ಹೈದರಾಬಾದ್: ಹೂಡಿಕೆಯ ತಂತ್ರಗಳು ಬಹುಕಾಲದಿಂದ ಮಾರುಕಟ್ಟೆ ಬಂಡವಾಳೀಕರಣದ ವಿಧಾನದ ಸುತ್ತಲೇ ಕೇಂದ್ರೀಕೃತವಾಗಿವೆ. ಇನ್ನು ಮೌಲ್ಯಯುತ ಸೂಚ್ಯಂಕ ನಿಧಿಗಳು ಸೂಚ್ಯಂಕಗಳಲ್ಲಿನ ಎಲ್ಲ ಷೇರುಗಳಿಗೆ ಸಮಾನ ಮೌಲ್ಯವನ್ನು ನೀಡುತ್ತವೆ ಮತ್ತು ಸ್ಥಿರವಾದ ಪ್ರತಿಫಲಗಳನ್ನು ಗಳಿಸುವ ಅವಕಾಶವನ್ನು ಸೃಷ್ಟಿಸುತ್ತವೆ.
ಸೀಮಿತ ಸಂಖ್ಯೆಯ ಕಂಪನಿಗಳಲ್ಲೇ ಅತಿಯಾದ ಹೂಡಿಕೆ ಮಾಡುವ ಅಪಾಯವನ್ನು ತಪ್ಪಿಸುವ ನಿಫ್ಟಿ 50 ಸೂಚ್ಯಂಕಗಳತ್ತ ಒಮ್ಮೆ ಚಿತ್ತ ಹರಿಸುವುದು ಸೂಕ್ತ. ಅತ್ಯಂತ ಬಲವಾದ ಹಾಗೂ ಸಧೃಢವಾದ ಕಂಪನಿಗಳಲ್ಲಿ ಹೂಡಿಕೆ ಮಾಡುವುದರಿಂದ ಯಾವಾಗಲೂ ಪ್ರಯೋಜನಗಳಿವೆ. ಕೆಲವು ಷೇರುಗಳಲ್ಲಿ ಹೂಡಿಕೆಗಳನ್ನು ಕೇಂದ್ರೀಕರಿಸುವುದು ಅಥವಾ ಎರಡು ಅಥವಾ ಮೂರು ವಲಯಗಳಿಗೆ ಹೂಡಿಕೆಗಳನ್ನು ಅತಿಯಾಗಿ ಹಂಚುವುದನ್ನು ನಿಲ್ಲಿಸುವುದು ಸೂಕ್ತ. ಒಂದೇ ಕಂಪನಿ ಮೇಲೆ ಹೂಡಿಕೆ ಮಾಡುವುದಕ್ಕಿಂತ ಬೇರೆ ಬೇರೆ ಮೌಲ್ಯಯುತ ಕಂಪನಿಗಳಲ್ಲಿ ಹೂಡಿಕೆ ಮಾಡುವುದು ಸೂಕ್ತ.
ಸಮಾನ ತೂಕದ ಸೂಚ್ಯಂಕ ಹೂಡಿಕೆ ವಿಧಾನವನ್ನು ಮೊದಲು ಅಮೆರಿಕದಲ್ಲಿ ಪರಿಚಯಿಸಲಾಯಿತು. 2000 ರಲ್ಲಿ S&P 500 ಸಮಾನ ತೂಕದ ಸೂಚ್ಯಂಕದೊಂದಿಗೆ ವ್ಯವಹಾರ ಆರಂಭಿಸಲು ಅನುಮತಿ ನೀಡಲಾಗಿತ್ತು. ಆ ನಂತರ, ಎಲ್ಲಾ ದೇಶಗಳಲ್ಲಿ ಇದನ್ನು ಅನುಸರಿಸಲಾಯಿತು. ನಿಫ್ಟಿ 50 ಸೂಚ್ಯಂಕವನ್ನು ಆಧರಿಸಿದ ಮೊದಲ ನಿಧಿಯು ನಮ್ಮ ದೇಶದಲ್ಲಿ 2017 ರಲ್ಲಿ ಜಾರಿಗೆ ಬಂದಿತ್ತು. ಕಳೆದ ಕೆಲವು ವರ್ಷಗಳಲ್ಲಿ, S&P 500 ಮತ್ತು ಇತರ ಸಮಾನ ತೂಕದ ಸೂಚ್ಯಂಕಗಳು ದೀರ್ಘಾವಧಿಯಲ್ಲಿ ಮಾರುಕಟ್ಟೆ ಬಂಡವಾಳೀಕರಣದಲ್ಲಿ ಕೆಲವು ದೊಡ್ಡ ಕಂಪನಿಯ ನಿಧಿಗಳಿಗಿಂತ ಹೆಚ್ಚಿನ ಮೌಲ್ಯವನ್ನು ಹೊಂದಿವೆ.
