ನವದೆಹಲಿ: ಬಿಲಿಯನೇರ್ ಮುಖೇಶ್ ಅಂಬಾನಿಯ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಅಮೆರಿಕದ ಶೇಲ್ ಗ್ಯಾಸ್ನಲ್ಲಿ ತನ್ನ ಪಾಲನ್ನು ನಾರ್ಥರ್ನ್ ಆಯಿಲ್ ಆ್ಯಂಡ್ ಗ್ಯಾಸ್ ಇಂಕಾಗೆ 250 ಮಿಲಿಯನ್ ಡಾಲರ್ಗೆ ಮಾರಾಟ ಮಾಡಿದೆ.
ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ನ (ಆರ್ಐಎಲ್) ಅಂಗಸಂಸ್ಥೆಯಾದ ರಿಲಯನ್ಸ್ ಮಾರ್ಸೆಲ್ಲಸ್, ನೈಋತ್ಯ ಪೆನ್ಸಿಲ್ವೇನಿಯಾದ ಮಾರ್ಸೆಲ್ಲಸ್ ಶೇಲ್ನ ಕೆಲವು ಸ್ವತ್ತುಗಳ ಬೇರೆಡೆಗೆ ತಿರುಗಿಸುವ ಒಪ್ಪಂದಗಳಿಗೆ ಸಹಿ ಹಾಕುವುದಾಗಿ ಘೋಷಿಸಿದೆ ಎಂದು ಕಂಪನಿಯ ಪ್ರಕಟಣೆಯಲ್ಲಿ ತಿಳಿಸಿದೆ.
ಪ್ರಸ್ತುತ ಇಕ್ಯೂಟಿ ಕಾರ್ಪೊರೇಷನ್‌ನ ವಿವಿಧ ಅಂಗಸಂಸ್ಥೆಗಳಿಂದ ಈ ಸ್ವತ್ತುಗಳನ್ನು ನಿರ್ವಹಿಸುತ್ತಿದೆ. ನಾರ್ಥರ್ನ್ ಆಯಿಲ್ ಆ್ಯಂಡ್ ಗ್ಯಾಸ್ ಇಂಕಾಗೆ 250 ಮಿಲಿಯನ್ ಡಾಲರ್ ನಗದು ಮತ್ತು 3.25 ಮಿಲಿಯನ್ ಜನರಲ್ ಷೇರು ಖರೀದಿಸುವ ಅರ್ಹತೆಗೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ತೈಲ ಮತ್ತು ಅನಿಲವು (ಎನ್‌ಒಜಿ) ಮುಂದಿನ ಏಳು ವರ್ಷಗಳಲ್ಲಿ ಸಾಮಾನ್ಯ ಷೇರಿಗೆ 14.00 ಡಾಲರ್ ಬೆಲೆಯಲ್ಲಿ ಇರಲಿದೆ.
ಇದನ್ನೂ ಓದಿ: ಕೊಚ್ಚಾರ್ಸ್ ವಿರುದ್ಧ ಕಾನೂನಾತ್ಮಕವಾಗಿ ಮುಂದುವರಿಯಲು ಸಾಕಷ್ಟು ವಿಷಯಗಳಿವೆ: ಪಿಎಂಎಲ್ಎ ನ್ಯಾಯಾಲಯ
ರಿಲಯನ್ಸ್ ಇಂಡಸ್ಟ್ರೀಸ್ 2010 ಮತ್ತು 2013ರ ನಡುವೆ, ಅಮೆರಿಕದ ಶೇಲ್ ಗ್ಯಾಸ್ ಸ್ವತ್ತುಗಳಲ್ಲಿ ಹೂಡಿಕೆ ಮಾಡಿ ಚೆವ್ರಾನ್, ಪಯೋನೀರ್ ನ್ಯಾಚುರಲ್ ರಿಸೋರ್ಸ್ ಮತ್ತು ಕ್ಯಾರಿಜೊ ಆಯಿಲ್ ಆ್ಯಂಡ್ ಗ್ಯಾಸ್‌ನೊಂದಿಗೆ ಮೂರು ತೈಲ ಪರಿಶೋಧನೆ ಜಂಟಿ ಉದ್ಯಮಗಳಲ್ಲಿ ಪಾಲು ಖರೀದಿಸಿತು. ಪಯೋನೀರ್‌ನೊಂದಿಗೆ ಮಿಡ್‌ಸ್ಟ್ರೀಮ್ ಜಂಟಿ ಉದ್ಯಮವಾಗಿದೆ. ಮಿಡ್‌ಸ್ಟ್ರೀಮ್ ಹೈಡ್ರೋಕಾರ್ಬನ್‌ಗಳ ಸಂಸ್ಕರಣೆ, ಸಂಗ್ರಹಣೆ, ಸಾಗಣೆ ಮತ್ತು ಮಾರಾಟ ವಹಿವಾಟು ಹೊಂದಿದೆ.
