ಮುಂಬೈ: ಅನಿಲ್ ಅಂಬಾನಿ ಒಡೆತನದ ರಿಲಯನ್ಸ್ ಇನ್ಫ್ರಾಸ್ಟ್ರಕ್ಷರ್, 2019ರ ಮಾರ್ಚ್ಗೆ ಕೊನೆಗೊಂಡ ತ್ರೈಮಾಸಿಕ ಅವಧಿಯಲ್ಲಿ ₹ 3,301 ಕೋಟಿಯಷ್ಟು ನಷ್ಟ ಎದುರಾಗಿದೆ.
ಕಳೆದ ವರ್ಷ ಇದೇ ಅವಧಿಯಲ್ಲಿ ₹ 134 ಕೋಟಿಯಷ್ಟು ಆದಾಯ ಬಂದಿತ್ತು. ಲೆಕ್ಕಪರಿಶೋಧಕರು ವಾರ್ಷಿಕ ಫಲಿತಾಂಶಗಳ ಬಗ್ಗೆ ತಮ್ಮ ಲೆಕ್ಕಪರಿಶೋಧನಾ ಅಭಿಪ್ರಾಯ ನೀಡಲು ಹಿಂದೇಟುಹಾಕುತ್ತಿದ್ದಾರೆ. ಹೀಗಾಗಿ, ಕಂಪನಿಯ ಮತ್ತು ಅದರ ಕೆಲವು ಅಂಗಸಂಸ್ಥೆಗಳ ಸಾಮರ್ಥ್ಯದ ಬಗ್ಗೆ ಅನುಮಾನಗಳು ವ್ಯಕ್ತವಾಗುತ್ತಿವೆ.
ಅಸಾಧಾರಣ ಖರ್ಚಿನ ಮೇಲೆ ಕಂಪನಿಯು ಒಂದು ಬಾರಿ ₹ 8,481 ಕೋಟಿ ತೆಗೆದುಕೊಂಡಿದ್ದು, ಲಾಭ ಮತ್ತು ನಷ್ಟದ ಖಾತೆಯ ಸಾಮಾನ್ಯ ಮೀಸಲು ಮೊತ್ತ ₹ 6,616 ಕೋಟಿಯಾಗಿದೆ. ತ್ರೈಮಾಸಿಕ ಮತ್ತು ಪೂರ್ಣ ವರ್ಷದ ನಷ್ಟವು ₹ 6,616 ಕೋಟಿಗಿಂತ ಅಧಿಕವಾಗಿದೆ.
ಅನಿಲ್ ಅಂಬಾನಿ ಮಾಲೀಕತ್ವದ ಆರ್‌ಕಾಮ್ನ ಸ್ಪೆಕ್ಟ್ರಂ, ಮೊಬೈಲ್ ಟವರ್‌'ಗಳು ಮತ್ತು ಆಪ್ಟಿಕಲ್ ಸೈಬರ್ ನೆಟ್'ವರ್ಕ್ ಸೇರಿದಂತೆ ಮೊಬೈಲ್ ಆಸ್ತಿಗಳನ್ನು ಮುಕೇಶ್ ಅಂಬಾನಿ ನೇತೃತ್ವದ ರಿಲಯನ್ಸ್ ಜಿಯೋ ಸ್ವಾಧೀನ ಪಡಿಸಿಕೊಳ್ಳುವ ಒಪ್ಪಂದಕ್ಕೆ ಸಹಿ ಹಾಕಿದ್ದರು. ಈ ಮೂಲಕ ಸಾಲ ಸುಳಿಗೆ ಸಿಲುಕಿದ ತಮ್ಮನ ನೆರವಿಗೆ ಮುಕೇಶ್ ಧಾವಿಸಿದ್ದರು. ರಿಲಯನ್ಸ್ ಇನ್ಫ್ರಾಸ್ಟ್ರಕ್ಷರ್ ಕೂಡ ಆರ್ಕಾಮ್ನಂತೆ ಆರ್ಥಿಕ ಸಂಕಷ್ಟಕ್ಕೆ ಒಳಗಾಗಿದೆ. ಮತ್ತೆ ಅಣ್ಣ ಮುಕೇಶ್ ಅಭಯ ನೀಡುವರೆ ಎಂದು ಎದುರು ನೋಡಲಾಗುತ್ತಿದೆ.
