ಹೈದರಾಬಾದ್: ಟಿವಿಯಲ್ಲಿ ಟಿ20 ಕ್ರಿಕೆಟ್ ನೋಡಿ, ಪಂದ್ಯಗಳನ್ನು ಆಡೋದು ಸುಲಭ ಎಂದೇ ನಾವು ಭಾವಿಸುತ್ತೇವೆ. ಆದರೆ ನೈಜ ಪರಿಸ್ಥಿತಿಯೇ ಬೇರೆ ಇರುತ್ತದೆ. ಇದೊಂದು ವಿಭಿನ್ನವಾದ ಚೆಂಡಿನ ಆಟವಾಗಿದ್ದು, ದೈಹಿಕ ಕಸರತ್ತಿನೊಂದಿಗೆ ಆತ್ಮವಿಶ್ವಾಸ ಮತ್ತು ನಿಖರತೆ ಅತ್ಯಂತ ಅಗತ್ಯ ಇರುತ್ತದೆ.
ಪಂದ್ಯಗಳನ್ನು ಗೆಲ್ಲಲು ಬ್ಯಾಟಿಂಗ್ ಮತ್ತು ಬೌಲಿಂಗ್‌ನ ಬಲಿಷ್ಠ ಲೈನ್‌ಅಪ್ ಅತ್ಯಗತ್ಯವಾಗಿರುತ್ತದೆ. ಅಂತೆಯೇ ಯಶಸ್ಸು ಸಾಧಿಸಲು ಹಾಗೂ ಜೀವನದ ಗುರಿ ಮುಟ್ಟಲು ಸರಿಯಾದ ಹಣಕಾಸು ಯೋಜನೆ ಬದುಕಿನಲ್ಲಿ ಬೇಕಾಗುತ್ತದೆ. ಸರಿಯಾದ ಗುರಿಗಳನ್ನು ಹೊಂದುವ ಮೂಲಕ ಸೂಕ್ತ ಹೂಡಿಕೆ ಯೋಜನೆಗಳೊಂದಿಗೆ ಆರ್ಥಿಕ ಶಿಸ್ತು ಹಾಗೂ ಹಣ ಗಳಿಕೆ ಮಾಡಬೇಕಾಗುತ್ತದೆ.
ಗೆಲುವಿಗೆ ವೈವಿಧ್ಯತೆ ಅಗತ್ಯ.. ಹೂಡಿಕೆಗೆ ಯೋಜನೆ ಮುಖ್ಯ: ಕ್ರಿಕೆಟ್‌ನಲ್ಲಿರುವಂತೆ ನಮ್ಮ ಹೂಡಿಕೆ ಪೋರ್ಟ್‌ಫೋಲಿಯೊದಿಂದ ಹೆಚ್ಚಿನದನ್ನು ಗಳಿಸಲು ನಮಗೆ ತಂತ್ರಗಳು ಮತ್ತು ಯೋಜನೆಗಳ ಅಗತ್ಯವಿದೆ. ತಂಡದ ಎಲ್ಲಾ 11 ಆಟಗಾರರು ಬಲಿಷ್ಠವಾಗಿದ್ದರೆ ಮಾತ್ರ ತಂಡವೂ ಬಲಿಷ್ಟವಾಗಿರುತ್ತದೆ ಮತ್ತು ಗೆಲುವಿನ ಅವಕಾಶವನ್ನೂ ಹೆಚ್ಚಿಸಕೊಳ್ಳಬಹುದು. ಒಂದು ನಿರ್ದಿಷ್ಟ ತಂಡದಲ್ಲಿ ಎಲ್ಲ ಹನ್ನೊಂದು ಮಂದಿ ಶ್ರೇಷ್ಠ ಬ್ಯಾಟ್ಸ್ಮನ್ಗಳು ಅಥವಾ ಶ್ರೇಷ್ಠ ಬೌಲರ್‌ಗಳಾಗಿದ್ದರೆ ಅದು ಸಹಾಯ ಮಾಡುವುದಿಲ್ಲ. ಸರಿಯಾದ ಸಮತೋಲನದ ಅಗತ್ಯ ಇರುತ್ತದೆ. ಅದರಂತೆಯೇ ನಾವು ಕಷ್ಟಪಟ್ಟು ಗಳಿಸಿದ ಹಣವನ್ನು ಹೂಡಿಕೆ ಮಾಡುವಾಗ ಯೋಜನೆಗಳ ಆಯ್ಕೆಯಲ್ಲಿ ಇಂತಹದ್ದೇ ವೈವಿಧ್ಯತೆ ಇರಬೇಕಾಗುತ್ತದೆ.
