ನವದೆಹಲಿ: ಸುಮಾರು ಎರಡು ಗಂಟೆಗಳ ಒಳಗೆ ಕೊರೊನಾ ಸೋಂಕು ಪತ್ತೆಹಚ್ಚಬಲ್ಲ ಆರ್ಟಿ-ಪಿಸಿಆರ್ ಕಿಟ್ ಅನ್ನು ರಿಲಯನ್ಸ್ ಲೈಫ್ ಸೈನ್ಸಸ್ ಅಭಿವೃದ್ಧಿಪಡಿಸಿದೆ ಎಂದು ಕಂಪನಿಯ ಮೂಲಗಳು ತಿಳಿಸಿವೆ.
ಪ್ರಸ್ತುತ, ಸಾರ್ಸ್-ಸಿಒವಿ-2 (SARS-CoV-2)ನಿಂದ ರೋಗನಿರ್ಣಯದ ನ್ಯೂಕ್ಲಿಯಿಕ್ ಆಮ್ಲದ ಗುಣಾತ್ಮಕ ಪತ್ತೆಗೆ ನೈಜ-ಸಮಯದ ರಿವರ್ಸ್ ಟ್ರಾನ್ಸ್‌ಕ್ರಿಪ್ಷನ್-ಪಾಲಿಮರೇಸ್ ಚೈನ್ ರಿಯಾಕ್ಷನ್ (ಆರ್‌ಆರ್‌ಟಿ-ಪಿಸಿಆರ್) ಪರೀಕ್ಷೆಯಾದ ಕೋವಿಡ್-19 ಆರ್ಟಿ-ಪಿಸಿಆರ್ ಪರೀಕ್ಷೆ ನೀಡಲು 24 ಗಂಟೆ ತೆಗೆದುಕೊಳ್ಳುತ್ತದೆ . ರಿಲಯನ್ಸ್ ಅಭಿವೃದ್ಧಿಪಡಿಸಿದೆ ಕಿಟ್, ಸುಮಾರು 2 ಗಂಟೆಗಳಲ್ಲಿ ಕೋವಿಡ್-19 ಸೋಂಕು ಪತ್ತೆಹಚ್ಚುವ ಭರವಸೆ ನೀಡುತ್ತದೆ ಎಂದು ಹೇಳಿದೆ.
ಬಿಲಿಯನೇರ್ ಮುಖೇಶ್ ಅಂಬಾನಿ ಒಡೆತನದ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ ಅಂಗ ಸಂಸ್ಥೆಯಾದ ರಿಲಯನ್ಸ್ ಲೈಫ್ ಸೈನ್ಸಸ್‌ನ ಕಂಪ್ಯೂಟೇಷನಲ್ ಬಯಾಲಜಿಸ್ಟ್‌ಗಳು ಭಾರತದಲ್ಲಿ ಸಾರ್ಸ್-ಸಿಒವಿ-2ನ 100ಕ್ಕೂ ಅಧಿಕ ಜೀನೋಮ್‌ಗಳನ್ನು ವಿಶ್ಲೇಷಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ರಿಲಯನ್ಸ್ ಲೈಫ್ ಸೈನ್ಸಸ್‌ನ ವಿಜ್ಞಾನಿಗಳು ಅಭಿವೃದ್ಧಿಪಡಿಸಿದ ಈ ಕಿಟ್‌ಗೆ ಆರ್ - ಗ್ರೀನ್ ಕಿಟ್ (ಎಸ್‌ಎಆರ್ಎಸ್ ಸಿಒವಿ 2-ರಿಯಲ್-ಟೈಮ್ ಪಿಸಿಆರ್) ಎಂದು ಹೆಸರಿಸಲಾಗಿದೆ. ಇದರ ಕಾರ್ಯಕ್ಷಮತೆಯನ್ನು ಐಸಿಎಂಆರ್ ತಾಂತ್ರಿಕವಾಗಿ ಮೌಲ್ಯೀಕರಿಸಿದೆ ಎಂದು ಮೂಲಗಳು ದೃಢಪಡಿಸಿವೆ.
ಐಸಿಎಂಆರ್ ಫಲಿತಾಂಶಗಳ ಪ್ರಕಾರ, ಕಿಟ್ ಶೇ 98.7ರಷ್ಟು ಸೂಕ್ಷ್ಮತೆ ಮತ್ತು 98.8 ಪ್ರತಿಶತದಷ್ಟು ನಿರ್ದಿಷ್ಟತೆ ತೋರಿಸುತ್ತದೆ. ಈ ಕಿಟ್ ರಿಲಯನ್ಸ್ನಲ್ಲಿ ಕೆಲಸ ಮಾಡುವ ಆರ್&ಡಿಯ ವಿಜ್ಞಾನಿಗಳ ಸಂಪೂರ್ಣ ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ್ದಾರೆ. ಈ ಕಿಟ್ ಅನ್ನು ಸರಳವಾಗಿ ಬಳಸಬಹುದು ಮತ್ತು ಸುಲಭವಾಗಿ ಲಭ್ಯ ಇರುವಂತೆ ನೋಡಿಕೊಳ್ಳಬಹುದು. ರೋಗನಿರ್ಣಯದ ಸಮಯ ಸುಮಾರು 2 ಗಂಟೆಗಳಿರುತ್ತದೆ ಎಂದು ಹೇಳಿದ್ದಾರೆ.
