ಮುಂಬೈ: ಕೋವಿಡ್-19 ಬಿಕ್ಕಟ್ಟಿನ ವಿರುದ್ಧದ ಕಾಳಗದಲ್ಲಿ ದೇಶದ ಅತಿದೊಡ್ಡ ಹಣಕಾಸು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ (ಎಸ್ಬಿಐ) ನೌಕರರು ಪ್ರಧಾನ ಮಂತ್ರಿ ನಾಗರಿಕರ ಸಹಾಯ ಮತ್ತು ತುರ್ತು ಪರಿಸ್ಥಿತಿಗಳ ಪರಿಹಾರ (ಪಿಎಂ-ಕೇರ್ಸ್) ನಿಧಿಗೆ ಹೆಚ್ಚುವರಿಯಾಗಿ 7.95 ಕೋಟಿ ರೂ. ನೀಡಿದ್ದಾರೆ
ಒಂದು ದಿನದ ಸಂಬಳ ಮತ್ತು ಒಂದು ದಿನದ ರಜೆ ಎನ್‌ಕ್ಯಾಶ್‌ಮೆಂಟ್‌ ಮೂಲಕ ಎಸ್ಬಿಐ ನೌಕರರು ನೀಡಿದ ಒಟ್ಟಾರೆ ದೇಣಿಗೆ ಈಗ 107.95 ಕೋಟಿ ರೂ.ಗೆ ಏರಿಕೆಯಾಗಿದೆ.
2020ರ ಮಾರ್ಚ್ನಲ್ಲಿ ಎಸ್‌ಬಿಐನ ಸುಮಾರು 2,56,000 ಉದ್ಯೋಗಿಗಳು ಪಿಎಂ-ಕೇರ್ಸ್ ನಿಧಿಗೆ 100 ಕೋಟಿ ರೂ. ದೇಣಿಗೆ ನೀಡಿದ್ದರು. ಇದು ಕೊರೊನಾ ವೈರಸ್ ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಡಲು ನೀಡಲಾಗಿದೆ ಎಂದು ಎಸ್ಬಿಐ ಪ್ರಕಟಣೆಯಲ್ಲಿ ತಿಳಿಸಿದೆ.
ಎಸ್ಬಿಐ ತನ್ನ ಸಿಎಸ್‌ಆರ್ ಚಟುವಟಿಕೆಗಳ ಭಾಗವಾಗಿ ಕೋವಿಡ್ -19ರ ವಿರುದ್ಧ ಹೋರಾಡಲು 2019-20ನೇ ಸಾಲಿನ ವಾರ್ಷಿಕ ಲಾಭದ ಶೇ 0.25ರಷ್ಟು ನೀಡಲು ಬದ್ಧವಾಗಿದೆ ಎಂದಿದೆ.
