ನವದೆಹಲಿ: ಜನಪ್ರಿಯ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಸ್ನ್ಯಾಪ್‌ಚಾಟ್ ಮಾಸಿಕ 500 ಮಿಲಿಯನ್‌ಗಿಂತಲೂ ಹೆಚ್ಚು ಸಕ್ರಿಯ ಬಳಕೆದಾರರನ್ನು ತಲುಪಿದೆ. ಸುಮಾರು 40 ಪ್ರತಿಶತ ಬಳಕೆದಾರರು ಉತ್ತರ ಅಮೆರಿಕ ಮತ್ತು ಯುರೋಪಿನ ಹೊರಗಡೆ ಇದ್ದಾರೆ.
ಭಾರತದಲ್ಲಿ ಸ್ನ್ಯಾಪ್‌ಚಾಟ್ ಕಳೆದ ಐದು ತ್ರೈಮಾಸಿಕಗಳಲ್ಲಿ ದೈನಂದಿನ ಸಕ್ರಿಯ ಬಳಕೆದಾರರಲ್ಲಿ (ಡಿಎಯು) ಶೇ 100 ಪ್ರತಿಶತ (ವರ್ಷದಿಂದ ವರ್ಷ) ಬೆಳವಣಿಗೆ ಕಂಡಿದೆ ಎಂದು ಕಂಪನಿಯು ತನ್ನ ಮೂರನೇ ಸ್ನ್ಯಾಪ್ ಪಾಲುದಾರ ಸಭೆಯಲ್ಲಿ ಘೋಷಿಸಿದೆ.
ಇದನ್ನೂ ಓದಿ: 2021ರಲ್ಲಿ ಎಸ್ಬಿಐನ ವಾರ್ಷಿಕ ಆದಾಯ ಶೇ 80ರಷ್ಟು ಏರಿಕೆ
ಸ್ನ್ಯಾಪ್ ಹೊಸ ಫೀಚರ್ಗಳು ಇತ್ತೀಚಿನ ಅಪ್ಡೇಟ್ ಮತ್ತು ಆಗ್ಮೆಂಟೆಡ್ ರಿಯಾಲಿಟಿ (ಎಆರ್) ಅನುಭವಗಳನ್ನು ಘೋಷಿಸಿತು. ಹೊಸ ಎಆರ್ ಪರಿಕರ ಮತ್ತು ಕ್ಯಾಮರಾ ಅನುಭವಗಳು, ಮುಂದಿನ ಪೀಳಿಗೆಯ ಸ್ಪೆಕ್ಟಾಕಲ್ಸ್ ಮತ್ತು ಮೊಬೈಲ್‌ನಲ್ಲಿ ಸೃಷ್ಟಿಕರ್ತರಿಗೆ ಪ್ರಬಲವಾದ ಎಡಿಟಿಂಗ್ ಪರಿಕರಗಳನ್ನು ನೀಡುವ ಹೊಸ ಸ್ವತಂತ್ರ ಅಪ್ಲಿಕೇಶನ್ ‘ಸ್ಟೋರಿ ಸ್ಟುಡಿಯೋ’ ಪ್ರಾರಂಭಿಸಿತು. ಕ್ರಿಯೆಟರ್ಗಳನ್ನು ಗಮನದಲ್ಲಿ ಇರಿಸಿಕೊಂಡು ಸ್ಟೋರಿ ಸ್ಟುಡಿಯೋ ಸ್ನ್ಯಾಪ್‌ಚಾಟ್‌ನಲ್ಲಿ ನಡೆಯುತ್ತಿರುವ ಪ್ರವೃತ್ತಿಗಳ ಕುರಿತು ಒಳನೋಟಗಳನ್ನು ನೀಡುತ್ತದೆ. ಇದು ಈ ವರ್ಷದ ಕೊನೆಯಲ್ಲಿ ಐಒಎಸ್ನಲ್ಲಿ ಪ್ರಾರಂಭವಾಗುತ್ತಿದೆ. ಇದು ಉಚಿತವಾಗಿ ಲಭ್ಯವಿರುತ್ತದೆ.
