ನ್ಯೂಯಾರ್ಕ್: ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿ ಆಗಿದ್ದ ಅಮೆಜಾನ್ ಸಂಸ್ಥಾಪಕ ಜೆಫ್ ಬೆಜೋಸ್ ಅವರನ್ನು ಟೆಸ್ಲಾ ಮುಖ್ಯಸ್ಥ ಎಲಾನ್ ಮಸ್ಕ್ ಹಿಂದಿಕ್ಕಿದ್ದಾರೆ.
ಮಸ್ಕ್ ಅವರ ಕಂಪನಿಯ ಷೇರು ಬೆಲೆ ಏರಿಕೆಯ ನಂತರ ಕಂಪನಿಯ ನಿವ್ವಳ ಮೌಲ್ಯವು 195 ಬಿಲಿಯನ್ ಯುಎಸ್ ಡಾಲರ್ಗೆ ಏರಿಕೆಯಾಗಿದೆ. ಈ ಮೂಲಕ 184 ಶತಕೋಟಿ ಡಾಲರ್ ಸಂಪತ್ತು ಹೊಂದಿರುವ ಜೆಫ್ ಅವರನ್ನು ಎಲಾನ್ ಹಿಂದೆ ತಳ್ಳಿದ್ದಾರೆ.
ಟೆಸ್ಲಾ ಷೇರು ಬೆಲೆ ಗುರುವಾರ ಶೇ 7.94ರಷ್ಟು ಏರಿಕೆಯಾಗಿದ್ದು, ಪ್ರತಿ ಷೇರಿಗೆ 816.04 ಡಾಲರ್ಗೆ ತಲುಪಿದೆ. ಇದು ಕಂಪನಿ ಮಾರುಕಟ್ಟೆ ಬಂಡವಾಳವನ್ನು 773 ಬಿಲಿಯನ್ ಡಾಲರ್ಗೆ ತೆಗೆದುಕೊಂಡು ಹೋಗಿದೆ. 2020ರ ಜನವರಿ 8ರಂದು ಟೆಸ್ಲಾ ಷೇರು ಬೆಲೆ ಕೇವಲ 93 ಡಾಲರ್ ಆಗಿತ್ತು. ಒಂದು ವರ್ಷದಲ್ಲಿ ಶೇ 777ರಷ್ಟು ಹೆಚ್ಚಳವಾಗಿದೆ.
ಇದನ್ನೂ ಓದಿ: ಷೇರುಪೇಟೆಯಲ್ಲಿ ಭಾರಿ ಏರಿಕೆ: ಆರಂಭದಲ್ಲಿ 350 ಅಂಕ ಏರಿಕೆ ದಾಖಲಿಸಿದ ಸೆನ್ಸೆಕ್ಸ್
ಬ್ಲೂಮ್‌ಬರ್ಗ್ ಪ್ರಕಾರ, 2010ರ ಆರಂಭಿಕ ಸಾರ್ವಜನಿಕ ಕೊಡುಗೆಯಿಂದ ಟೆಸ್ಲಾದಲ್ಲಿನ ಷೇರುಗಳು ಶೇ 23,900ಕ್ಕಿಂತ ಅಧಿಕ ಲಾಭ ಗಳಿಸಿವೆ. 2020ರ ಆರಂಭದಲ್ಲಿ ಮಸ್ಕ್‌ನ ನಿವ್ವಳ ಮೌಲ್ಯವು ಸುಮಾರು 27 ಬಿಲಿಯನ್ ಡಾಲರ್ ಆಗಿತ್ತು. ಇದು ಅವರನ್ನು ವಿಶ್ವದ ಅಗ್ರ 50 ಶ್ರೀಮಂತ ವ್ಯಕ್ತಿಗಳಲ್ಲಿ ಸ್ಥಾನ ಕಲ್ಪಿಸಿತ್ತು. ಈಗ ಎಲಾನ್ ಬೆಜೋಸ್‌ಗಿಂತ (184 ಶತಕೋಟಿ ಡಾಲರ್) 11 ಶತಕೋಟಿ ಡಾಲರ್ ಮುಂದಿದ್ದು, ಇತಿಹಾಸದಲ್ಲಿ ವೇಗವಾಗಿ ಉನ್ನತ ಸ್ಥಾನಕ್ಕೆ ಏರಿದ ಉದ್ಯಮಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದಾರೆ.