ಒಬ್ಬನೇ ಒಬ್ಬ ಬ್ಯಾಟ್ಸ್ಮನ್ ಅವಲಂಬನೆ ಉತ್ತಮವಲ್ಲ.. ಒಂದೇ ಹೂಡಿಕೆ ಯೋಜನೆ ಉಚಿತವೂ ಅಲ್ಲ: ಒಬ್ಬನೇ ಒಬ್ಬ ಬ್ಯಾಟ್ಸ್‌ಮನ್‌ನ ಮೇಲೆ ಮಾತ್ರ ಅವಲಂಬಿತವಾಗುವುದು ಜಾಣತನವಲ್ಲ. ಅದೇ ರೀತಿ ನಾವು ಒಂದೇ ಒಂದು ಹೂಡಿಕೆ ಯೋಜನೆಯನ್ನು ಅವಲಂಬಿಸಬಾರದು. ಬದಲಾಗಿ ಕಂಪನಿ ಷೇರುಗಳು, ಟರ್ಮ್ ಬಾಂಡ್‌ಗಳು, ಈಕ್ವಿಟಿ ಫಂಡ್‌ಗಳು, ಠೇವಣಿಗಳು, ಚಿನ್ನ ಹೀಗೆ ಹೂಡಿಕೆ ಮಾಡಲು ವಿವಿಧ ಯೋಜನೆಗಳ ಅಗತ್ಯವಿದೆ. ಮೈದಾನದಲ್ಲಿ ಉಳಿಯಲು ವಿಕೆಟ್ ರಕ್ಷಿಸುವುದು ಎಷ್ಟು ಮುಖ್ಯವೋ , ಅತಿಯಾದ ರಕ್ಷಣಾತ್ಮಕ ತಂತ್ರವು ಪ್ರತಿಕೂಲ ವಾತಾವರಣವನ್ನು ಸೃಷ್ಟಿಸಬಹುದು. ಆದ್ದರಿಂದ, ಹಣದುಬ್ಬರವು ನಮ್ಮ ಆದಾಯವನ್ನು ನಾಶಪಡಿಸುವುದರಿಂದ ಠೇವಣಿ ಮತ್ತು ಉಳಿತಾಯಗಳಲ್ಲಿನ ಅತಿಯಾದ ರಕ್ಷಣಾತ್ಮಕ ಹೂಡಿಕೆಗಳು ನಮ್ಮ ಯೋಜನೆಗಳನ್ನೆಲ್ಲ ಉಲ್ಟಾ ಮಾಡಬಹುದು.
ಪವರ್ ಪ್ಲೇ ಓವರ್ಗಳು ನಿರ್ಣಾಯಕ.. ಆರ್ಥಿಕ ಕುಸಿತದ ವೇಳೆ ಷೇರುಗಳು ನೆರವಿಗೆ ಬರಬಹುದು: 20 ಓವರ್‌ಗಳ ಕ್ರಿಕೆಟ್‌ನ ಸಂಕ್ಷಿಪ್ತ ಆವೃತ್ತಿಯಲ್ಲಿ, ಬೌಂಡರಿ ಮತ್ತು ಸಿಕ್ಸರ್‌ಗಳನ್ನು ಹೊಡೆಯಲು ಹೆಚ್ಚಿನ ಅವಕಾಶಗಳು ಇರುವಲ್ಲಿ ಪವರ್ ಪ್ಲೇ ಓವರ್ಗಳು ನಿರ್ಣಾಯಕ ಪಾತ್ರವನ್ನು ವಹಿಸುತ್ತವೆ. ಜೀವನದ ಅವಕಾಶಗಳು ಯಾವುದೇ ಹಂತದಲ್ಲಿ ಆಟವನ್ನು ತಿರುಗಿಸುತ್ತವೆ. ಹೂಡಿಕೆ ಮಾಡುವಾಗ ನಾವು ಇದೇ ರೀತಿಯ ಅವಕಾಶಗಳನ್ನು ಪಡೆಯುತ್ತೇವೆ. ಮಾರುಕಟ್ಟೆ ಕುಸಿತದ ಸಮಯದಲ್ಲಿ, ಉತ್ತಮ ಷೇರುಗಳು ನಮ್ಮ ವ್ಯಾಪ್ತಿಯೊಳಗೆ ಬರಬಹುದು ಮತ್ತು ಅವುಗಳನ್ನು ತಪ್ಪಿಸಿಕೊಳ್ಳಬಾರದು. ಸ್ಥಿರ ರೀತಿಯಲ್ಲಿ ರನ್ ಗಳಿಸಬೇಕು. ಅಂತೆಯೇ ಹೂಡಿಕೆಗಳನ್ನು ವ್ಯವಸ್ಥಿತ ರೀತಿಯಲ್ಲಿ ಮಾಡಬೇಕು.
