ನವದೆಹಲಿ: ಜರ್ಮನಿಯ ಐಷಾರಾಮಿ ಕಾರು ತಯಾರಕ ಬಿಎಂಡಬ್ಲ್ಯು, ಸೀಮಿತ ಆವೃತ್ತಿಯ ಮಿನಿ ಜಾನ್ ಕೂಪರ್ ವರ್ಕ್ಸ್ ಹ್ಯಾಚ್ ಉತ್ಪನವನ್ನು ಭಾರತೀಯ ಮಾರುಕಟ್ಟೆಗೆ 46.9 ಲಕ್ಷ ರೂ. (ಎಕ್ಸ್ ಶೋ ರೂಮ್) ದರದಲ್ಲಿ ಬಿಡುಗಡೆ ಮಾಡಿದೆ.
ಸೀಮಿತ ಆವೃತ್ತಿಯ ಮಿನಿ ಜಾನ್ ಕೂಪರ್ ವರ್ಕ್ಸ್ ಜಿಪಿಯಿಂದ ಸ್ಫೂರ್ತಿ ಪಡೆದಿದೆ. ಇದನ್ನು ಸಂಪೂರ್ಣವಾಗಿ ಬಿಲ್ಟ್-ಇನ್- ಯೂನಿಟ್ (ಸಿಬಿಯು) ಹೊಂದಿದೆ. ಕೇವಲ 15 ಯೂನಿಟ್ಗಳು ಮಾತ್ರ ಲಭ್ಯವಿವೆ. ಇವುಗಳನ್ನು ಪ್ರತ್ಯೇಕವಾಗಿ shop.mini.inನಲ್ಲಿ ಕಾಯ್ದಿರಿಸಬಹುದು ಎಂದು ಬಿಎಂಡಬ್ಲ್ಯು ಇಂಡಿಯಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಬಿಡುಗಡೆ ಕುರಿತು ಪ್ರತಿಕ್ರಿಯಿಸಿದ ಬಿಎಂಡಬ್ಲ್ಯು ಗ್ರೂಪ್ ಇಂಡಿಯಾ ಅಧ್ಯಕ್ಷ ವಿಕ್ರಮ್ ಪವಾಹ್, “ಮಿನಿ ಜಾನ್ ಕೂಪರ್ ವರ್ಕ್ಸ್ ತನ್ನದೇ ಆದ ವೈಶಿಷ್ಟತೆಯ ಫೀಚರ್ ಹೊಂದಿದೆ. ಕಾರ್ಯಕ್ಷಮತೆಯ ಸಂಯೋಜನೆಯು ಸಾಂಪ್ರದಾಯಕವಾಗಿದೆ. ಮೋಟರ್ಸ್ಪೋರ್ಟ್ ಜೀನ್ ಮತ್ತು ರೇಸಿಂಗ್ನ ಮಿನಿ ಜಾನ್ ಕೂಪರ್ ವರ್ಕ್ಸ್ ಜಿಪಿ ಪ್ರೇರಿತವಾಗಿ ತಯಾರಿಸಲಾಗಿದೆ ಎಂದರು.
ಇದಕ್ಕೂ ಮೊದಲು 2006 ಮತ್ತು 2013ರಲ್ಲಿ ಮಿನಿ ಜಾನ್ ಕೂಪರ್ ವರ್ಕ್ಸ್ ಜಿಪಿ ಮಾಡಲ್ಗಳನ್ನು ಪರಿಚಯಿಸಲಾಗಿತ್ತು. ಇದು 2 ಲೀಟರ್ ಪೆಟ್ರೋಲ್ ಇಂಜಿನ್ನಿಂದ ನಿಯಂತ್ರಿಸಲ್ಪಡುತ್ತದೆ. 6.1 ಸೆಕೆಂಡ್ಗಳಲ್ಲಿ ಗಂಟೆಗೆ 100 ಕಿ.ಮೀ ವೇಗ ಪಡೆದುಕೊಳ್ಳುತ್ತದೆ.
