ಆದಾಯ ತೆರಿಗೆ ಇಲಾಖೆ ಪೋರ್ಟಲ್​ನಲ್ಲಿ ವಾರ್ಷಿಕ ಮಾಹಿತಿ ಹೇಳಿಕೆ(AIS) ಚೆಕ್​ ಮಾಡುವುದು ಹೇಗೆ?

ತೆರಿಗೆದಾರರು ಆರ್ಥಿಕ ವರ್ಷದ ಅವಧಿಯಲ್ಲಿ ಪಡೆದ ಆದಾಯ ಮತ್ತು ಖರ್ಚುವೆಚ್ಚ, ಹೂಡಿಕೆ, ತೆರಿಗೆ ಅನ್ವಯಿಸುವಿಕೆ ಸೇರಿದಂತೆ ಇನ್ನಿತರ ಮಾಹಿತಿಯನ್ನು ಈ ಎಎಸ್​ಐ ಒಳಗೊಂಡಿರುತ್ತದೆ.

ಪ್ರಸ್ತುತ ಆರ್ಥಿಕ ವರ್ಷ ಮುಗಿಯಲು ಬಂದಿದೆ. ನಿಮ್ಮ ಆದಾಯ, ವೆಚ್ಚ ಮತ್ತು ತೆರಿಗೆ ಕುರಿತು ಹೆಚ್ಚಿನ ಗಮನಹರಿಸಬೇಕಿದೆ. ಇದಕ್ಕಾಗಿ ನಿಮ್ಮ ವಾರ್ಷಿಕ ಮಾಹಿತಿ ಹೇಳಿಕೆ​ (Annual Information Statement- AIS)ಗಳನ್ನು ಆದಾಯ ತೆರಿಗೆ ಇಲಾಖೆ ಪೋರ್ಟಲ್​ನಲ್ಲಿ ಚೆಕ್ ಮಾಡಿಕೊಳ್ಳಿ. ಈ ಎಎಸ್​ಐ ನಿಮ್ಮ ವಾರ್ಷಿಕ ಆದಾಯದ ಒಟ್ಟಾರೆ ಸಂಪೂರ್ಣ ಮಾಹಿತಿ ನೀಡುತ್ತದೆ. 2022-23 ಗಳಿಕೆಗೆ ಸಂಬಂಧಿಸಿದಂತೆ ಎಷ್ಟು ತೆರಿಗೆ ಪಾವತಿ ಮಾಡಬಹುದು ಎಂಬುದರ ಸಂಪೂರ್ಣ ಮಾಹಿತಿ ಒದಗಿಸಲಿದೆ.

ಏನಿದು ಎಎಸ್​ಐ?: ತೆರಿಗೆದಾರರು ಆರ್ಥಿಕ ವರ್ಷದ ಅವಧಿಯಲ್ಲಿ ಪಡೆದ ಆದಾಯ ಮತ್ತು ಖರ್ಚುವೆಚ್ಚ, ಹೂಡಿಕೆ, ತೆರಿಗೆ ಅನ್ವಯಿಸುವಿಕೆ ಸೇರಿದಂತೆ ಇನ್ನಿತರ ಮಾಹಿತಿಯನ್ನು ಇದು ಒಳಗೊಂಡಿರುತ್ತದೆ. ಆದಾಯ ತೆರಿಗೆ ಇಲಾಖೆಯ ಅಧಿಕೃತ ಪೋರ್ಟಲ್​ಗೆ ಲಾಗಿನ್​ ಮಾಡುವ ಮೂಲಕ ಇದರ ವಿವರವನ್ನು ಪಡೆಯಬಹುದು. ತೆರಿಗೆದಾರರು ವಾರ್ಷಿಕ ಹಣಕಾಸು ವರ್ಷದಲ್ಲಿ ಮಾಡಿದ ವಹಿವಾಟುಗಳ ಸಂಪೂರ್ಣ ಮಾಹಿತಿಯನ್ನು ಆ್ಯನುವಲ್​ ಇನ್​ಫಾರ್ಮೆಷನ್ ಸ್ಟೇಟ್​ಮೆಂಟ್ ಮೂಲಕ ಪಡೆಯಬಹುದು.