ಷೇರು ಮಾರುಕಟ್ಟೆಯಲ್ಲಿ 'ಡಿಪೋಲರೈಸೇಶನ್' ಅವಧಿಯಲ್ಲಿ ಸಮಾನ ತೂಕದ ಸೂಚ್ಯಂಕವು ಹೆಚ್ಚಿನ ಆದಾಯವನ್ನು ದಾಖಲಿಸುವ ಮೂಲಕ ಹೂಡಿಕೆದಾರರಿಗೆ ಲಾಭ ಮಾಡಿಕೊಟ್ಟಿವೆ. ಮಾರುಕಟ್ಟೆಯಲ್ಲಿ ಕೇಂದ್ರೀಕೃತ ಪ್ರವೃತ್ತಿ ಇದ್ದಾಗ, ಸೂಚ್ಯಂಕದಲ್ಲಿ ಹೆಚ್ಚಿನ ಮೌಲ್ಯ ಹೊಂದಿರುವ ಷೇರುಗಳು ಲಾಭ ಪಡೆಯುತ್ತವೆ. ಆದರೆ, ಡಿಪೋಲರೈಸೇಶನ್ ಸಮಯದಲ್ಲಿ ಎಲ್ಲ ಷೇರುಗಳ ಬೆಲೆಗಳು ಏರುತ್ತವೆ. ಆದ್ದರಿಂದ, ಸಮಾನ ತೂಕದ ಸೂಚ್ಯಂಕ ಯೋಜನೆಗಳು 'ಡಿಪೋಲರೈಸೇಶನ್' ಸಂದರ್ಭಗಳಲ್ಲಿ ಆಕರ್ಷಕವಾಗುತ್ತವೆ. 2009 ರಲ್ಲಿ ಅತಿದೊಡ್ಡ ಆರ್ಥಿಕ ಹಿಂಜರಿತದ ನಂತರ, ಕೋವಿಡ್ -19 ರ ನಂತರ 2020 ರಲ್ಲಿ ಷೇರು ಮಾರುಕಟ್ಟೆಯಲ್ಲಿ ಈ ಇಂತಹ ಷೇರುಗಳಿಗೆ ಹೆಚ್ಚಿನ ಮಹತ್ವ ಇದೆ.
ನಿಮ್ಮ ಹೂಡಿಕೆಯ ಮೌಲ್ಯವನ್ನು ವೈವಿಧ್ಯಗೊಳಿಸಲು ನೀವು ಬಯಸಿದರೆ, ಅನುಸರಿಸಲು ಎರಡು ಮೂಲಭೂತ ಹೂಡಿಕೆ ತತ್ವಗಳಿವೆ. ಅವುಗಳೆಂದರೆ - ಪ್ರಮುಖ ಕಂಪನಿಗಳ ಷೇರುಗಳಲ್ಲಿ ಹೂಡಿಕೆ ಮಾಡುವುದು ಮತ್ತು ವಿವಿಧ ವಲಯಗಳಿಂದ ವೈವಿಧ್ಯಮಯ ಕಂಪನಿಗಳನ್ನು ಆಯ್ಕೆ ಮಾಡಿಕೊಂಡು ಜಾಣ್ಮೆಯಿಂದ ಹೂಡಿಕೆ ಮಾಡುವುದು. ಈ ವಿಧಾನವು ಮಾರುಕಟ್ಟೆ ಕ್ಯಾಪ್ ಸೂಚ್ಯಂಕ ಆಧಾರಿತ ಹೂಡಿಕೆ ವಿಧಾನಕ್ಕಿಂತ ಉತ್ತಮವಾಗಿದೆ. ಅದೇ ಸಮಯದಲ್ಲಿ, ಹೂಡಿಕೆಯ ವೆಚ್ಚವೂ ಕಡಿಮೆಯಾಗಿದೆ.
