ನ್ಯೂಯಾರ್ಕ್ : ಚೀನಾ ಹಾಗೂ ಅಮೆರಿಕ ನಡುವಣ ವಾಣಿಜ್ಯ ಸಮರ ಬಹುತೇಕ ಅಂತ್ಯ ಕಾಣುವ ಲಕ್ಷಣಗಳು ಗೋಚರಿಸುತ್ತಿವೆ. ಈ ಬೆಳವಣಿಗೆಗಳ ನಡುವೆಯೇ ಅಮೆರಿಕ ಸ್ಟಾಕ್ ಎಕ್ಸೆಂಜ್ನಲ್ಲಿ ಭಾರಿ ಏರಿಕೆ ಕಂಡು ಬಂದಿದೆ. ಡಾಲರ್ ಬಲಗೊಂಡಿದೆ. ಜಾಗತಿಕ ಮಟ್ಟದಲ್ಲಿ ಮಾರುಕಟ್ಟೆ ಏರಿಕೆ ಕಂಡಿದೆ. ಇದರಿಂದಾಗಿ ಡಾಲರ್ ಬೆಲೆ ಹೆಚ್ಚಾಗಿದ್ದು, ವಿಶ್ವದ ಆರ್ಥಿಕ ಮುಗ್ಗಟ್ಟಿನ ಹಿಂಜರಿತವನ್ನು ತಪ್ಪಿಸಬಹುದಾದ ಸೂಚನೆ ಸಿಕ್ಕಿದೆ.
ಮೂರು ಪ್ರಮುಖ ಯುಎಸ್ ಸ್ಟಾಕ್ ಸೂಚ್ಯಂಕಗಳು ಹೊಸ ದಾಖಲೆಯ ಗರಿಷ್ಠ ಮಟ್ಟ ತಲುಪಿ ತಮ್ಮ ದಿನದ ವ್ಯವಹಾರವನ್ನು ಅಂತ್ಯಗೊಳಿಸಿದವು. ಎಂಎಸ್‌ಸಿಐನ ಈಕ್ವಿಟಿ ಕಾರ್ಯಕ್ಷಮತೆಯ ಮಾಪನವು 2018 ರ ಜನವರಿಯಲ್ಲಿ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ಮುಟ್ಟಿವೆ. ಇದು ಜಾಗತಿಕ ಷೇರು ಮಾರುಕಟ್ಟೆಗಳು ಚೇತರಿಸಿಕೊಳ್ಳುವ ಲಕ್ಷಣಗಳನ್ನ ತೋರಿಸಿದೆ.
ಬೀಜಿಂಗ್ ಮತ್ತು ವಾಷಿಂಗ್ಟನ್ ದೇಶಗಳ ಮಧ್ಯೆ ಶುಕ್ರವಾರ ವ್ಯಾಪಾರ ಪ್ರಗತಿಯ ಕುರಿತು ಮಾತುಕತೆ ನಡೆಯಿತು. ಕಪ್ಪುಪಟ್ಟಿಗೆ ಸೇರ್ಪಡೆಗೊಂಡ ಚೀನಾದ ಹುವಾವೇ ಟೆಕ್ನಾಲಜೀಸ್ ಕೋ. ಜೊತೆ ವಹಿವಾಟು ನಡೆಸಲು ಯುಎಸ್ ವಾಣಿಜ್ಯ ಕಾರ್ಯದರ್ಶಿ ವಿಲ್ಬರ್ ರಾಸ್ ಯುಎಸ್ ಕಂಪನಿಗಳಿಗೆ ಪರವಾನಗಿ ನೀಡಿದ್ದಾರೆ.
ಫೆಡರಲ್ ಏಜೆನ್ಸಿಗಳು ಹುವಾವೇ ದೂರಸಂಪರ್ಕ ಸಾಧನಗಳನ್ನು ಖರೀದಿಸುವುದನ್ನು ಮತ್ತು ರಾಷ್ಟ್ರೀಯ ಭದ್ರತೆಯನ್ನು ಉಲ್ಲೇಖಿಸಿ ಯುಎಸ್ ಕಂಪನಿಗಳು ಹುವಾವೇ ಜೊತೆ ವ್ಯಾಪಾರ ಮಾಡುವುದನ್ನು ವಾಷಿಂಗ್ಟನ್ ನಿರ್ಬಂಧಿಸಿತ್ತು.
ಈ ಬೆಳವಣಿಗೆಗಳ ಹಿನ್ನೆಲೆಯಲ್ಲಿ ಯುರೋಪಿಯನ್ ಷೇರುಗಳು ಶೇ 1ರಷ್ಟು ಏರಿಕೆ ಕಂಡವು. 2018 ರ ಜನವರಿ ಬಳಿಕ ಕಂಡ ಗರಿಷ್ಠ ಏರಿಕೆ ಇದಾಗಿದೆ. ಸೋಮವಾರ ಕಂಡ ಈ ಏರಿಕೆಯು ಯೂರೋ ವಲಯದ ಹೂಡಿಕೆದಾರರಲ್ಲಿ ಸ್ಥೈರ್ಯವನ್ನು ತುಂಬಿದೆ. ತೈಲ ಬೆಲೆಗಳು ಏರಿಕೆಯಾಗಿದ್ದು, ಕಚ್ಚಾ ಬೇಡಿಕೆಯ ಸುಧಾರಿತ ದೃಷ್ಟಿಕೋನದಿಂದ ನಿರೀಕ್ಷೆಗಿಂತ ಉತ್ತಮವಾದ ಯು.ಎಸ್. ಉದ್ಯೋಗಗಳ ಬೆಳವಣಿಗೆಯ ಭರವಸೆಯನ್ನು ಹೆಚ್ಚಿಸಿದೆ.
