ನವದೆಹಲಿ: ರಷ್ಯಾ ಮತ್ತು ಉಕ್ರೇನ್ ಯುದ್ಧದಿಂದ ದಿಢೀರ್ ಕುಸಿದು ಹೂಡಿಕೆದಾರರಿಗೆ ಭಾರಿ ನಷ್ಟ ಉಂಟು ಮಾಡಿದ್ದ ಬಿಎಸ್‌ಇ ಸೆನ್ಸೆಕ್ಸ್ ಇದೀಗ ತನ್ನ ಆರಂಭಿಕ ಹಂತದ ವಹಿವಾಟಿನಲ್ಲಿ 1,329 ಅಂಕ ಅಂದರೆ ಶೇ.2.45 ರಷ್ಟು ಏರಿಕೆ ಕಂಡು ಆಶಾಭಾವನೆ ಮೂಡಿಸಿದೆ. ಇದರ ಜೊತೆಗೆ ನಿಫ್ಟಿ ಕೂಡ ಶೇ.2.51 ರಷ್ಟು, 408 ಅಂಕ ಗಳಿಸುವ ಮೂಲಕ ಉತ್ತಮ ವಹಿವಾಟು ನಡೆಸಿವೆ.
ಗ್ರಾಹಕರ ಧನಾತ್ಮಕ ಹೂಡಿಕೆಯಿಂದಾಗಿ ವ್ಯಾಪಾರ ವಲಯಗಳು, ಗ್ರಾಹಕರ ದೀರ್ಘಾವಧಿ ಹೂಡಿಕೆ ಮತ್ತು ಸರಕುಗಳು ಮತ್ತು ಸೇವೆಗಳ ಚೇತರಿಕೆಯಿಂದಾಗಿ ಮುಂಬೈ ಷೇರುಪೇಟೆ ಏರಿಕೆ ಗತಿಯಲ್ಲಿ ಸಾಗಿದೆ.
ನಿನ್ನೆ ಉಕ್ರೇನ್ ಮೇಲೆ ರಷ್ಯಾ ಯುದ್ಧ ಘೋಷಿಸಿದ ಕೆಲವೇ ಕ್ಷಣಗಳಲ್ಲಿ ಷೇರುಪೇಟೆ ವರ್ಷದ ಅವಧಿಯಲ್ಲಿಯೇ ಅತಿ ಹೆಚ್ಚು ಅಂದರೆ 2702 ಅಂಕ, ಶೇ.4.72 ರಷ್ಟು ಕುಸಿತ ಕಂಡು ಹೂಡಿಕೆದಾರರಿಗೆ 13 ಲಕ್ಷ ಕೋಟಿಯಷ್ಟು ನಷ್ಟ ಉಂಟಾಗಿತ್ತು.
ಇದನ್ನೂ ಓದಿ: ಉಕ್ರೇನ್: ಹಾಸ್ಟೆಲ್‌ ನೆಲಮಹಡಿ, ಬಂಕರ್ಗಳಲ್ಲಿ ರಕ್ಷಣೆ ಪಡೆದ ಬೆಳಗಾವಿಯ 7 ವಿದ್ಯಾರ್ಥಿಗಳು
