ನವದೆಹಲಿ : ಪ್ರಸಕ್ತ ಹಣಕಾಸು ವರ್ಷದ ಮೊದಲ 10 ತಿಂಗಳಲ್ಲಿ 9.38 ಲಕ್ಷ ಕೋಟಿ ರೂಪಾಯಿಗಳ ವಿತ್ತೀಯ ಕೊರತೆ ಎದುರಾಗಲಿದೆ ಎಂದು ನಿಯಂತ್ರಕ ಜನರಲ್ ಆಫ್ ಅಕೌಂಟ್ಸ್-ಸಿಜಿಎ ಬಿಡುಗಡೆ ಮಾಡಿರುವ ಅಂಕಿ-ಅಂಶಗಳಲ್ಲಿ ಹೇಳಲಾಗಿದೆ.
ಈ ಕೊರತೆಯೂ ವಾರ್ಷಿಕ ಗುರಿಯ ಶೇ.58.9ರಷ್ಟು ಆಗಿದ್ದು, ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮಂಡಿಸಿರುವ 2022-23ನೇ ಸಾಲಿನ ಬಜೆಟ್‌ನಲ್ಲಿನ ಪರಿಷ್ಕೃತ ಅಂದಾಜಿನ ಪ್ರಕಾರ 15.91 ಲಕ್ಷ ಕೋಟಿ ರೂ.ಗಿಂತ ಹೆಚ್ಚು ಎಂದು ಅಂದಾಜಿಸಲಾಗಿದೆ.
ವಿತ್ತ ಸಚಿವರು ಈ ಹಿಂದೆ ಪ್ರಸಕ್ತ ಹಣಕಾಸು ವರ್ಷದಲ್ಲಿ ವಿತ್ತೀಯ ಕೊರತೆಯನ್ನು 15.07 ಲಕ್ಷ ಕೋಟಿ ರೂ. ಅಂದರೆ ಜಿಡಿಪಿಯ ಶೇ.6.8ರಷ್ಟು ಎಂದು ಅಂದಾಜಿಸಿದ್ದರು. ಪರಿಷ್ಕೃತ ಅಂದಾಜಿನಲ್ಲಿ, ಪ್ರಸಕ್ತ ಹಣಕಾಸು ವರ್ಷದ ವಿತ್ತೀಯ ಕೊರತೆಯನ್ನು 19.91 ಲಕ್ಷ ಕೋಟಿ ರೂ.ಗೆ ಪರಿಷ್ಕರಿಸಲಾಗಿದೆ, ಇದು ಜಿಡಿಪಿಯ ಶೇ. 6.9ರಷ್ಟು ಆಗಿದೆ.
ವಿತ್ತೀಯ ಕೊರತೆಯು ಸರ್ಕಾರದ ಆದಾಯ ಮತ್ತು ವೆಚ್ಚದ ನಡುವಿನ ವ್ಯತ್ಯಾಸವಾಗಿದೆ. ಈ ವರ್ಷದ ಪರಿಷ್ಕೃತ ಅಂದಾಜಿನಲ್ಲಿ ಖರ್ಚು, ವೆಚ್ಚಗಳು 34.83 ಲಕ್ಷ ಕೋಟಿ ರೂ. ಆಗಲಿದೆ. ಆದರೆ, ಹಣಕಾಸು ಸಚಿವರು ತಮ್ಮ ಬಜೆಟ್‌ನಲ್ಲಿ 37.7 ಲಕ್ಷ ಕೋಟಿ ರೂ. ಎಂದು ಅಂದಾಜಿಸಿದ್ದಾರೆ. ಬಜೆಟ್‌ ಗಾತ್ರದ ಮೊತ್ತ 2.87 ಲಕ್ಷ ಕೋಟಿ ರೂ.ಹೆಚ್ಚಾಗಲಿದೆ.
ವೆಚ್ಚ ಮತ್ತು ಅದರ ಆದಾಯ ಸಂಗ್ರಹದ ನಡುವಿನ ಕೊರತೆಯನ್ನು ಪೂರೈಸಲು ಸರ್ಕಾರವು ಮಾರುಕಟ್ಟೆಗಳು ಮತ್ತು ಭಾರತದ ಸಾರ್ವಜನಿಕ ಖಾತೆಯ ಭಾಗವಾಗಿರುವ ಸಣ್ಣ ಉಳಿತಾಯ ಖಾತೆಗಳಂತಹ ಇತರ ಮೂಲಗಳಿಂದ ಹಣವನ್ನು ಎರವಲು ಪಡೆಯುತ್ತದೆ.
