ನವದೆಹಲಿ: ಹದಗೆಟ್ಟ ಆರ್ಥಿಕ ಪರಿಸ್ಥಿತಿಯಲ್ಲಿ ವೊಡಾಫೋನ್, ಐಡಿಯಾ ಹೊರತುಪಡಸಿ ಜಿಯೋ ಮತ್ತು ಏರ್ಟೆಲ್ ಕಂಪನಿಗಳು ತಮ್ಮ ಮಾರುಕಟ್ಟೆಯನ್ನು ವಿಸ್ತರಿಸಿಕೊಳ್ಳುತ್ತಿವೆ.
ವೈರ್‌ಲೆಸ್ ಟೆಲಿಕಾಂ ಸರ್ವೀಸ್ಗಾಗಿ ಆದಾಯದ ಅಂದಾಜುಗಳನ್ನು ಕಡಿತ ಮಾಡಲಾಗಿದೆ. ಮ್ಯೂಟ್ ಮಾಡಿದ ಚಂದಾದಾರರ ಸೇರ್ಪಡೆ, ಲಾಕ್‌ಡೌನ್ ಹಾಗೂ ಕೆಲವು ನಿರ್ಬಂಧಗಳ ಸಂಭವನೀಯ ವಿಸ್ತರಣೆಯಿಂದಾಗಿ 4ಜಿ ಸಿಮ್‌ಗಳಿಗೆ 2 ಜಿ / 3 ಜಿ ಪರಿವರ್ತನೆ ಆಗುತ್ತಿವೆ. 2019ರ ಡಿಸೆಂಬರ್‌ನಲ್ಲಿ ಸುಂಕ ಹೆಚ್ಚಳದಿಂದ ಮುಂಬರುವ ತಿಂಗಳುಗಳಲ್ಲಿ ನಿರೀಕ್ಷಿತ ಆದಾಯದ ಬೆಳವಣಿಗೆಯ ಮೇಲೆ ಭಾಗಶಃ ಪರಿಣಾಮ ಬೀರಬಹುದು ಎಂದು ಆಕ್ಸಿಸ್ ಕ್ಯಾಪಿಟಲ್ ಹೇಳಿದೆ.
ವೈರ್‌ಲೆಸ್ ಪೂರೈಕೆದಾರರ 2021/22ರ ಹಣಕಾಸು ವರ್ಷದ (ಅಂದಾಜು) ಆದಾಯ ಶೇ 1-6ರಷ್ಟು ಮತ್ತು ಇಬಿಐಟಿಡಿಎ (ಬಡ್ಡಿ, ತೆರಿಗೆ, ಸವಕಳಿ ಮತ್ತು ಭೋಗ್ಯಕ್ಕೂ ಮುಂಚಿನ ಗಳಿಕೆ) 20-100 ಬಿಪಿಎಸ್ (ಬೇಸಿಸ್ ಪಾಯಿಂಟ್‌ಗಳು) ಕಡಿತಗೊಳಿಸಿದ್ದೇವೆ ಎಂದು ಟೆಲಿಕಾಂ ವಲಯದ ವರದಿಯಲ್ಲಿ ತಿಳಿಸಿದೆ.
ಚಂದಾದಾರರು ರೀಚಾರ್ಜ್ ಮಾಡಲು ಬರುವುದರಿಂದ 2019ರ ಡಿಸೆಂಬರ್‌ನಲ್ಲಿ ಕಂಪನಿಗಳು ಕೈಗೊಂಡ ಸುಂಕದ ಹೆಚ್ಚಳವು ಕ್ಯಾಲೆಂಡರ್ ವರ್ಷದ 2020ರ ಒಂಬತ್ತು ತಿಂಗಳಲ್ಲಿ ಅದರ ಪ್ರತಿಫಲ ಹೊರಹೊಮ್ಮುವ ಸಾಧ್ಯತೆಯಿದೆ ಎಂದು ಹೇಳಿದೆ.
ಸುಪ್ರೀಂಕೋರ್ಟ್ ತೀರ್ಪಿನ ಪ್ರಕಾರ, ಪ್ರಸ್ತುತ ಟೆಲಿಕಾಂ ಸೇವಾ ಕಂಪನಿಗಳು ಬಡ್ಡಿ, ದಂಡ ಮತ್ತು ದಂಡದ ಮೇಲಿನ ಬಡ್ಡಿ ಸೇರಿದಂತೆ ಹೊಂದಾಣಿಕೆಯ ಒಟ್ಟು ಆದಾಯ (ಎಜಿಆರ್) ಬಾಕಿಗಳನ್ನು ಪೂರ್ಣವಾಗಿ ಪಾವತಿಸಬೇಕಾಗುತ್ತದೆ. ಭಾರ್ತಿ ಏರ್ಟೆಲ್ ಪಾವತಿ ಮಾಡುವಂತಹ ಸಂಪತ್ತು ಹೊಂದಿದೆ ಎಂದು ಇತ್ತೀಚಿನ ವರದಿ ಉಲ್ಲೇಖಿಸಿ ಹೇಳಿದೆ.
ಮಾರುಕಟ್ಟೆಯಲ್ಲಿ ನಾಲ್ಕು ಸೇವಾ ಕಂಪನಿಗಳು ಇರುವುದನ್ನು ಖಚಿತಪಡಿಸಿಕೊಳ್ಳಲು ಕೆಳಮಟ್ಟದ ಬೆಲೆ ಮತ್ತು ಸುಂಕ ಕಡಿತಗೊಳಿಸುವುದರಿಂದ ಏರ್ಟೆಲ್, ರಿಲಯನ್ಸ್ ಜಿಯೋ ಸೇರಿದಂತೆ ಉದ್ಯಮಕ್ಕೆ ಮತ್ತಷ್ಟು ಲಾಭವಾಗಬಹುದು ಎಂದು ಅಭಿಪ್ರಾಯಪಟ್ಟಿದೆ.
