ನವದೆಹಲಿ: ಟೀಂ ಇಂಡಿಯಾ ಸೇರಿದಂತೆ ಎಲ್ಲ ತಂಡಗಳು ಐಸಿಸಿ ವಿಶ್ವಕಪ್ಗಾಗಿ ಭರ್ಜರಿ ತಯಾರಿ ನಡೆಸಿದ್ದು, ಇದೇ ಮೇ 30ರಿಂದ ಮಹಾಟೂರ್ನಿ ಇಂಗ್ಲೆಂಡ್ನಲ್ಲಿ ಆರಂಭಗೊಳ್ಳಲಿದೆ. ಕೊಹ್ಲಿ ಪಡೆ ