ಮುಂಬೈ: ಭಾರತದ ದಿಗ್ಗಜ ಸಂಸ್ಥೆ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ ಡಿಜಿಟಲ್ ಪಾಲುದಾರಿಕೆಯಲ್ಲಿ ಹೂಡಿಕೆ ಮಾಡಲು ಆಲ್ಫಾಬೆಟ್ ಇಂಕ್‌ನ ಗೂಗಲ್ ಮಾತುಕತೆ ನಡೆಸುತ್ತಿದೆ ಎಂದು ಬ್ಲೂಮ್‌ಬರ್ಗ್ ವರದಿ ಮಾಡಿದೆ.
ಅಂದಾಜು 4 ಬಿಲಿಯನ್ ಡಾಲರ್ (30,144 ಕೋಟಿ ರೂ.) ಹೂಡಿಕೆಯ ಬಗ್ಗೆ ಚರ್ಚೆ ನಡೆಯುತ್ತಿದೆ. ಈ ಬಗ್ಗೆ ಗೂಗಲ್ ಪ್ರತಿಕ್ರಿಯಿಸಲು ನಿರಾಕರಿಸಿದೆ. ರಿಲಯನ್ಸ್ ಕೂಡ ತಕ್ಷಣಕ್ಕೆ ಏನನ್ನೂ ಹೇಳಲು ಪ್ರತಿಕ್ರಿಯಿಸಿಲ್ಲ.
ಫೇಸ್‌ಬುಕ್ ಮತ್ತು ಕೆಕೆಆರ್ ಆ್ಯಂಡ್ ಕೋ ಸೇರಿದಂತೆ ಇತರೆ ಹೂಡಿಕೆದಾರರು ಈಗಾಗಲೇ ಜಿಯೋ ಪ್ಲಾಟ್‌ಫಾರ್ಮ್‌ಗಳಲ್ಲಿ ಶೇ.25ರಷ್ಟು ಸೇರಿ ಒಟ್ಟು 15.64 ಬಿಲಿಯನ್ ಡಾಲರ್ ಹೂಡಿಕೆ ಮಾಡಿದ್ದಾರೆ. ಏಪ್ರಿಲ್ ಅಂತ್ಯದಲ್ಲಿ ಪ್ರಾರಂಭವಾದ ಹೂಡಿಕೆ ಮತ್ತು ರಿಲಯನ್ಸ್‌ನ ಷೇರು ಮಾರಾಟವು ಭಾರತದ ಅತಿದೊಡ್ಡ ಕಂಪನಿಯನ್ನು ನಿವ್ವಳ ಸಾಲ ಮುಕ್ತವಾಗಿಸಲು ನೆರವಾಗಿದೆ.