ಮಾರುಕಟ್ಟೆಯಿಂದ ಎರವಲು
ನಿರ್ಮಲಾ ಸೀತಾರಾಮನ್ ಅವರು ಈ ವರ್ಷ 20.79 ಲಕ್ಷ ಕೋಟಿ ರೂ. ಆದಾಯ ಸಂಗ್ರಹದ ನಿರೀಕ್ಷೆ ಹೊಂದಿದ್ದಾರೆ. ಅಂದಾಜು ವೆಚ್ಚ 37.7 ಲಕ್ಷ ಕೋಟಿ ರೂ.ಗಳಲ್ಲಿ ಉಳಿದ ಮೊತ್ತವನ್ನು ಮಾರುಕಟ್ಟೆಯಿಂದ ಎರವಲು ಪಡೆಯುವ ಮೂಲಕ ವ್ಯತ್ಯಾಸವನ್ನು ಸರಿಪಡಿಸಲಾಗುತ್ತದೆ.
ಒಟ್ಟಾರೆ ಬಜೆಟ್‌ನ ದೊಡ್ಡ ಭಾಗದ ಸುಮಾರು ನಾಲ್ಕನೇ ಒಂದು ಭಾಗವನ್ನು ಬಡ್ಡಿ ಪಾವತಿಗೆ ಮಾತ್ರ ಖರ್ಚು ಮಾಡಲಾಗುತ್ತದೆ. ಪರಿಷ್ಕೃತ ಅಂದಾಜಿನ ಪ್ರಕಾರ, ಈ ವರ್ಷದ ಬಡ್ಡಿ ಪಾವತಿಯು ಕೇವಲ 8 ಲಕ್ಷ ಕೋಟಿ ರೂ.ಗಿಂತ ಹೆಚ್ಚು ಎಂದು ನಿರೀಕ್ಷಿಸಲಾಗಿದೆ, ಇದು ಒಟ್ಟು ಕೇಂದ್ರ ಬಜೆಟ್‌ನ ಶೇ.21ಕ್ಕಿಂತ ಹೆಚ್ಚು.
ಸುಮಾರು 8.14 ಲಕ್ಷ ಕೋಟಿ ಬಡ್ಡಿ ಪಾವತಿಯ ವಾರ್ಷಿಕ ಅಂದಾಜಿನ ವಿರುದ್ಧ ಮೊದಲ 10 ತಿಂಗಳಲ್ಲಿ ಸರ್ಕಾರವು ಕೇವಲ 6.14 ಲಕ್ಷ ಕೋಟಿ ರೂಪಾಯಿಗಳ ಬಡ್ಡಿ ಪಾವತಿಸಿದೆ ಎಂದು ಸಿಜಿಎ ಡೇಟಾ ಮೂಲಕ ವಿವರಿಸಲಾಗಿದೆ.
ಆದಾಯ ಕೊರತೆ
ಇತ್ತೀಚಿನ ಮಾಹಿತಿಯ ಪ್ರಕಾರ, ಕೇಂದ್ರದ ಆದಾಯ ಕೊರತೆಯು ವಾರ್ಷಿಕ ಗುರಿಯ ಶೇ.50ಕ್ಕಿಂತ ಕಡಿಮೆಯಿದೆ. ಆದಾಯ ಕೊರತೆ, ಆದಾಯ ಸಂಗ್ರಹಣೆ ಮತ್ತು ಆದಾಯ ವೆಚ್ಚಗಳ ನಡುವಿನ ವ್ಯತ್ಯಾಸವು ಮೊದಲ 10 ತಿಂಗಳಲ್ಲಿ ಸುಮಾರು 5.29 ಲಕ್ಷ ಕೋಟಿ ರೂ.ಗಳಾಗಿದ್ದು, ಪರಿಷ್ಕೃತ ಅಂದಾಜಿನ 10.89 ಲಕ್ಷ ಕೋಟಿಗಿಂತ ಹೆಚ್ಚಿನದಾಗಿದೆ.
ಇದನ್ನೂ ಓದಿ: ರಷ್ಯಾ-ಉಕ್ರೇನ್ ಯುದ್ಧ: ಭಾರತೀಯ ಲೋಹದ ಷೇರುಗಳಲ್ಲಿ ಭಾರಿ ಏರಿಕೆ