ದೊಡ್ಡ ಗುರಿ ಇಟ್ಟುಕೊಂಡಾಗ ಒತ್ತಡಕ್ಕೊಳಗಾಗುವುದು ಸರಿಯಲ್ಲ: ಸಾಮಾನ್ಯವಾಗಿ 20 ಓವರ್‌ಗಳ ಪಂದ್ಯಗಳಿಗೆ 220 ರನ್‌ಗಳ ಗುರಿಯನ್ನು ನಿಗದಿಪಡಿಸಲಾಗಿದೆ ಎಂದು ಇಟ್ಟುಕೊಳ್ಳಿ. ಇದು ಬ್ಯಾಟ್ಸ್‌ಮನ್‌ಗಳ ಮೇಲೆ ಒತ್ತಡವನ್ನು ತರಬಹುದು. ರನ್ ಗಳಿಸಲು ಆಕ್ರಮಣಕಾರಿ ಆಟಕ್ಕೆ ಮೊರೆ ಹೋಗುವಂತೆ ಮಾಡಬಹುದು. ಈ ಗುರಿ ಭೇದಿಸುವುದು ಕಷ್ಟಕರವಾಗಿಯೂ ಕಾಣಿಸಬಹುದು.
ಇಂತಹ ಸಂದರ್ಭದಲ್ಲಿ ಅವಸರದಲ್ಲಿ ಬ್ಯಾಟ್ಸ್ಮನ್ಗಳು ವಿಕೆಟ್‌ಗಳನ್ನು ಒಪ್ಪಿಸಲೂ ಬಹುದು. ಹಾಗೇಯೇ ಅನೇಕ ಹೂಡಿಕೆದಾರರು ತಮ್ಮ ಮೂಲ ಹಣಕಾಸು ಯೋಜನೆಯ ಬಗ್ಗೆ ತಲೆಕೆಡಿಸಿಕೊಳ್ಳದೇ ಹೆಚ್ಚಿನ ಆದಾಯವನ್ನು ಪಡೆಯಲು ವ್ಯಾಪಾರ ಮಾಡುವ ಮೂಲಕ ಇದೇ ರೀತಿಯ ತಪ್ಪುಗಳನ್ನು ಮಾಡುತ್ತಾರೆ. ಕೊನೆಯಲ್ಲಿ, ಅವರು ಅದನ್ನು ಕಳೆದುಕೊಳ್ಳುತ್ತಾರೆ. ಗುರಿ ಹೆಚ್ಚಿರುವಾಗ ಅದನ್ನು ಶಿಸ್ತುಬದ್ಧವಾಗಿ ಮತ್ತು ವ್ಯವಸ್ಥಿತವಾಗಿ ಬೆನ್ನಟ್ಟಬೇಕು. ಆಗ ಯಶಸ್ಸು ಸುಲಭವಾಗಿ ದಕ್ಕುತ್ತದೆ.
