ಮುಂಬೈ: ವಿದೇಶಿ ಸಂಸ್ಕೃತಿಯ ಸ್ಪೋರ್ಟ್ಸ್ ಬೈಕ್ ಕ್ರೇಜ್ ಇತ್ತೀಚಿನ ದಿನಗಳಲ್ಲಿ ಭಾರತೀಯ ಬೈಕ್ ಪ್ರಿಯರನ್ನು ಅತ್ಯಾಕರ್ಷಣೆಯಿಂದ ಸೆಳೆಯುತ್ತಿದೆ.
ಸ್ಪೋರ್ಟ್ ಬೈಕ್ ಪ್ರಿಯರ ಅಭಿರುಚಿಯನ್ನು ಗಮನದಲ್ಲಿ ಇರಿಸಿಕೊಂಡು ದೇಶಿಯ ದ್ವಿಚಕ್ರ ವಾಹನ ಮಾರುಕಟ್ಟೆಯಲ್ಲಿ ಹತ್ತಾರು ಸ್ಪೋರ್ಟ್ಸ್ ಬೈಕ್ಗಳು ಲಗ್ಗೆ ಇಡುತ್ತಿವೆ. ಬಹುತೇಕ ಸ್ಪೋರ್ಟ್ಸ್ ಬೈಕ್ಗಳು ದುಬಾರಿ ಬೆಲೆಯಾಗಿದ್ದು, ಮಧ್ಯಮ ವರ್ಗದವರ ಹಾಗೂ ಐದಂಕಿ ವೇತನದಾರರು ಖರೀದಿಸುವುದು ಕಷ್ಟಸಾಧ್ಯವಾಗುತ್ತಿದೆ. ಇಂತಹ ಅಸಾಧ್ಯತೆಗಳ ಮಧ್ಯೆ ಕೆಲವೊಂದು ಕಂಪನಿಗಳು ಕಡಿಮೆ ದರದ ಸ್ಪೋರ್ಟ್ಸ್ ಬೈಕ್ಗಳನ್ನು ಬಿಡುಗಡೆ ಮಾಡಿವೆ.
ಒಂದು ಲಕ್ಷ ರೂಪಾಯಿ ಒಳಗೆ ಲಭ್ಯವಾಗುವ ಸ್ಪೋರ್ಟ್ಸ್ ಬೈಕ್ಗಳು
* ಟಿವಿಎಸ್ ಅಪಾಚೆ ಆರ್ಟಿಆರ್ 4ವಿ: 197.75 ಸಿಸಿಯ ಸಿಂಗಲ್ ಸಿಲಿಂಡರ್ ಎಂಜಿನ್ನ 20.70 ಹೆಚ್ಪಿ ಹಾಗೂ 18.10 ಎನ್ಎಂ ಸಾಮರ್ಥ್ಯದ ಟಿವಿಎಸ್ ಅಪಾಚೆ ಆರ್ಟಿಆರ್ 4ವಿ ಬೈಕ್ ಪ್ರಿಯರ ನೆಚ್ಚಿನ ಉತ್ಪನ್ನ. ಟಿವಿಎಸ್ 3.9 ಸೆಕೆಂಡ್ಗಳಲ್ಲಿ 0-60 ಕಿ.ಮೀ. ವೇಗ ಪಡೆಯಲಿದೆ. ಎಕ್ಸ್ ಶೋರೂಮ್ ಬೆಲೆ ₹ 97,600.
* ಯಮಹಾ ಎಜಡ್ ವಿ3 ಎಬಿಎಸ್: ಇತ್ತೀಚೆಗೆ ಯಮಹಾ ಲೈಟ್ವೇಟ್ ಹಾಗೂ ನಿಪ್ಪಿ ಸ್ಟ್ರೆಂಥ್ಫೈಟರ್ನ ಯಮಹಾ ಎಜಡ್ ವಿ3 ಎಬಿಎಸ್ ಬಿಡುಗಡೆ ಮಾಡಿದೆ. 149ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿದೆ. 13.2 ಬಿಹೆಚ್ಪಿ ಮತ್ತು 12.8 ಎನ್ಎಂನ ಟರ್ಕ್ಯೂ ತ್ವರಿತವಾಗಿ 5 ಗೇರ್ ಸ್ಪೇಡಲ್ಲಿ ಸಾಗಲು ನೆರವಾಗಲಿದೆ. ಎಕ್ಸ್ ಶೋರೂಮ್ನ ದರ ₹ 97,000
* ಸುಜುಕಿ ಗಿಕ್ಸರ್: ಲೈಟ್ವೇಟ್ ಸ್ಪೋರ್ಟ್ಸ್ ಬೈಕ್ ಆದ ಸುಜುಕಿ ಗಿಕ್ಸರ್, ಗಿಕ್ಸರ್ನಲ್ಲಿ ಜಿಎಸ್ಎಕ್ಸ್ ಬಹು ಶ್ರೇಣಿಯ ಬೈಕ್ಗಳನ್ನು ಹೊಂದಿದೆ. ಇದು 155ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್, 14 ಬಿಹೆಚ್ಪಿಯು 8000 ಆರ್ಪಿಎಂ ಹಾಗೂ 14 ಎನ್ಎಂ ಇದರಲ್ಲಿದೆ. ಐದು ಗೇರ್ ಬಾಕ್ಸ್ ಹೊಂದಿರುವ ಗಿಕ್ಸರ್ನ ಎಕ್ಸ್ ಶೋರೂಮ್ ದರ ₹ 88,900
* ಬಜಾಜ್ ಪಲ್ಸರ್ 220ಎಫ್: ಬಜಾಜ್ ಪಲ್ಸರ್ 220ಎಫ್ 220 ಸಿಸಿ ಎಂಜಿನ್ ಸಾಮರ್ಥ್ಯವಿದೆ. 23.2 ಬಿಹೆಚ್ಪಿ ಹಾಗೂ 18.3 ಎನ್ಎಂ ಅತ್ಯಧಿಕ ವೇಗದ ಪವರ್ ಹೊಂದಿದೆ. ದೆಹಲಿ ಎಕ್ಸ್ ಶೋರೂಮ್ ದರ ₹ 1 ಲಕ್ಷ ಆಗಿದೆ.
* ಹೀರೋ ಎಕ್ಸ್ಟ್ರಿಮ್ 200ಎಸ್: ಹೀರೋ ಮೋಟಾರ್ ಕಾರ್ಪ್ ನೂತನವಾಗಿ 199.6 ಸಿಸಿ ಎಂಜಿನ್ ಸಾಮರ್ಥ್ಯದ ಎಕ್ಸ್ಟ್ರಿಮ್ 200ಎಸ್ ಬೈಕ್ ಅನ್ನು ಪರಿಚಯಿಸಿದೆ. ಇದರಲ್ಲಿ 8,000 ಆರ್ಪಿಎಂನ 18.1 ಬಿಹೆಚ್ಪಿ ಮತ್ತು 6500 ಆರ್ಪಿಎಂನ 17.1 ಎನ್ಎಂ ಶಕ್ತಿಯ ಇಂಜಿನ್ ಹೊಂದಿದ್ದು, ಎಕ್ಸ್-ಶೋರೂಮ್ನ ದರ ₹ 98,400.
