ಆರ್ಥಿಕ ಹಿಂಜರಿತಕ್ಕೆ ಸಿಲುಕಿ ಅಗ್ರ 8 ಕೈಗಾರಿಕೆಗಳಲ್ಲಿ ಬೆಳವಣಿಗೆ ಪ್ರಮಾಣ ಪಾತಾಳಕ್ಕೆ

ದೇಶದಲ್ಲಿ ಬಂಡವಾಳ ಹೂಡಿಕೆ ಮತ್ತು ಗ್ರಾಹಕ ಬೇಡಿಕೆ ಕುಸಿದಿದೆ ಎನ್ನುವುದನ್ನು ಆರ್ಥಿಕ ವೃದ್ಧಿ (ಜಿಡಿಪಿ) ದರ ಸೂಚಿಸುತ್ತಿದೆ.

ನವದೆಹಲಿ: ದೇಶದಲ್ಲಿ ಉಂಟಾಗಿರುವ ಆರ್ಥಿಕ ಹಿಂಜರಿತದಿಂದಾಗಿ ಕೈಗಾರಿಕೋದ್ಯಮಕ್ಕೆ ನೇರ ಪರಿಣಾಮ ಬೀರಿದೆ. ಅದರ ಬಿಸಿ ದೇಶದ ಪ್ರಮುಖ 8 ಕೈಗಾರಿಕಾ ವಲಯಗಳಿಗೂ ತಗುಲಿದ್ದು, 2018ರ ಜುಲೈನಲ್ಲಿ ಶೇ 7.3ರಷ್ಟಿದ್ದ ಕೈಗಾರಿಕೋದ್ಯಮದ ಬೆಳವಣಿಗೆ ಪ್ರಮಾಣ 2019ರ ಜುಲೈಗೆ ಶೇ.2.1ಕ್ಕೆ ಕುಸಿದಿದೆ.

ವಿದೇಶಗಳು ಸೇರಿದಂತೆ ಇತರೆ ಎಲ್ಲ ಕೈಗಾರಿಕೆಗಳಿಗೆ ಬೆನ್ನೆಲುಬಾಗಿದ್ದ ಈ ನಿರ್ದಿಷ್ಟ ಉದ್ಯಮಕ್ಕೆ ಭಾರಿ ಆತಂಕ ಎದುರಾಗಿದೆ.

• Performance of Eight Core Industries stood at 2.1% in July 2019 as compared to 7.3% in July 2018 pic.twitter.com/nORSXybtwf

  — ANI (@ANI) September 2, 2019 " class="align-text-top noRightClick twitterSection" data="

  Performance of Eight Core Industries stood at 2.1% in July 2019 as compared to 7.3% in July 2018 pic.twitter.com/nORSXybtwf

  — ANI (@ANI) September 2, 2019

  ">

  Performance of Eight Core Industries stood at 2.1% in July 2019 as compared to 7.3% in July 2018 pic.twitter.com/nORSXybtwf

  — ANI (@ANI) September 2, 2019

ಜಿಎಸ್​ಟಿ ಹಾಗೂ ನೋಟು ಅಮಾನ್ಯೀಕರಣದಿಂದಾಗಿ ಕೈಗಾರಿಕೆಗಳ ವಲಯದ ಬೆಳವಣಿಗೆಗೆ ತೊಡಕಾಗಿದೆ. ಈ ಕೈಗಾರಿಕೆಗಳನ್ನು ಆರ್ಥಿಕತೆಯ ಮುಖ್ಯ ಕೈಗಾರಿಕೆಗಳೆಂದೇ ವ್ಯಾಖ್ಯಾನಿಸಬಹುದು. ಪ್ರಮುಖ ಎಂಟು ಕೈಗಾರಿಕಾ ವಲಯಗಳಿಗಳ ಬೆಳವಣಿಗೆ ಪ್ರಮಾಣ ಕುಸಿತ ಕಂಡಿರುವ ಪರಿಣಾಮ ಸರಕು-ಸಾಗಾಟದ ವಹಿವಾಟು ಇಳಿದಿದೆ ಎಂದು ಹೇಳಲಾಗ್ತಿದೆ.

ಇದನ್ನೂ ಓದಿ....ಆರ್ಥಿಕ ಹಿಂಜರಿತಕ್ಕೆ ಆಟೋಮೊಬೈಲ್ ಕ್ಷೇತ್ರದಲ್ಲಿ ತಲ್ಲಣ... ಅಂಕಿ-ಅಂಶಕ್ಕೆ ಗಾಬರಿಯಾದ ದಿಗ್ಗಜ ಕಂಪನಿಗಳು!

8 ಕೈಗಾರಿಕೆಗಳು: ವಿದ್ಯುತ್, ಉಕ್ಕು, ಸಂಸ್ಕರಿಸಿದ ಉತ್ಪನ್ನ, ಕಚ್ಚಾತೈಲ, ಕಲ್ಲಿದ್ದಲು, ಸಿಮೆಂಟ್, ನೈಸರ್ಗಿಕ ಅನಿಲ ಮತ್ತು ರಸಗೊಬ್ಬರ ಕೈಗಾರಿಕಾ ವಲಯಗಳಲ್ಲಿ ಪ್ರಗತಿಯ ವೇಗ ಕಡಿಮೆಯಾಗಿದೆ. ಅಲ್ಲದೆ, ಉದ್ಯೋಗಿಗಳು ತಮ್ಮ ಕೆಲಸ ಕಳೆದುಕೊಳ್ಳುವ ಭೀತಿಯಲ್ಲಿದ್ದಾರೆ. ಈಗಾಗಲೇ ಆಟೋ ಮೊಬೈಲ್​ ಕ್ಷೇತ್ರದ ವಹಿವಾಟು ತೀವ್ರವಾಗಿ ಕ್ಷೀಣಿಸಿರುವುದು ಎಲ್ಲರನ್ನೂ ಗಾಬರಿಗೊಳಿಸಿದೆ.

ಜಿಎಸ್​ಟಿ ಮತ್ತು ನೋಟು ಅಮಾನ್ಯೀಕರಣ ಅವೈಜ್ಞಾನಿಕ ಜಾರಿಯೇ ಇದಕ್ಕೆಲ್ಲಾ ಕಾರಣವೆಂದು ಆರ್ಥಿಕ ತಜ್ಞರು ಬೊಟ್ಟು ಮಾಡುತ್ತಿದ್ದಾರೆ. ಆರ್ಥಿಕ ಸಂಕಷ್ಟದಿಂದಾಗಿ ನಲುಗುತ್ತಿರುವ ಕೈಗಾರಿಕೆಗಳಲ್ಲಿ ಲಕ್ಷಾಂತರ ಉದ್ಯೋಗಿಗಳು ಬೀದಿ ಪಾಲಾಗುತ್ತಿದ್ದಾರೆ.