ಒಂದು ಕೆಟ್ಟ ಹೊಡೆತ, ನಿರ್ಧಾರ ನಿಮ್ಮ ಯೋಜನೆ ಹಳ್ಳ ಹಿಡಿಸಬಹುದು: ಟಿ20ಯಲ್ಲಿ ಆರಂಭಿಕ ಓವರ್‌ಗಳಲ್ಲಿ ಗರಿಷ್ಠ ರನ್ ಗಳಿಸುವುದು ಬಹಳ ಮುಖ್ಯ. ಅದೇ ರೀತಿಯಲ್ಲಿ, ನಾವು ಆದಾಯವನ್ನು ಪಡೆಯಲು ಪ್ರಾರಂಭಿಸಿದ ನಂತರ ಗರಿಷ್ಠ ಸಂಭವನೀಯ ಮೊತ್ತವನ್ನು ಹೂಡಿಕೆ ಮಾಡಬೇಕು. ಒಂದು ಕೆಟ್ಟ ಓವರ್ ಆಟದ ಟೋನ್ ಮತ್ತು ಟೆನರ್ ಅನ್ನು ಬದಲಾಯಿಸುತ್ತದೆ. ನಿಮ್ಮ ಸಂಪೂರ್ಣ ಹೂಡಿಕೆ ಪೋರ್ಟ್‌ಫೋಲಿಯೊಗೆ ತೊಂದರೆಯಾಗಲು ಒಂದು ಕೆಟ್ಟ ನೀತಿ ಸಾಕು. ಇದು ನಿಮ್ಮ ಒಟ್ಟಾರೆ ಆದಾಯದ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತದೆ.
ಆಟದ ಸಮಯದಲ್ಲಿ ಅನೇಕ ಗೊಂದಲಗಳು ಸಂಭವಿಸುತ್ತವೆ. ಆದರೆ. ಕ್ರಿಕೆಟಿಗನು ಬಲವಾದ ಲಕ್ಷ್ಯವನ್ನ ಇಟ್ಟುಕೊಳ್ಳಬೇಕು. ಹೂಡಿಕೆದಾರನು ಅಡೆತಡೆಗಳನ್ನು ನಿವಾರಿಸಲು ಮತ್ತು ತನ್ನ ಹಣಕಾಸಿನ ಗುರಿಗಳನ್ನು ತಲುಪಲು ಇದೇ ರೀತಿಯ ಗಮನವನ್ನು ತೋರಿಸಬೇಕು. ಗುರಿಗೆ ಹತ್ತಿರವಾದಾಗ, ಒಬ್ಬರು ಎಚ್ಚರಿಕೆಯಿಂದ ಆಡಬೇಕು. ಒಮ್ಮೆ ನಾವು ನಿರೀಕ್ಷಿತ ಆದಾಯವನ್ನು ಪಡೆದರೆ, ನಮ್ಮ ಹಣವನ್ನು ಅಪಾಯಕಾರಿ ಯೋಜನೆಗಳಿಂದ ಸುರಕ್ಷಿತ ಯೋಜನೆಗಳಿಗೆ ವರ್ಗಾಯಿಸುವ ಮೂಲಕ ನಾವು ಸುರಕ್ಷಿತವಾಗಿಸಬೇಕು.
ಆರ್ಥಿಕ ತಜ್ಞರು ಕ್ರಿಕೆಟ್ ತಂಡಗಳಿಗೆ ತರಬೇತುದಾರರಿದ್ದಂತೆ ಮತ್ತು ಯಶಸ್ಸನ್ನು ತರುವಲ್ಲಿ ತಮ್ಮದೇ ಆದ ಪಾತ್ರವನ್ನು ವಹಿಸುತ್ತಾರೆ. 11 ಮಂದಿ ತಂಡದಲ್ಲಿ ಆಡಿದರೂ ಇನ್ನೂ ನಾಲ್ವರು ತಂಡದಲ್ಲಿ ಇರುತ್ತಾರೆ. ಅದರಂತೆ, ನಾವು ಆರು ತಿಂಗಳಿಂದ ಒಂದು ವರ್ಷದವರೆಗೆ ನಮ್ಮ ಖರ್ಚುಗಳನ್ನು ಸರಿದೂಗಿಸಲು ಸಾಕಷ್ಟು ಆಕಸ್ಮಿಕ ನಿಧಿಯನ್ನು ಹೊಂದಿರಬೇಕು. ಆಗ ಮಾತ್ರವೇ ಯೋಜನಾ ಬದ್ಧ ಜೀವನ ನಡೆಸಲು ಸಾಧ್ಯವಾಗುತ್ತದೆ.
ಇದನ್ನು ಓದಿ: ಹೂಡಿಕೆದಾರರ ಸಮಾವೇಶಕ್ಕೆ ಸಿಎಂ ಚಾಲನೆ: ಎಫ್ಎಂಸಿಜಿ ಕ್ಲಸ್ಟರ್ಗೆ 1275 ಕೋಟಿ ಬಂಡವಾಳ, 9100 ಉದ್ಯೋಗ ಸೃಷ್ಟಿ ಒಂಡಂಬಡಿಕೆಗೆ ಸಹಿ
