ಮುಂಬೈ: ದುರ್ಬಲವಾದ ಆರ್ಥಿಕ ನೀತಿಯಿಂದ ಮುಂದಿನ ಹಣಕಾಸು ವರ್ಷದಲ್ಲಿ ಭಾರತದ ಆರ್ಥಿಕ ಬೆಳವಣಿಗೆ ದರವು ಶೇ 6.8ಕ್ಕೆ ಇಳಿಕೆಯಾಗಲಿದೆ ಎಂದು ಫಿಚ್ ರೇಟಿಂಗ್ ತಿಳಿಸಿದೆ.
ಮುಂದಿನ ಆರ್ಥಿಕ ವರ್ಷದ ಬೆಳವಣಿಗೆಯ ಮುನ್ಸೂಚನೆಯನ್ನು ಗಮನದಲ್ಲಿ ಇರಿಸಿಕೊಂಡು ಹಾಗೂ ನಿರೀಕ್ಷಿತ ವೇಗದಲ್ಲಿನ ದುರ್ಬಲತೆಯಿಂದಾಗಿ ಜಿಡಿಪಿ ದರ ಶೇ. 6.8ಕ್ಕೆ ನೀಡಲು ನಿರ್ಧರಿಸಿದ್ದೇವೆ. 2021ರ ಆರ್ಥಿಕ ವರ್ಷದಲ್ಲಿ ಮತ್ತೆ ಶೇ 7.1ಕ್ಕೆ ತಲುಪಲಿದೆ ಎಂದು ತಿಳಿಸಿದೆ.
ಬ್ಯಾಂಕಿಂಗೇತರ ಹಣಕಾಸು ಸಂಸ್ಥೆಗಳ (ಎನ್ಬಿಎಫ್ಸಿ) ಬಡ್ಡಿ ದರದ ಮೇಲೆ ಬಿಗಿಯಾದ ನಿಲುವುಗಳಿಂದ ವಾಹನ ಮತ್ತು ದ್ವಿಚಕ್ರ ವಾಹನಗಳ ಮಾರಾಟ ಕ್ಷೀಣಿಸುತ್ತಿದೆ. ಎನ್ಬಿಎಫ್ಸಿ ಹಣದುಬ್ಬರ ಸಮಸ್ಯೆಯನ್ನು ಎದುರಿಸುತ್ತಿದ್ದು, ಅದರ ಕೊಡುಗೆ ಶೂನ್ಯವಾಗಿದೆ. ಖಾಸಗಿ ಬ್ಯಾಂಕ್ಗಳ ಸಾಲ ಪ್ರಮಾಣ ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗುತ್ತಿದೆ ಎಂದು ಫಿಚ್ ಉಲ್ಲೇಖಿಸಿದೆ.
ಆರ್ಬಿಐನ ಸಹವರ್ತಿ ಬ್ಯಾಂಕ್ಗಳಿಗೆ ಬಂಡವಾಳದ ಕೊಡುಗೆ ಹಾಗೂ ಕಠಿಣ ನಿರ್ಬಂಧನೆಗಳಿಂದ ಮುಕ್ತಗೊಳಿಸಿದ್ದರೂ ಬ್ಯಾಂಕ್ಗಳು ರೈತರು ಪಡೆಯುವ ಮೇಲಾಧಾರ ಸಾಲದ ಮಿತಿಯನ್ನು ಹೆಚ್ಚಿಸಿವೆ. ಫೆಬ್ರವರಿಯಲ್ಲಿ ಆರ್ಬಿಐ ಆಯೋಜಿಸಿದ ಸಭೆಯಲ್ಲಿ ಬಡ್ಡಿ ದರವನ್ನು 25 ಬೇಸಿಕ್ ಪಾಯಿಂಟ್ಸ್ ಕಡಿತಗೊಳಿಸಿದೆ. 2019-20ರ ಮಧ್ಯಂತರ ಬಜೆಟ್ನಲ್ಲಿ ಕೇಂದ್ರ ರೈತರ ನಗದು ವರ್ಗಾವಣೆ ಪ್ರಮಾಣವನ್ನು ಏರಿಕೆ ಮಾಡಿದೆ. ಹೀಗಾಗಿ, ಜಿಡಿಪಿ ಮೇಲೆ ಪರಿಣಾಮ ಬೀರಲಿದ್ದು, ಬೆಳವಣಿಗೆ ದರ ಕಡಿತಗೊಳುತ್ತದೆ ಎಂದು ವಿಶ್ಲೇಷಣಾತ್ಮಕವಾಗಿ ವಿವರಿಸಿದೆ.
