ಮುಂಬೈ: ಷೇರುಪೇಟೆಯ ಸೋಮವಾರದ ವಹಿವಾಟಿನಂದು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (ಆರ್ಐಎಲ್) ತನ್ನ ಷೇರು ಮೌಲ್ಯದಲ್ಲಿ ಏರಿಕೆ ಕಂಡ ಕಾರಣ ಮಾರುಕಟ್ಟೆ ಬಂಡವಾಳ (ಎಂ- ಕ್ಯಾಪಿಟಲ್) 10 ಲಕ್ಷ ಕೋಟಿ ರೂ. ದಾಟಿದೆ.
ಇಂದಿನ ವಹಿವಾಟಿನ ಬೆಳಿಗ್ಗೆ 11.04ರ ವೇಳೆಗೆ ಬಿಎಸ್ಇನಲ್ಲಿ ಆರ್ಐಎಲ್ನ ಪ್ರತಿ ಷೇರು ಈ ಹಿಂದಿನ 1,593.10 ಮುಕ್ತಾಯದ ದರಕ್ಕಿಂತ ಶೇ 2ರಷ್ಟು ಅಥವಾ 31.30ರಷ್ಟು ಏರಿಕೆಯಾಗಿದೆ. ತತ್ಪರಿಣಾಮ ಮಧ್ಯಂತರ ವಹಿವಾಟಿನಂದು ಪ್ರತಿ ಷೇರು 1.614.85 ರೂ.ಗೆ ತಲುಪಿತು.
ರಿಲಯನ್ಸ್ನ ಮಾರುಕಟ್ಟೆ ಬಂಡವಾಳ 10,09,930.36 ಕೋಟಿ ರೂ.ಯಷ್ಟಾಗಿದೆ. ಮೇ 14ಕ್ಕೆ ಕಂಪನಿಯು 53,125 ಕೋಟಿ ರೂ. ಹಕ್ಕು ವಿತರಣೆ ಮಾಡುವುದಾಗಿ ನಿರ್ಧರಿಸಿದೆ. ಈ ಹಿನ್ನೆಲೆಯಲ್ಲಿ ಷೇರು ಮೌಲ್ಯದಲ್ಲಿ ಏರಿಕೆ ಆಗಿದೆ.
ಕಂಪನಿಯ ನಿರ್ದೇಶಕರ ಮಂಡಳಿ ರಚಿಸಿರುವ ಹಕ್ಕುಗಳ ಸಂಚಿಕೆ ಸಮಿತಿಯ ಸಭೆಯಲ್ಲಿ, ಹಕ್ಕುಗಳ ಅರ್ಹತೆಯನ್ನು ಪಡೆಯಲು ಅರ್ಹ ಈಕ್ವಿಟಿ ಷೇರುದಾರರನ್ನು ನಿರ್ಧರಿಸುವ ಉದ್ದೇಶದಿಂದ ಮೇ 14 ಅನ್ನು 'ದಾಖಲೆ ದಿನಾಂಕ' ಎಂದು ನಿಗದಿಪಡಿಸಿದೆ.
