ನವದೆಹಲಿ: ಕೊರೊನಾ ಸಾಂಕ್ರಾಮಿಕ ಪ್ರೇರೇಪಿತವಾಗಿ ಯಾಂತ್ರೀಕೃತ ಜೀವನ ಬಹು ವ್ಯಾಪಕವಾಗಿ ಮುನ್ನೆಲೆಗೆ ಬರುತ್ತಿರುವ ಕಾರಣ ಮುಂದಿನ 5 ವರ್ಷಗಳಲ್ಲಿ ಶೇ 40ರಷ್ಟು ಉದ್ಯೋಗಿಗಳು ತಮ್ಮ ಕೆಲಸ ಕಳೆದುಕೊಳ್ಳಬಹುದು ಎಂಬ ಆತಂಕದಲ್ಲಿದ್ದಾರೆ.
ಪಿಡಬ್ಲ್ಯೂಸಿ ಜನವರಿ 26 ಮತ್ತು ಫೆಬ್ರವರಿ 8ರ ನಡುವೆ ಭಾರತ ಮತ್ತು ಚೀನಾ ಸೇರಿದಂತೆ 19 ದೇಶಗಳ 32,500 ಜನರನ್ನು ಸಮೀಕ್ಷೆಗೆ ಒಳಪಡಿಸಲಾಗಿತ್ತು. ದೂರದ ಪ್ರದೇಶಗಳಿಂದ (ರಿಮೋಟ್ ವರ್ಕಿಂಗ್) ಕೆಲಸಕ್ಕೆ ಬದಲಾಯಿಸುವುದು ನೌಕರರು ಅಪಾಯಕಾರಿ ತಳ್ಳುವ ಪ್ರಯತ್ನವೆಂದು ಸಂವಾದಿಗಳು ಅಭಿಪ್ರಾಯಪಟ್ಟಿದ್ದಾರೆ.
ಶೇ 60ರಷ್ಟು ಜನರು ಹೆಚ್ಚಿನ ಉದ್ಯೋಗಗಳು ಯಾಂತ್ರೀಕೃತಗೊಂಡ ಅಪಾಯದಲ್ಲಿದೆ ಎಂದಿದ್ದಾರೆ. ಸಾಂಪ್ರದಾಯಿಕ ಉದ್ಯೋಗಾವಕಾಶಗಳು ಭವಿಷ್ಯದಲ್ಲಿ ಲಭ್ಯವಿಲ್ಲದಿರಬಹುದು ಎಂದು ನಲವತ್ತೆಂಟು ಪ್ರತಿಶತ ಜನ ಆತಂಕ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಸರ್ಕಾರಿ ಆಸ್ತಿಗಳ ಖಾಸಗೀಕರಣವೇ ಮೋದಿ ಸರ್ಕಾರದ ನೀತಿ: ಶಿವಸೇನಾ
39 ಪ್ರತಿಶತದಷ್ಟು ಜನರು ಮುಂದಿನ 5 ವರ್ಷಗಳಲ್ಲಿ ತಮ್ಮ ಉದ್ಯೋಗಗಳ ಅಸ್ತಿತ್ವವು ಪ್ರಶ್ನಾರ್ಹವಾಗಬಹುದು ಎಂದು ಭಾವಿಸಿದ್ದಾರೆ.
ಲಾಕ್‌ಡೌನ್‌ನೊಂದಿಗೆ ತಮ್ಮ ಡಿಜಿಟಲ್ ಕೌಶಲ್ಯಗಳು ಸುಧಾರಿಸಿದೆ ಎಂದು ಶೇ 40ರಷ್ಟು ಜನರು ಹೇಳಿದ್ದಾರೆ. ಶೇ 77ರಷ್ಟು ಹೊಸ ಕೌಶಲ್ಯಗಳನ್ನು ಕಲಿಯಲು ಸಿದ್ಧರಾಗಿದ್ದಾರೆ. 80 ಪ್ರತಿಶತ ಜನರು ಕೆಲಸದ ಸ್ಥಳದಲ್ಲಿ ಹೊಸ ತಂತ್ರಜ್ಞಾನಗಳನ್ನು ಅಳವಡಿಸಿಕೊಳ್ಳಲು ಸಿದ್ಧರಾಗಿದ್ದಾರೆ. ಭಾರತದಲ್ಲಿ ಶೇ 69ರಷ್ಟು ಮತ್ತು ದಕ್ಷಿಣ ಆಫ್ರಿಕಾದಲ್ಲಿ ಶೇ 66ರಷ್ಟು ಸಂವಾದಿಗಳು ಈ ಬಗ್ಗೆ ಬಹಳ ವಿಶ್ವಾಸ ಹೊಂದಿದ್ದಾರೆ.
ಶೇ 49ರಷ್ಟು ಜನರು ತಮ್ಮ ಸ್ವಂತ ವ್ಯವಹಾರ ಸ್ಥಾಪಿಸುವ ಆಸಕ್ತಿಯೊಂದಿಗೆ ಉದ್ಯಮಶೀಲತಾ ಕೌಶಲ್ಯಗಳನ್ನು ಅಭಿವೃದ್ಧಿಪಡಿಸುವತ್ತ ಗಮನ ಹರಿಸುತ್ತಿದ್ದಾರೆ. ಶೇ 50ರಷ್ಟು ಜನರು ಕೆಲಸದ ಸ್ಥಳದಲ್ಲಿ ತಾರತಮ್ಯದಿಂದಾಗಿ ವೃತ್ತಿಜೀವನದ ಪ್ರಗತಿ ಮತ್ತು ತರಬೇತಿಯನ್ನು ಕಳೆದುಕೊಳ್ಳುತ್ತಿದ್ದಾರೆ ಎಂದಿದ್ದಾರೆ. 13 ಪ್ರತಿಶತದಷ್ಟು ಜನರು ವರ್ಣಭೇದ ನೀತಿಯೇ ಕಾರಣ ಮತ್ತು 14 ಪ್ರತಿಶತ ಜನರು ಲಿಂಗ ತಾರತಮ್ಯದ ಬಗ್ಗೆ ಕಳವಳ ಹೊರಹಾಕಿದ್ದಾರೆ. ಶೇ 75ರಷ್ಟು ಉದ್ಯೋಗಿಗಳು ಸಮುದಾಯಕ್ಕೆ ಕೊಡುಗೆ ನೀಡುವ ಸಂಸ್ಥೆಗಳಲ್ಲಿ ಕೆಲಸ ಮಾಡಲು ಬಯಸುತ್ತಾರೆ.
