ನವದೆಹಲಿ: ಚೀನಾದ ಸ್ಮಾರ್ಟ್ಫೋನ್ ಬ್ರಾಂಡ್ ವಿವೋ ಹೊಸ ಸ್ಮಾರ್ಟ್ಫೋನ್ - ವೈ73 ಅನ್ನು ಭಾರತೀಯ ಬಳಕೆದಾರರಿಗಾಗಿ ಸಿಂಗಲ್ ಸ್ಟೋರೇಜ್ ರೂಪಾಂತರಕ್ಕೆ 20,990 ರೂ.ಗೆ ಪರಿಚಯಿಸಿದೆ. ಈ ಸ್ಮಾರ್ಟನ್ ಮೀಡಿಯಾ ಟೆಕ್ ಹೆಲಿಯೊ ಜಿ95 ಪ್ರೊಸೆಸರ್ ಹೊಂದಿದ್ದು, 8 ಜಿಬಿ Ram ಮತ್ತು 128 ಜಿಬಿ ಆಂತರಿಕ ಮೆಮೊರಿ ಜೋಡಿಯಾಗಿದೆ. ಇದನ್ನು 1ಟಿಬಿವರೆಗೆ ವಿಸ್ತರಿಸಬಹುದಾಗಿದೆ. ಆಂಡ್ರಾಯ್ಡ್ 11 ಆಧಾರಿತ ಇತ್ತೀಚಿನ ಫನ್‌ಟಚ್ ಓಎಸ್ 11.1 ಒಳಗೊಂಡಿದೆ.
ವಿವೋ ವೈ73 ಜತೆಗೆ ಅಲ್ಟ್ರಾ-ಸ್ಲಿಮ್ ವಿನ್ಯಾಸ, ಉತ್ತಮ ಕ್ಯಾಮೆರಾ ವಿಶೇಷಣಗಳು, ಕಡಿಮೆ ವಿದ್ಯುತ್ ಹೀರುವ ವೇಗದ ಚಾರ್ಜಿಂಗ್ ಸಾಮರ್ಥ್ಯಗಳಂತಹ ಪ್ರಮುಖ ವೈಶಿಷ್ಟ್ಯಗಳನ್ನು ಪರಿಚಯಿಸುವ ಮೂಲಕ ಗ್ರಾಹಕರ ಅಭಿರುಚಿಗೆ ಆದ್ಯತೆ ನೀಡಲು ನಾವು ಒಂದು ಹೆಜ್ಜೆ ಮುಂದೆ ಹೋಗುತ್ತಿದ್ದೇವೆ ಎಂದು ವಿವೋ ಇಂಡಿಯಾದ ಬ್ರಾಂಡ್ ಸ್ಟ್ರಾಟಜಿ ನಿರ್ದೇಶಕ ನಿಪುನ್ ಮರಿಯಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಓದಿ: ಲಾಕ್‌ಡೌನ್‌ ನಡುವೆ ಪ್ರಯಾಣಿಕರ ವಾಹನಗಳ ಮಾರಾಟ ಶೇ 66ರಷ್ಟು ಇಳಿಕೆ: ವರದಿ
ಈ ಸ್ಮಾರ್ಟ್ಫೊನ್ 16.37 ಸೆಂ. (6.44 ಇಂಚು) ಅಮೋಲೆಡ್ ಡಿಸ್ಪ್ಲೇಯನ್ನು ಎಫ್ಎಚ್ಡಿ+ ಅಲ್ಟ್ರಾ-ಹೈ-ರೆಸಲ್ಯೂಷನ್ ಹೊಂದಿದೆ. ಇದು ವಿಡಿಯೋ ಮತ್ತು ಫೋಟೋಗಳೆರಡಕ್ಕೂ ತಡೆರಹಿತ ಅನುಭವ ನೀಡುತ್ತದೆ. ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು 64 ಎಂಪಿ ಮುಖ್ಯ ಕ್ಯಾಮೆರಾ, 2 ಎಂಪಿ ಬೊಕೆ ಸೆನ್ಸಾರ್ ಮತ್ತು 2 ಎಂಪಿ ಮ್ಯಾಕ್ರೋ ಸೆನ್ಸಾರ್ ಹೊಂದಿದೆ. ಇದು 16 ಎಂಪಿ ಸೆಲ್ಫಿ ಕ್ಯಾಮೆರಾವಿದೆ.
ಸ್ಮಾರ್ಟ್ಫೋನ್ 33W ವೇಗದ ಚಾರ್ಜಿಂಗ್ ಸಾಮರ್ಥ್ಯಗಳೊಂದಿಗೆ 4000mAh ಬ್ಯಾಟರಿ ಇದೆ. ಅತ್ಯುತ್ತಮ ಗೇಮಿಂಗ್ ಅನುಭವವನ್ನು ಅಲ್ಟ್ರಾ ಗೇಮ್ ಮೋಡ್ ಖಾತರಿಪಡಿಸುತ್ತದೆ. ಇದು ಹೊಂದಾಣಿಕೆಯ ಫ್ರೇಮ್ ದರ ಮತ್ತು ತಾಪಮಾನ ಹಂಚಿಕೆಯೊಂದಿಗೆ ನಿಖರವಾದ ನಿಯಂತ್ರಣವಿದೆ. ಅದು ಸಿಪಿಯು ಅನ್ನು ಹೆಚ್ಚು ಅಚ್ಚುಕಟ್ಟಾಗಿ ನಿಯಂತ್ರಿಸುತ್ತದೆ.
ಹೆಚ್ಚುವರಿಯಾಗಿ, ಮಲ್ಟಿ-ಟರ್ಬೊ ಆಪ್ಟಿಮೈಸ್ಡ್ ಎಆರ್ಟಿ ಟರ್ಬೊದೊಂದಿಗೆ ನವೀಕರಿಸಲಾಗಿದೆ. ಅದು ಅದರ ಕಾರ್ಯಕ್ಷಮತೆಯನ್ನು ಇನ್ನಷ್ಟು ಹೆಚ್ಚಿಸುತ್ತದೆ. ಎರಡು ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿದ್ದು, ಡೈಮಂಡ್ ಫ್ಲೇರ್ ಮತ್ತು ರೋಮನ್ ಬ್ಲ್ಯಾಕ್ ಅನ್ನು ಆನ್‌ಲೈನ್ ಮತ್ತು ಆಫ್‌ಲೈನ್ ಚಾನೆಲ್‌ಗಳಲ್ಲಿ ಖರೀದಿಸಬಹುದು.
