗಳ ಕಾಲ ಲಭ್ಯವಿರಲಿದ್ದಾರೆ. ಸೋಂಕಿತರಿಗೆ ಲಾಂಡ್ರಿ, ಊಟ ತಿಂಡಿ ವ್ಯವಸ್ಥೆ ಕೂಡ ಇಲ್ಲಿ ಮಾಡಲಾಗಿದೆ.
ಇನ್ನು ಈ ಕುರಿತಾದ ಹೆಚ್ಚಿನ ಮಾಹಿತಿಯನ್ನ ಝೋನಲ್ ಸ್ಪೆಷಲ್ ಕಮಿಷನರ್ ತುಳಸಿ ನೀಡಿದ್ದು, ಸಿಸಿಸಿ ಸಿದ್ಧಗೊಂಡಿದೆ, ಏ-ಸಿಮ್ಟಮ್ಯಾಟಿಕ್ ರೋಗಿಗಳು ಇದರ ಸದುಪಯೋಗ ಪಡೆದುಕೊಳ್ಳಬಹುದು. ಎಲ್ಲ ತರಹದ ಚಿಕಿತ್ಸೆ ಸೌಲಭ್ಯ ಇಲ್ಲಿ ಸಿಗಲಿದೆ. ಸದ್ಯಕ್ಕೆ 100 ಬೆಡ್ ರೆಡಿ ಇದೆ. ಮುಂದಿನ ದಿನಗಳಲ್ಲಿ 150 ಬೆಡ್ ರೆಡಿಯಾಗತ್ತೆ. ಒಟ್ಟು 250 ಬೆಡ್ಗಳು ಕೋರಮಂಗಲ ಕೋವಿಡ್ ಕೇರ್ ಸೆಂಟರ್ನಲ್ಲಿ ಲಭ್ಯವಾಗಲಿದೆ. ಇಂದಿನಿಂದ ಕೋವಿಡ್ ಸೋಂಕಿತರ ಕೈಗಳಿಗೆ ಸ್ಟಾಪಿಂಗ್ ಹಾಕಲಾಗತ್ತದೆ. ಮನೆಯಲ್ಲಿ ಐಸೊಲೇಟ್ ಆಗುವ ಸೋಂಕಿತರಿಂದ ರೂಲ್ಸ್ ಬ್ರೇಕ್ ಮಾಡಲಾಗುತ್ತಿದೆ. ಹೀಗಾಗಿ ಸೋಂಕಿತರ ಕೈಗಳಿಗೆ ಸೀಲ್ ಹಾಕಲಾಗುತ್ತದೆ ಎಂದರು.
ಇದನ್ನೂ ಓದಿ: "ಮನೆ ಬಾಗಿಲಿಗೆ ಶಾಲೆ" ಯೋಜನೆಯ ಬಸ್ಗಳಿಗೆ ಚಾಲನೆ
