ಬೆಂಗಳೂರು: ದಿನೇ ದಿನೆ ಕೊರೊನಾ ಸೋಂಕಿತರ ಏರಿಕೆ ಹೆಚ್ಚಾಗುತ್ತಿದ್ದು, ಈ ಬಗ್ಗೆ ಕೂಲಂಕಷವಾಗಿ ಪರಿಶೀಲನೆ ಮಾಡಲು ತಜ್ಞರ ಸಮಿತಿ ರಚನೆ ಮಾಡಲಾಗಿದೆ.
ಡಾ.ಎಂ.ಕೆ.ಸುದರ್ಶನ್, ಡಾ.ಗಿರಿಧರ್ ಬಾಬು, ಡಾ.ವಿ.ರವಿ, ಡಾ.ಅನಿತಾ, ಡಾ.ಪ್ರಕಾಶ್, ಡಾ.ಕೆ.ರವಿ, ಡಾ.ಶಶಿಭೂಷಣ್ ಅವರಿರುವ ತಜ್ಞರ ತಂಡವನ್ನು ರಾಜ್ಯ ಸರ್ಕಾರ ರಚಿಸಿದೆ.
ಬೇರೆ ಬೇರೆ ರೋಗಿಗಳಿಗೆ ಸೋಂಕು ತಗುಲಿದ ವಿಧಾನದ ಬಗ್ಗೆ ವಿವರವಾದ ಮಾಹಿತಿ ಕಲೆ ಹಾಕುವಿಕೆ, ಅಂತರ ಕಾಪಾಡುವಿಕೆ ಮತ್ತು ಸರಣಿ ಮುರಿಯುವ ಬಗ್ಗೆ ಆಡಳಿತಕ್ಕೆ ಸೂಕ್ತ ಸಲಹೆ ಸೂಚನೆ ನೀಡುವುದು.
ಈಗಾಗಲೇ ರೋಗಿಗಳಿಗೆ ನೀಡಿರುವ ಚಿಕಿತ್ಸೆಯ ಬಗ್ಗೆ ಮಾಹಿತಿ ಪಡೆದು ಅಗತ್ಯವಿದ್ದಲ್ಲಿ ಬದಲಾವಣೆ ಸೂಚನೆ ನೀಡುವುದು ಸೇರಿದಂತೆ ರೋಗಿಗಳ ಅಧ್ಯಯನ ನಡೆಸಲಿದೆ.
