ಬಲೂನ್​ಗೆ ಗ್ಯಾಸ್​ ಫಿಲ್ಲಿಂಗ್ ವೇಳೆ ಅನಾಹುತ: ಸಿಲಿಂಡರ್ ಸ್ಪೋಟಗೊಂಡು ವ್ಯಕ್ತಿ ಸಾವು

ಹುಟ್ಟುಹಬ್ಬದ ಸಲುವಾಗಿ ಬಲೂನ್​ಗೆ ಗ್ಯಾಸ್ ಫಿಲ್ಲಿಂಗ್ ಮಾಡುವ ವೇಳೆ ಸಿಲಿಂಡರ್ ಸ್ಫೋಟಗೊಂಡು ವ್ಯಕ್ತಿ ಸಾವನ್ನಪ್ಪಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.

ಬೆಂಗಳೂರು : ಹುಟ್ಟುಹಬ್ಬದ ಆಚರಣೆಗೆಂದು ಬಲೂನ್​ಗೆ ಗ್ಯಾಸ್ ಫಿಲ್ ಮಾಡಬೇಕಾದರೆ ಸಿಲಿಂಡರ್​​ ಸ್ಪೋಟಗೊಂಡು, ಗ್ಯಾಸ್ ಫಿಲ್ ಮಾಡುತ್ತಿದ್ದ ವ್ಯಕ್ತಿ ಸಾವನ್ನಪ್ಪಿರುವ ಘಟನೆ ಬೆಂಗಳೂರಿನ ಅಶೋಕನಗರದ ಖಾಸಗಿ ಅಪಾರ್ಟ್​ಮೆಂಟ್​​ನ ಆವರಣದಲ್ಲಿ ನಡೆದಿದೆ.

ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುವ ಸಲುವಾಗಿ Myparty.com ಎಂಬ ವೆಬ್​ಸೈಟ್​ ಮೂಲಕ ಗ್ರಾಹಕ 200 ಬಲೂನ್ ಬುಕ್​ ಮಾಡಿದ್ದು, ಬಲೂನ್​ಗಳಿಗೆ ಗ್ಯಾಸ್​ ಫಿಲ್​ ಮಾಡಲು ವೆಬ್​ಸೈಟ್ ವತಿಯಿಂದಲೇ ಇಬ್ಬರು ವ್ಯಕ್ತಿಗಳು ಹುಟ್ಟುಹಬ್ಬದ ತಯಾರಿಗಾಗಿ ಬಂದಿದ್ದರು.

ಅವಘಡ ನಡೆದ ಸ್ಥಳ

ಅಪಾರ್ಟ್​ಮೆಂಟ್​ನ ಹೊರಗೆ ಗ್ಯಾಸ್ ಫಿಲ್ ಮಾಡುತ್ತಿದ್ದ ವೇಳೆ ಸುಮಾರು ನೂರು ಬಲೂನ್​ಗಳನ್ನು ಫಿಲ್ ಮಾಡಿದ ನಂತರ ಇದ್ದಕ್ಕಿದ್ದಂತೆ ಸಿಲಿಂಡರ್ ಸ್ಫೋಟಗೊಂಡಿದೆ. ಈ ವೇಳೆ ಸ್ಥಳದಲ್ಲಿದ್ದ ದಿನೇಶ್ ಸಾವನ್ನಪ್ಪಿದ್ದಾನೆ.

ಇದನ್ನೂ ಓದಿ: ಜಮನ್​ಲಾಲ್ ಬಜಾಜ್ ಸೇವಾ ಟ್ರಸ್ಟ್ ಭೂ ವಿವಾದ:ನ್ಯಾಯಾಧಿಕರಣ ಆದೇಶ ರದ್ದುಗೊಳಿಸಿದ ಹೈಕೋರ್ಟ್

ಮೂಲತಃ ತಮಿಳುನಾಡಿನವನಾದ ದಿನೇಶ್, ಕಳೆದ ನಾಲ್ಕು ವರ್ಷದಿಂದ ವೆಬ್​ಸೈಟ್​​ನಲ್ಲಿ ಕೆಲಸ ಮಾಡುತ್ತಿದ್ದನು. ಸದ್ಯ ಅಶೋಕನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.