ಮೈಸೂರು: ಚೆನ್ನೈ-ಬೆಂಗಳೂರು-ಮೈಸೂರು ವಂದೇ ಭಾರತ್ ಎಕ್ಸ್ ಪ್ರೆಸ್ ಟ್ರಯಲ್ ರೈಲು ಸೋಮವಾರ ಮೈಸೂರು ರೈಲ್ವೆ ನಿಲ್ದಾಣಕ್ಕೆ ಆಗಮಿಸಿದೆ. ದಕ್ಷಿಣ ಭಾರತದ ಮೊದಲ ವಂದೇ ಭಾರತ್ ರೈಲು ಇದಾಗಿದೆ.
ವಂದೇ ಭಾರತ್ ಎಕ್ಸ್ ಪ್ರೆಸ್ ಹೈ-ಸ್ಪೀಡ್ ರೈಲು ಬೆಳಗ್ಗೆ 6 ಗಂಟೆಗೆ ಚೆನ್ನೈನಿಂದ ಹೊರಟಿತ್ತು. ಇದು ಸುಮಾರು 504 ಕಿಮೀ ದೂರವನ್ನು 6 ಗಂಟೆ12 ನಿಮಿಷಕ್ಕೆ ಸುಸೂತ್ರವಾಗಿ ತಲುಪಿದೆ. ಈ ರೈಲನ್ನು ನ.11 ರಂದು ಪ್ರಧಾನಿ ನರೇಂದ್ರ ಮೋದಿ ಅವರು ಬೆಂಗಳೂರಿನಲ್ಲಿ ಉದ್ಘಾಟನೆ ಮಾಡಲಿದ್ದಾರೆ.
ವಂದೇ ಭಾರತ್ ಎಕ್ಸ್‌ಪ್ರೆಸ್ ಟ್ರಯಲ್ ರನ್ ಯಶಸ್ವಿ
ವಂದೇ ಭಾರತ್ ರೈಲಿನ ವಿಶೇಷತೆಗಳು:
- ವಂದೇ ಭಾರತ್ ಹೈ-ಸ್ಪೀಡ್ ರೈಲು ಸಂಪೂರ್ಣ ಹವಾ ನಿಯಂತ್ರಿತವಾಗಿದೆ.
- ಗಟ್ಟಿ ಮುಟ್ಟಾದ ವಿಶೇಷವಾಗಿ ಡಿಸೈನ್ ಮಾಡಿದ ಭೋಗಿಗಳನ್ನು ಹೊಂದಿದೆ.
- ಒಳಗಡೆ ಪ್ರತಿ ಬೋಗಿಗೂ ಸ್ವಯಂ ಚಾಲಿತ ಬಾಗಿಲು ಇದೆ.
- ಪ್ರತಿ ಬೋಗಿಗೂ ಸಿಸಿಟಿವಿ ಅಳವಡಿಕೆ.
- ಐಷಾರಾಮಿ ಆಸನ ವ್ಯವಸ್ಥೆಯಿದ್ದು, ಕೊನೆಯ 2 ಬೋಗಿಗಳಲ್ಲಿ ಇರುವ ಆಸನಗಳು ವಿಶೇಷವಾಗಿ ಸಿದ್ಧಪಡಿಸಿದ 360 ಕೋನದಲ್ಲಿ ತಿರುಗಲಿವೆ.
ಈ ರೈಲಿನ ಟೆಸ್ಟಿಂಗ್ ಯಶಸ್ವಿಯಾಗಿದ್ದು, ಯಾವುದೇ ತಾಂತ್ರಿಕ ತೊಂದರೆಗಳಿಲ್ಲ ಎಂದು ಟೆಕ್ನಿಕಲ್ ವಿಭಾಗದ ಮುಖ್ಯಸ್ಥ ಅಖಿಲ ರಂಜನ್ ವಿವರಿಸಿದ್ದಾರೆ. ವಂದೇ ಭಾರತ್ ರೈಲನ್ನು ದೇಶಿಯವಾಗಿ ಅಭಿವೃದ್ಧಿ ಪಡಿಸಲಾಗಿದೆ. ಚೆನ್ನೈ- ಮೈಸೂರು ಮಾರ್ಗದಲ್ಲಿ ಓಡುವ ಐದನೇ ವಂದೇ ಭಾರತ್ ರೈಲು ಇದಾಗಿದೆ.
ಇದನ್ನೂ ಓದಿ: ಚೆನ್ನೈ-ಮೈಸೂರು ವಂದೇ ಭಾರತ್ ಎಕ್ಸ್‌ಪ್ರೆಸ್ ಟ್ರಯಲ್ ರನ್: 6.5 ಗಂಟೆಯಲ್ಲಿ 504 ಕಿ.ಮೀ ಸಂಚಾರ