ಕಾರ್ಪೊರೇಟ್ ಖಜಾನೆಗಳು ಮತ್ತು ವಿನಾಯಿತಿ ಪಡೆದ ಪಿಎಫ್ ಟ್ರಸ್ಟ್‌ಗಳಂತಹ ಸಾಂಸ್ಥಿಕ ಹೂಡಿಕೆದಾರರಿಗೆ ಸಮಾನ ತೂಕದ ವಿಧಾನವು ಉತ್ತಮವಾಗಿದೆ. ಈ ವಿಧಾನವು ಕಡಿಮೆ ಅಪಾಯ ಮತ್ತು ಹೆಚ್ಚಿನ ಪ್ರತಿಫಲವನ್ನು ನೀಡುತ್ತದೆ. ವೈವಿದ್ಯಮಯ ವಿಧಾನದ ಹೂಡಿಕೆ ಬಹಳ ಒಳ್ಳೆಯ ಹೂಡಿಕೆ ತಂತ್ರವಾಗಿದೆ. ಆದ್ದರಿಂದ, ಪ್ರತಿಯೊಬ್ಬರ ಪೋರ್ಟ್‌ಫೋಲಿಯೊದಲ್ಲಿ ಇಟಿಎಫ್‌ಗಳು ಮತ್ತು ಸೂಚ್ಯಂಕ ನಿಧಿಗಳು ಅತ್ಯಗತ್ಯ ಎಂದೇ ಹೇಳಬಹುದು.
ಸಮಾನ ತೂಕದ ಸೂಚ್ಯಂಕ ನಿಧಿಗಳು ದೀರ್ಘಾವಧಿಯ ಸಂಪತ್ತು ಸೃಷ್ಟಿಯ ಉದ್ದೇಶದೊಂದಿಗೆ ಹೂಡಿಕೆಗಳ ಸಮತೋಲನವನ್ನು ಯಶಸ್ವಿಯಾಗಿ ನಿರ್ವಹಿಸುತ್ತವೆ. ಕೇಂದ್ರೀಕೃತ ಹೂಡಿಕೆಗಳನ್ನು ತಪ್ಪಿಸಿ, ಸೂಚ್ಯಂಕದಲ್ಲಿನ ಎಲ್ಲ ಷೇರುಗಳನ್ನು ಸಮಾನವಾಗಿ ನಿರ್ವಹಣೆ ಮಾಡುತ್ತದೆ. ಹೀಗಾಗಿ ನಷ್ಟದ ಅಪಾಯವನ್ನು ಕಡಿಮೆ ಮಾಡಬಹುದು. ನಿಫ್ಟಿ 50 ಸಮಾನ ತೂಕದ ಸೂಚ್ಯಂಕವು ಹಲವು ವರ್ಷಗಳಿಂದ ನಿಫ್ಟಿ 50 ಸೂಚ್ಯಂಕವನ್ನೂ ಮೀರಿಸಿ ಮುನ್ನಡೆದ ಉದಾಹರಣೆಗಳಿವೆ. 1999 ರಿಂದ 2022 ರವರೆಗೆ, ನಿಫ್ಟಿ 50 ಸಮಾನ - ತೂಕದ ಸೂಚ್ಯಂಕವು ನಿಫ್ಟಿ 50 ಗಿಂತ ಸರಾಸರಿ 2 ಶೇಕಡಾ ವಾರ್ಷಿಕ ಆದಾಯವನ್ನು ನೀಡಿದೆ ಎಂಬುದು ಗಮನಾರ್ಹ
ಇದನ್ನು ಓದಿ: e-RUPI ವೋಚರ್‌ಗಳ ವ್ಯಾಪ್ತಿ ವಿಸ್ತರಿಸಲು ಆರ್‌ಬಿಐ ಚಿಂತನೆ: ಅಭಿವೃದ್ಧಿ ಕ್ರಮಗಳ ಪಟ್ಟಿ ಹೊರತಂದ RBI ಗವರ್ನರ್
