ಪಂ.ಚುನಾವಣೆಯಲ್ಲೂ ರೆಸಾರ್ಟ್ ಪಾಲಿಟಿಕ್ಸ್‌: ಮಾಧ್ಯಮದವರನ್ನು ಕಂಡು ಮತದಾರರ ಓಟ!

ಬೆಳಗಾವಿ ತಾಲೂಕಿನ ವಿರಪನ ಕೊಪ್ಪ ಗ್ರಾಮದ ಗ್ರಾಮ ಪಂಚಾಯತಿ ಚುನಾವಣೆ ಅಭ್ಯರ್ಥಿಯೊಬ್ಬರು ರೆಸಾರ್ಟ್ ರಾಜಕಾರಣ ಮಾಡಿರುವ ಆರೋಪ ಕೇಳಿ ಬಂದಿದೆ.

ಬೆಳಗಾವಿ: ತಾಲೂಕಿನ ವಿರಪನ ಕೊಪ್ಪ ಗ್ರಾಮದ ಅಭ್ಯರ್ಥಿಯೊಬ್ಬರು ಕಳೆದರೆಡು ದಿನಗಳ ಹಿಂದೆಯೇ ಮತದಾರರನ್ನು ದಾಂಡೇಲಿ ರೆಸಾರ್ಟ್​ನಲ್ಲಿಟ್ಟಿರುವ ಆರೋಪ ಕೇಳಿಬಂದಿದೆ.

ವಿರಪನ ಕೊಪ್ಪ ಗ್ರಾಮದ ಅಭ್ಯರ್ಥಿ ಕಲನಗೌಡ ಪಾಟೀಲ ಎಂಬುವವರು ಕಳೆದೆರಡು ದಿನಗಳ ಹಿಂದೆ ನಾಲ್ಕು ಮಿನಿ ಬಸ್​​ಗಳಲ್ಲಿ 200ಕ್ಕೂ ಹೆಚ್ಚಿನ‌ ಮತದಾರರನ್ನು ದಾಂಡೇಲಿ ರೆಸಾರ್ಟ್​ಗೆ ಕಳುಹಿಸಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ರೆಸಾರ್ಟ್​ನಲ್ಲಿದ್ದವರು ಇಂದು ಉಳವಿ ಶ್ರೀ ಚನ್ನಬಸವೇಶ್ವರನ ದರ್ಶನ ಮುಗಿಸಿಕೊಂಡು ಮತದಾನ ಮಾಡಲು ನಾಲ್ಕು ಮಿನಿ ಬಸ್​ಗಳಲ್ಲಿ ವಿರಪನ ಕೊಪ್ಪ ಗ್ರಾಮಕ್ಕೆ ಆಗಮಿಸಿದ್ದರು.

ಓದಿ: ಮತಗಟ್ಟೆಗಳಲ್ಲಿ ವೀಲ್​ಚೇರ್‌ಗಳಿಲ್ಲದೆ ವಯೋವೃದ್ಧರ ಪರದಾಟ

ಈ ವೇಳೆ ಮಾಧ್ಯಮದವರನ್ನು ನೋಡುತ್ತಿದ್ದಂತೆ ಹೊಲ-ಗದ್ದೆಗಳಲ್ಲಿ ಎದ್ನೋ-ಬಿದ್ನೋ ಅಂತ ಓಡೋಡಿ ಹೋಗಿದ್ದಾರೆ.