ನವದೆಹಲಿ: ಜಿಎಸ್ಟಿ ಅಧಿಕಾರಿಗಳು ನಕಲಿ ದಾಖಲೆಗಳ ಮೇಲೆ ಕಾಲ್ಪನಿಕ ಸಂಸ್ಥೆ ಹುಟ್ಟುಹಾಕಿ 122 ಕೋಟಿ ರೂ. ಮೌಲ್ಯದ ನಕಲಿ ಇನ್‌ಪುಟ್ ಟ್ಯಾಕ್ಸ್ ಕ್ರೆಡಿಟ್ (ಐಟಿಸಿ) ವಂಚಿಸಿದ ಪ್ರಕರಣದಡಿ ಐವರನ್ನು ಬಂಧಿಸಲಾಗಿದೆ ಎಂದು ಪಂಜಾಬ್ ಜಿಎಸ್ಟಿ ಅಧಿಕಾರಿಗಳು ತಿಳಿಸಿದ್ದಾರೆ.
ಪಂಜಾಬ್ ರಾಜ್ಯ ಜಿಎಸ್ಟಿಯ ತನಿಖಾ ವಿಭಾಗವು ಪಂಜಾಬ್, ದೆಹಲಿ, ಹರಿಯಾಣ ಸೇರಿದಂತೆ ವಿವಿಧ ರಾಜ್ಯಗಳಲ್ಲಿ ನಕಲಿ ಬಿಲ್ಲಿಂಗ್ ಜಾಲ ರಚಿಸುತ್ತಿದ್ದ ಐವರು ಆರೋಪಿಗಳನ್ನು ಬಂಧಿಸಲಾಗಿದೆ. ವಿವಿಧ ಸಂಸ್ಥೆಗಳಿಗೆ 122 ಕೋಟಿ ರೂ.ವಂಚಿಸಿದ್ದರು ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ನೀವು ಬದುಕಲು ಒದ್ದಾಡುತ್ತಿರುವಾಗ ಅದಾನಿ 12 ಲಕ್ಷ ಕೋಟಿ ರೂ. ಗಳಿಸಿದ್ದೇಗೆ?: ರಾಗಾ ಸವಾಲ್
ಗುರುವಾರವಷ್ಟೇ ಜಿಎಸ್ಟಿ ಅಧಿಕಾರಿಗಳು ನಕಲಿ ದಾಖಲೆಗಳ ಮೇಲೆ ಕಾಲ್ಪನಿಕ ಸಂಸ್ಥೆ ಹುಟ್ಟುಹಾಕಿ 43 ಕೋಟಿ ರೂ. ಐಟಿಸಿ ವಂಚಿಸಿದ ಪ್ರಕರಣದಡಿ ಓರ್ವನನ್ನು ಬಂಧಿಸಲಾಗಿತ್ತು. ಹರಿಯಾಣದ ಜಿಎಸ್ಟಿ ಇಂಟೆಲಿಜೆನ್ಸ್‌ನ ನಿರ್ದೇಶನಾಲಯದ (ಡಿಜಿಎಂಐ) ಗುರುಗ್ರಾಮ್ ವಲಯ ಘಟಕ (ಜಿ ಝ್ಯಡ್ಯು) ದೆಹಲಿಯ ನಿವಾಸಿ ರವೀಂದರ್ ಕುಮಾರ್ ಎಂಬುವವರನ್ನು ಬಂಧಿಸಿದೆ. ಸರಕು ಅಥವಾ ಸೇವೆಗಳ ನೈಜ ರಶೀದಿ ಮತ್ತು ಪೂರೈಕೆಯಿಲ್ಲದೇ ನಕಲಿ ಇನ್‌ವಾಯ್ಸ್‌ಗಳಲ್ಲಿ ಇನ್‌ಪುಟ್ ಟ್ಯಾಕ್ಸ್ ಕ್ರೆಡಿಟ್ (ಐಟಿಸಿ) ವಂಚನೆ ಎಸಗಿದ್ದ.
