ನವದೆಹಲಿ: ಇಂಡಸ್ ಓಎಸ್ ಷೇರು ಮಾರಾಟ ಪ್ರಕರಣದಲ್ಲಿ ವಾಲ್ಮಾರ್ಟ್ ಒಡೆತನದ ಫೋನ್ ಪೇ ವಿರುದ್ಧ ಆರಂಭಿಕ ಕಾನೂನು ಹೋರಾಟದಲ್ಲಿ ಅಫಲ್ ಸಂಸ್ಥೆ ಜಯಗಳಿಸಿರುವುದಾಗಿ ತಿಳಿಸಿದೆ. ಷೇರು ಮಾರಾಟ ಪ್ರಕ್ರಿಯೆಯ ಕುರಿತ ವಿಚಾರ ಸಂಬಂಧ ಸಿಂಗಪೂರ್ ಕೋರ್ಟ್ನಲ್ಲಿ ಡಿಜಿಟಲ್ ಜಾಹೀರಾತು ಸಂಸ್ಥೆ ಅಫಲ್ ಫೋನ್ ಪೇ ವಿರುದ್ಧದ ಪ್ರಕರಣ ಜಯಿಸಿರುವುದಾಗಿ ತಿಳಿಸಿದೆ.
ಇಂಡಸ್ ಓಎಸ್ನಲ್ಲಿ ಶೇ.92ರಷ್ಟು ಪಾಲನ್ನು 60 ಮಿಲಿಯನ್ ಯುಎಸ್ ಡಾಲರ್ ನೀಡಿ ಸ್ವಾಧೀನಪಡಿಸಿಕೊಳ್ಳಲು ಫೋನ್ ಪೇ ಬಿಡ್ ಸಲ್ಲಿಸಿತ್ತು. ಆದರೆ, ಈ ಸಂಸ್ಥೆಯಲ್ಲಿ ಅತೀ ಹೆಚ್ಚು ಷೇರು ಹೊಂದಿರುವ ಅಫಲ್ ಗ್ಲೋಬಲ್ ಪ್ರೈವೆಟ್ ಲಿಮಿಟೆಡ್ (ಎಜಿಪಿಎಲ್) ಈ ಒಪ್ಪಂದವನ್ನು ವಿರೋಧಿಸಿತ್ತು.
ಇಂಡಸ್ ಓಎಸ್ ಎಂದು ಕರೆಯಲ್ಪುಡುವ ಓಎಸ್ ಲ್ಯಾಬ್ಸ್ನಲ್ಲಿದ್ದ ಎಜಿಪಿಎಲ್ನ ಷೇರಿನ ಮೌಲ್ಯ 90 ಮಿಲಿಯನ್ ಯುಸ್ ಡಾಲರ್ ಎನ್ನಲಾಗಿದ್ದು, ಶೇ.25ರಷ್ಟು ಕಡಿಮೆ ಮೌಲ್ಯಕ್ಕೆ ಮಾರಾಟ ಮಾಡಲು ಷೇರುದಾರ ಕಂಪನಿ ನಿರಾಕರಿಸಿತ್ತು. 4 ಲಕ್ಷಕ್ಕೂ ಅಧಿಕ ಆ್ಯಪ್ ಹೊಂದಿರುವ ಇಂಡಸ್ ಓಎಸ್ನ ‘ಇಂಡಸ್ ಆ್ಯಪ್ ಬಜಾರ್’ನಲ್ಲಿ ಭಾರತದ ಹಿಂದಿ, ಮರಾಠಿ, ಕನ್ನಡ, ತಮಿಳು, ತೆಲುಗು, ಉರ್ದು, ಒಡಿಯಾ, ಪಂಜಾಬಿ, ಅಸ್ಸಾಮಿಸ್, ಬಂಗಾಳಿ ಭಾಷೆಯಲ್ಲಿ ಆ್ಯಪ್ ಬಳಕೆಯಲ್ಲಿತ್ತು.
ಫೋನ್ ಪೇಗೆ ಷೇರು ಮಾರಾಟಕ್ಕೆ ಇಂಡಸ್ ಓಎಸ್ ಅಂಗೀಕರಿಸಿದ ನಿರ್ಣಯದ ವಿರುದ್ಧ ಎಜಿಪಿಎಲ್ ತಡೆಯಾಜ್ಞೆ ಮೊಕದ್ದಮೆ ಹೂಡಿದ್ದು, ಇದನ್ನು ಸಿಂಗಪೂರ್ ನ್ಯಾಯಾಲಯದಲ್ಲಿ ಫಿನ್‌ಟೆಕ್ ಸಂಸ್ಥೆ ಪ್ರಶ್ನಿಸಿದೆ. ಎಜಿಪಿಎಲ್ ಮತ್ತು ಇಂಡಸ್ ಓಎಸ್ ಎರಡೂ ಸಿಂಗಪೂರ್ನಲ್ಲಿ ನೋಂದಣಿಯಾಗಿರುವ ಸಂಸ್ಥೆಯಾಗಿವೆ.
ಎಜಿಪಿಎಲ್ ಸಿಂಗಪೂರ್ ಕೋರ್ಟ್ನಲ್ಲಿ 2020 ಮೇ 19 ರಿಂದ 2021 ಜೂನ್ 18ರ ವರೆಗೆ 7ಕ್ಕೂ ಹೆಚ್ಚು ನ್ಯಾಯಾಲಯದ ವಿಚಾರಣೆಗಳಿಗೆ ಹಾಜರಾಗಿದೆ. ಜೂನ್ 21, 2021ರ ಹೊತ್ತಿಗಾಗಲೇ ಫೋನ್ ಪೇ ಕಾನೂನು ಹೋರಾಟದಲ್ಲಿ ಸೋಲೊಪ್ಪಿಕೊಂಡಿದೆ ಎಂದು ಎಜಿಪಿಎಲ್ ತಿಳಿಸಿದೆ.
ಓದಿ: ರೈಲ್ವೆ ಟಿಕೆಟ್ ಬುಕ್ಕಿಂಗ್.. ಏಜೆಂಟ್ರಗಳಿಗೆ ಬ್ರೇಕ್ ಹಾಕಲು ಆರ್ಪಿಎಫ್ ಹೊಸ ಪ್ಲಾನ್
