ಒಂದೇ ವಾರದಲ್ಲಿ 6 ಬಾರಿ ಪೆಟ್ರೋಲ್, ಡೀಸೆಲ್ ದರ ಹೆಚ್ಚಳ: ಬೆಂಗಳೂರಲ್ಲಿ ಇಂಧನ ಬೆಲೆ ಎಷ್ಟು ಗೊತ್ತೇ?

ಪ್ರತಿ ಲೀಟರ್‌ ಪೆಟ್ರೋಲ್​ಗೆ ಇಂದು 27 ಪೈಸೆ ಹಾಗೂ ಡೀಸೆಲ್​ಗೆ 30 ಪೈಸೆ ಏರಿಕೆಯಾಗಿದ್ದು, ಬೆಂಗಳೂರಿನಲ್ಲಿ ಲೀಟರ್​​ ಪೆಟ್ರೋಲ್​ ಬೆಲೆ 94.85 ರೂ. ಹಾಗೂ ಡೀಸೆಲ್​ ಬೆಲೆ 87.31 ರೂ.ಗೆ ಹೆಚ್ಚಳವಾಗಿದೆ.

ಮುಂಬೈ: ಮತ್ತೆ ತೈಲ ಮಾರುಕಟ್ಟೆ ಕಂಪನಿಗಳು ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಯನ್ನು ಏರಿಸಿದ್ದು, ಮೇ 4ರಿಂದ ಒಂದು ವಾರದ ಅವಧಿಯಲ್ಲಿ ಆರು ಬಾರಿ ಇಂಧನ ಬೆಲೆಯನ್ನು ಹೆಚ್ಚಿಸಿವೆ.

ಇಂದು ಲೀಟರ್‌ ಪೆಟ್ರೋಲ್​ಗೆ 27 ಪೈಸೆ ಹಾಗೂ ಡೀಸೆಲ್​ಗೆ 30 ಪೈಸೆ ಹೆಚ್ಚಳವಾಗಿದ್ದು, ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಪ್ರತಿ ಲೀಟರ್​​ ಪೆಟ್ರೋಲ್​ ಬೆಲೆ 91.53 ರೂ. ಹಾಗೂ ಡೀಸೆಲ್​ ಬೆಲೆ 82.06 ರೂ.ಗೆ ಏರಿಕೆಯಾಗಿದೆ. ಮಹಾರಾಷ್ಟ್ರ, ರಾಜಸ್ಥಾನ ಮತ್ತು ಮಧ್ಯಪ್ರದೇಶದಲ್ಲಿ ಈಗಾಗಲೇ ಪ್ರತಿ ಲೀಟರ್​ ಪೆಟ್ರೋಲ್ ಬೆಲೆ 100 ರೂಪಾಯಿ ಗಡಿ ದಾಟಿದೆ.

ಬೆಂಗಳೂರು, ಕೋಲ್ಕತ್ತಾ, ಮುಂಬೈ ಹಾಗೂ ಚೆನ್ನೈ ನಗರಗಳಲ್ಲಿನ ಇಂದಿನ ಇಂಧನ ಬೆಲೆ ಈ ಕೆಳಕಂಡಂತಿದೆ.

ನಗರ	ಪೆಟ್ರೋಲ್	ಡೀಸೆಲ್
ಬೆಂಗಳೂರು	94.85 ರೂ.	87.31 ರೂ.
ದೆಹಲಿ	91.80 ರೂ.	82.36 ರೂ.
ಕೋಲ್ಕತ್ತಾ	91.92 ರೂ.	85.20 ರೂ.
ಮುಂಬೈ	98.12 ರೂ.	89.48 ರೂ.
ಚೆನ್ನೈ	93.62 ರೂ.	87.25 ರೂ.