ನವದೆಹಲಿ: ತನ್ನ 15 ವರ್ಷಗಳ ವಾರ್ಷಿಕೋತ್ಸವ ಸಂಭ್ರಮಾಚರಣೆಯಲ್ಲಿರುವ ಏರ್‌ಲೈನ್‌ನ ಪ್ರಮುಖ ಇಂಡಿಗೋ ವಿಮಾನಯಾನ ಸಂಸ್ಥೆ ಪ್ರಮಾಣಿಕರಿಗೆ ಸಿಹಿ ಸುದ್ದಿ ನೀಡಿದೆ. 3 ದಿನಗಳ ಹೊಸ ಆಫರ್‌ ಘೋಷಣೆ ಮಾಡಿದ್ದು, ಇಂದಿನಿಂದ ಆಗಸ್ಟ್ 6ರ ವರೆಗೆ ವಿಶೇಷ ಕೊಡುಗೆಗಳನ್ನು ನೀಡಿದೆ. ದೇಶೀಯ ಮತ್ತು ಅಂತಾರಾಷ್ಟ್ರೀಯ ಸಂಪರ್ಕದ ಸೇವೆಗಳಿಗೆ 915 ರೂಪಾಯಿಗಳಿಂದ ಆರಂಭವಾಗುವ ದರಗಳನ್ನು ನೀಡುವ ಮೂರು ದಿನಗಳ ವಿಶೇಷ ಮಾರಾಟವನ್ನು ಬುಧವಾರ ಘೋಷಿಸಿದೆ.
2021ರ ಆಗಸ್ಟ್ 4-6ರ ವರೆಗೆ ಕೊಡುಗೆ ಲಭ್ಯವಿದ್ದು, 2021ರ ಸೆಪ್ಟೆಂಬರ್ 1 ರಿಂದ 2022ರ ಮಾರ್ಚ್‌ 1ರ ವರೆಗಿನ ಪ್ರಯಾಣಕ್ಕೆ ಅನ್ವಯವಾಗುತ್ತದೆ. ಹೆಚ್ಚುವರಿಯಾಗಿ ಫಾಸ್ಟ್ ಫಾರ್ವರ್ಡ್, 6 ಇ ಫ್ಲೆಕ್ಸ್, 6 ಇ ಬ್ಯಾಗ್‌ಪೋರ್ಟ್ 315 ರೂಗಳಲ್ಲಿ ನೀಡಲಾಗುತ್ತಿದೆ. 'ಕಾರ್ ಬಾಡಿಗೆ' ಸೇವೆಯು 315 ರೂ.ಗಿಳಿಂದ ಆರಂಭವಾಗುತ್ತದೆ.
ಇದನ್ನೂ ಓದಿ: ಟಾಟಾ ಮೋಟಾರ್ಸ್‌ನಿಂದ ಟಿಯಾಗೊ ಎನ್ಆರ್‌ಜಿ ಬಿಡುಗಡೆ ; ಎಕ್ಸ್ ಶೋ ರೂಂ ಬೆಲೆ 6.57 ಲಕ್ಷ ರೂ.
ಇಂಡಿಗೋದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ರೊನೊಜೊಯ್ ದತ್ತಾ, ತೃಪ್ತಿಕರ 15 ವರ್ಷಗಳ ಸಂಭ್ರಮಾಚರಣೆಯಲ್ಲಿದ್ದು, ಇದೊಂದು ಮಹತ್ವದ ಸಂದರ್ಭವಾಗಿದೆ. ಕೆಟ್ಟ ಸಮಯದಲ್ಲಿಯೂ ನಮ್ಮ ಗ್ರಾಹಕರು ಮತ್ತು ಉದ್ಯೋಗಿಗಳು ನಮ್ಮ ಮೇಲೆ ವಿಶ್ವಾಸವಿಟ್ಟಿದ್ದಕ್ಕಾಗಿ ನಾವು ನಮ್ಮ ಕೃತಜ್ಞತೆಯನ್ನು ವ್ಯಕ್ತಪಡಿಸಲು ಬಯಸುತ್ತೇವೆ ಎಂದಿದ್ದಾರೆ.
ಪ್ರಸ್ತುತ, ಇಂಡಿಗೋ ತನ್ನ 270ಕ್ಕೂ ಹೆಚ್ಚು ವಿಮಾನಗಳನ್ನು ಹೊಂದಿದೆ. ದಿನ ನಿತ್ಯ 1,000 ವಿಮಾನಗಳನ್ನು ನಿರ್ವಹಿಸುತ್ತಿದ್ದು, 67 ದೇಶೀಯ ಹಾಗೂ 24 ಅಂತಾರಾಷ್ಟ್ರೀಯ ಸ್ಥಳಗಳಿಗೆ ಸಂಪರ್ಕ ಕಲ್ಪಿಸುತ್ತಿದೆ.