ಇದನ್ನು ಓದಿ: UPI ವಂಚನೆ ಬಗ್ಗೆ ಇರಲಿ ಎಚ್ಚರ! ಪಿನ್​ ಸೆಟ್​ ಮಾಡುವುದಕ್ಕೆ ಅಸಡ್ಡೆ ಬೇಡ

ತೆರಿಗೆ ಪಾವತಿ ವಿವರ: ತೆರಿಗೆದಾರರು ಪಾವತಿಗೆ ಸಂಬಂಧಿಸಿದ ಎಲ್ಲ ವಿವರಗಳನ್ನು ಇದರಲ್ಲಿ ಪಡೆಯಬಹುದು. ವೇತನದ ಮೂಲಕ ನೀವು ಆದಾಯ ಪಡೆಯುತ್ತಿದ್ದರೆ, ಅದು ಟಿಡಿಎಸ್​ಗೆ ಒಳಗಾಗುತ್ತಿದ್ದರೆ ನೀವು ಎಐಎಸ್​ ವರದಿಯಲ್ಲಿ ನೋಡಬಹುದು. ಬ್ಯಾಂಕ್​ನ ಉಳಿತಾಯ ಖಾತೆ, ನಿಶ್ಚಿತ ಠೇವಣಿ ಸೇರಿದಂತೆ ಇನ್ನಿತರ ಖಾತೆ ಉಳಿತಾಯದ ಬಡ್ಡಿಯನ್ನು ಈ ಮೂಲಕ ತಿಳಿಯಬಹುದು. ಒಂದು ವೇಳೆ ಷೇರಿನಲ್ಲಿ ಹೂಡಿಕೆ ಮಾಡಿದ್ದರೆ, ಹೂಡಿದ ಕಂಪನಿಗಳ ಮಾಹಿತಿಗಳನ್ನು ಇದು ತೋರಿಸುತ್ತದೆ.

ಕಳೆದ ಆರ್ಥಿಕ ವರ್ಷದಲ್ಲಿನ ರಿಫಂಡ್​ಗಳ ಗಳಿಕೆ ಮೇಲಿನ ಬಡ್ಡಿಯನ್ನು ಕೂಡ ಇದು ನೀಡುತ್ತದೆ. ಜೊತೆಗೆ ಸರ್ಕಾರದ ಸುರಕ್ಷತೆ, ಬಾಂಡ್​, ಷೇರು ಮಾರಾಟ, ಮ್ಯೂಚುವಲ್​ ಫಂಡ್​ಗಳ ಘಟಕದಿಂದ ಪಡೆದ ಲಾಭ, ಉಳಿತಾಯ, ಚರಾಸ್ತಿಗಳ ದಾಖಲಾತಿ ಸೇರಿದಂತೆ ಇನ್ನಿತರೆ ಅಗತ್ಯ ಮಾಹಿತಿಯನ್ನು ಇದು ಒಳಗೊಂಡಿದೆ.

ಆದಾಯ ತೆರಿಗೆ ಪೋರ್ಟಲ್​ಗೆ ಭೇಟಿ ನೀಡಿದರೆ ನೀವು ಆ್ಯನುಯಲ್​ ಇನ್​ಫಾರ್ಮೆಷನ್​ ಸ್ಟೇಟ್​ಮೆಂಟ್​ ಅನ್ನು ಸರ್ವಿಸ್​ ಟ್ಯಾಬ್​ನಲ್ಲಿ ಪಡೆಯಬಹುದು. ಇದರಲ್ಲಿ ನಿಮ್ಮ ವರದಿಯನ್ನು ನೋಡಿ, ನಿಮ್ಮ ದಾಖಲಾತಿಯಲ್ಲಿ ಏನಾದರೂ ವ್ಯತ್ಯಾಸ ಕಾಣಿಸುತ್ತಿದೆಯೇ ಎಂಬುದನ್ನು ಗಮನಿಸಬೇಕು. ಇದರಲ್ಲಿ ಏನಾದರೂ ತಪ್ಪು, ಸಂಬಂಧಿಸಿದ್ದಲ್ಲದ ಘಟಕಗಳ ದೂರು ಅಥವಾ ಅಗತ್ಯ ಮಾಹಿತಿ ಕಂಡುಬಂದರೆ ಎಚ್ಚರಿಕೆವಹಿಸಿ.

ತೆರಿಗೆದಾರರು ಬಡ್ಡಿ, ಡಿವಿಡೆಂಡ್, ಸೆಕ್ಯುರಿಟೀಸ್ ವಹಿವಾಟುಗಳು, ಮ್ಯೂಚುವಲ್ ಫಂಡ್ ವಹಿವಾಟುಗಳು, ವಿದೇಶಿ ರವಾನೆ ಮಾಹಿತಿ ಸೇರಿದಂತೆ ಇತ್ಯಾದಿಯನ್ನು ಇದು ಒಳಗೊಂಡಿದ್ದು, ಪರಿಶೀಲನೆ ನಡೆಸಬೇಕು. ಬಳಿಕ ತೆರಿಗೆದಾರರ ಮಾಹಿತಿ ಸಾರಾಂಶ ರಿಟರ್ನ್‌ಗಳನ್ನು ಸುಲಭವಾಗಿ ಹಂತ ಹಂತವಾಗಿ ಸಕ್ರಿಯಗೊಳಿಸಲಾಗುತ್ತದೆ. ಮಾಹಿತಿಯನ್ನು ವಿವಿಧ ಫಾರ್ಮ್ಯಾಟ್‌ಗಳಲ್ಲಿ ಡೌನ್‌ಲೋಡ್ ಮಾಡಬಹುದು.

ಇದನ್ನೂ ಓದಿ: UPI ವಂಚನೆ ಬಗ್ಗೆ ಇರಲಿ ಎಚ್ಚರ! ಪಿನ್​ ಸೆಟ್​ ಮಾಡುವುದಕ್ಕೆ ಅಸಡ್ಡೆ ಬೇಡ