ಟ್ವಿಟರ್​ ಸಿಇಒ ಸ್ಥಾನಕ್ಕೆ ರಾಜೀನಾಮೆ ನೀಡುವೆ: ಸಮೀಕ್ಷೆ ಫಲಿತಾಂಶದ ಬಳಿಕ ಎಲಾನ್​ ಮಸ್ಕ್​ ಘೋಷಣೆ

ಮೈಕ್ರೋಬ್ಲಾಗಿಂಗ್​ ಟ್ವಿಟರ್​ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಹುದ್ದೆಯಿಂದ ಎಲಾನ್​ ಮಸ್ಕ್​ ಹಿಂದಡಿ ಇಡಲು ಸಜ್ಜಾಗಿದ್ದಾರೆ. ಈಚೆಗೆ ನಡೆದ ರಾಜೀನಾಮೆ ಸಮೀಕ್ಷೆ ಮಸ್ಕ್​ ವಿರುದ್ಧವೇ ಬಂದಿದೆ.

ನವದೆಹಲಿ: ವಿಶ್ವದ ನಂಬರ್​ 1 ಸಿರಿವಂತನಾದ ಎಲಾನ್ ಮಸ್ಕ್​ ಟ್ವಿಟರ್​ ಖರೀದಿಸಿದ ಬಳಿಕ ಒಂದಿಲ್ಲಾ ಒಂದು ರೀತಿಯಲ್ಲಿ ಸುದ್ದಿಯಲ್ಲಿರುತ್ತಾರೆ. ಬ್ಲೂಟಿಕ್​ಗೆ (ಪರಿಶೀಲಿಸಿದ ಖಾತೆ) ಹಣ ನಿಗದಿ ಮಾಡಿದ್ದಕ್ಕೆ ಹಾಗೂ ಸಂಸ್ಥೆಯ ಸಿಬ್ಬಂದಿಯನ್ನು ಕೆಲಸದಿಂದ ತೆಗೆದಿದ್ದಕ್ಕೆ ಟೀಕೆಗೆ ಗುರಿಯಾಗಿದ್ದರು. ಕಂಪನಿಯ ಸಿಇಒ ಬದಲಾಗಬೇಕು ಎಂಬ ಕೂಗು ಕೇಳಿಬಂದಿತ್ತು. ಇದೀಗ ಮಸ್ಕ್​ ಸಿಇಒ ಸ್ಥಾನದಿಂದ ಕೆಳಗಿಳಿಯಲು ನಿರ್ಧರಿಸಿದ್ದಾರೆ.

ಈ ಬಗ್ಗೆ ಟ್ವೀಟ್​ ಮಾಡಿರುವ ಎಲಾನ್ ಮಸ್ಕ್​​, ಈ ಕೆಲಸವನ್ನು ನಿರ್ವಹಿಸುವ ವ್ಯಕ್ತಿ ಸಿಕ್ಕ ತಕ್ಷಣ ತಾವು ಸಿಒಇ ಹುದ್ದೆಯಿಂದ ಕೆಳಗಿಳಿಯುವುದಾಗಿ ಘೋಷಿಸಿದ್ದಾರೆ. ಅಲ್ಲಿಯವರೆಗೂ ನಾನು ಸಾಫ್ಟ್​ವೇರ್​ ಮತ್ತು ಸರ್ವರ್​ ತಂಡಗಳನ್ನು ಮುನ್ನಡೆಸುತ್ತೇನೆ ಎಂದು ಹೇಳಿದ್ದಾರೆ.

• Should I step down as head of Twitter? I will abide by the results of this poll.

  — Elon Musk (@elonmusk) December 18, 2022 " class="align-text-top noRightClick twitterSection" data="

  Should I step down as head of Twitter? I will abide by the results of this poll.

  — Elon Musk (@elonmusk) December 18, 2022

  ">

  Should I step down as head of Twitter? I will abide by the results of this poll.

  — Elon Musk (@elonmusk) December 18, 2022

ತಾನು ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಹುದ್ದೆಯಿಂದ ಕೆಳಗಿಳಿಯಬೇಕೆ ಎಂದು ಪ್ರಶ್ನಿಸಿ ಟ್ವಿಟರ್​ನಲ್ಲಿ ಮಸ್ಕ್ ಸಮೀಕ್ಷೆ ಕೈಗೊಂಡಿದ್ದರು. ಫಲಿತಾಂಶ ಏನೇ ಬಂದರೂ ಅದರಂತೆ ನಡೆದುಕೊಳ್ಳುವೆ ಎಂದು ಮಸ್ಕ್ ಘೋಷಿಸಿದ್ದರು. ಸದ್ಯ ಸಮೀಕ್ಷೆಯ ಫಲಿತಾಂಶ ಅವರ ವಿರುದ್ಧ ಬಂದ ಕಾರಣ ಮಸ್ಕ್ ಸಿಇಒ ಹುದ್ದೆಗೆ ರಾಜೀನಾಮೆಗೆ ಮುಂದಾಗಿದ್ದಾರೆ. ಸಮೀಕ್ಷೆಯಲ್ಲಿ ಎಲಾನ್ ಮಸ್ಕ್​ ಸಿಇಒ ಸ್ಥಾನದಿಂದ ಇಳಿಯಬೇಕು ಎಂದು 57.5 ಪ್ರತಿಶತ ಜನರು ವೋಟ್​ ಹಾಕಿದ್ದಾರೆ. ಶೇ.42.5 ರಷ್ಟು ಜನರು ಮಾತ್ರ ರಾಜೀನಾಮೆ ಬೇಡವೆಂದಿದ್ದರು.

ಓದ: ಕೊರೊನಾ ಮುನ್ನೆಚ್ಚರಿಕೆ: ಜೀನೋಮ್​ ಸೀಕ್ವೆನ್ಸಿಂಗ್ ಹೆಚ್ಚಿಸಲು ರಾಜ್ಯಗಳಿಗೆ ಕೇಂದ್ರ ಸರ್ಕಾರ ಸೂಚನೆ