ನವದೆಹಲಿ: ಕೋವಿಡ್ ಲಾಕ್‌ಡೌನ್‌ನ ಹೊಡೆತದಿಂದ ಭಾರತದಲ್ಲಿ ಏಪ್ರಿಲ್ ವೇಳೆ ಉದ್ಯೋಗ ನೇಮಕಾತಿಯಲ್ಲಿ ಶೇ 62ರಷ್ಟು ಕುಸಿತ ಕಂಡಿದೆ ಎಂದು ನೌಕರಿ ಡಾಟ್ ಕಾಮ್ ವರದಿ ತಿಳಿಸಿದೆ.
ನಗರಗಳಲ್ಲಿನ ಉದ್ಯೋಗ ಮಾರುಕಟ್ಟೆ ನೇಮಕಾತಿಯಲ್ಲಿ ಎರಡು ಅಂಕಿಯ ಕುಸಿತ ದಾಖಲಿಸಿದೆ. ದೆಹಲಿಯಲ್ಲಿ ಶೇ 70ರಷ್ಟು ಕುಸಿದಿದೆ. ಈ ಬಳಿಕ ಚೆನ್ನೈ ಶೇ -62ರಷ್ಟು, ಕೋಲ್ಕತಾ ಶೇ -60ರಷ್ಟು ಮತ್ತು ಮುಂಬೈ ಶೇ -60ರಷ್ಟು ಕುಸಿದಿದೆ.
ಪ್ರವೇಶಾತಿ ಹಂತದ ಎಕ್ಸ್‌ಪೀರಿಯೆನ್ಸ್ ಬ್ಯಾಂಡ್‌ಗಳ ಜತೆ (0 ರಿಂದ 3 ವರ್ಷ) ಅನುಭವಿಗಳ ನೇಮಕದಲ್ಲಿ ಅಡ್ಡಾದಿಡ್ಡಿ ಕುಸಿತ ಕಂಡುಬಂದಿದ್ದು, ಶೇ 67ರಷ್ಟು ತೀವ್ರ ಇಳಿಕೆ ದಾಖಲಾಗಿದೆ.
ಏಪ್ರಿಲ್ನಲ್ಲಿ ಇತರ ಕೈಗಾರಿಕೆಗಳಿಗೆ ಹೋಲಿಸಿದರೆ ಫಾರ್ಮಾ / ಬಯೋಟೆಕ್ / ಕ್ಲಿನಿಕಲ್ ರಿಸರ್ಚ್ ಶೇ -54ರಷ್ಟು, ಐಟಿ-ಸಾಫ್ಟ್‌ವೇರ್/ಸಾಫ್ಟ್‌ವೇರ್ ಸೇವೆಗಳು ಶೇ -49ರಷ್ಟು ಮತ್ತು ವಿಮೆ ಶೇ -42 ರಷ್ಟಿದ್ದು, ನೇಮಕಾತಿಯಲ್ಲಿ ಕಡಿಮೆ ಪರಿಣಾಮ ಬೀರಿದೆ.
ಟಿಕೆಟಿಂಗ್ / ಟ್ರಾವೆಲ್ / ಏರ್ಲೈನ್ಸ್, ಹೋಟೆಲ್ / ರೆಸ್ಟೋರೆಂಟ್ ಮತ್ತು ಮಾನವ ಸಂಪನ್ಮೂಲ / ಆಡಳಿತ ಕ್ಷೇತ್ರಗಳಲ್ಲಿನ ವೃತ್ತಿಪರರಿಗೆ ಹೊಸ ಉದ್ಯೋಗಗಳು ಕ್ರಮವಾಗಿ ಶೇಕಡಾ 95, 89 ಮತ್ತು 78ರಷ್ಟು ಕುಸಿದವು.
