ಬೆಂಗಳೂರು: ಗಾಂಜಾ, ಎಣ್ಣೆ ಶೋಕಿಗೆ ಬಿದ್ದು ಹಣ ಹೊಂದಿಸಲು ಸಾಧ್ಯವಾಗದಿದ್ದಾಗ ಬೈಕ್ ಕಳ್ಳತನಕ್ಕೆ ಇಳಿದಿದ್ದ ಮೂವರು ಯುವಕರನ್ನು ರಾಮಮೂರ್ತಿ ನಗರ ಪೊಲೀಸರು ಬಂಧಿಸಿದ್ದಾರೆ. ನಿತೀನ್, ಮಾರಪ್ಪ ಮತ್ತು ಮನೋಜ್ ಬಂಧಿತ ಆರೋಪಿಗಳು.
ಇವರು ಕಂಡ ಕಂಡ ಕಡೆ ಸಿಕ್ಕ ಬೈಕ್ ಕದ್ದು ಬಂದಷ್ಟು ಹಣಕ್ಕೆ ಅವುಗಳನ್ನ ಮಾರಾಟ ಮಾಡುತ್ತಿದ್ದರು. ಒಂದಿಷ್ಟು ಅಡ್ವಾನ್ಸ್ ಪಡೆದು ಡಾಕ್ಯುಮೆಂಟ್ ಕೊಟ್ಟ ಮೇಲೆ ಉಳಿದ ಹಣ ಕೊಡಿ ಎಂದು ಎಸ್ಕೇಪ್ ಆಗುತ್ತಿದ್ದರಂತೆ. ಆರೋಪಿಗಳು ಇನ್ನೂ 21 ವರ್ಷದವರಾಗಿದ್ದಾರೆ. ಚಿಕ್ಕ ವಯಸ್ಸಿಗೆ ಗಾಂಜಾ ಚಟಕ್ಕೆ ದಾಸರಾಗಿದ್ದ ಇವರು ಮೊದಲಿಗೆ ಸಣ್ಣಪುಟ್ಟ ಪಿಕ್ ಪಾಕೆಟ್ ಮಾಡುತ್ತಿದ್ದರಂತೆ.
ಶೋಕಿ ಹೆಚ್ಚಾದಂತೆ ಹಣ ಕೂಡ ಹೆಚ್ಚು ಖರ್ಚಾಗುತ್ತಿತ್ತು. ಇದಕ್ಕೆ ಹಣ ಹೊಂದಿಸಲು ಸಾಧ್ಯವಾಗದಿದ್ದಾಗ ಬೈಕ್ ಕಳ್ಳತನಕ್ಕೆ ಇಳಿದಿದ್ದರು ಎಂದು ತಿಳಿದು ಬಂದಿದೆ. ಸದ್ಯ ಆರೋಪಿಗಳಿಂದ 14 ಲಕ್ಷ ರೂ.ಮೌಲ್ಯದ 21 ಬೈಕ್ಗಳನ್ನ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ವಿಜಯನಗರ: 2.79 ಲಕ್ಷ ರೂ. ಹಣವಿದ್ದ ಬ್ಯಾಗ್ ಎಗರಿಸಿದ ಖದೀಮರು
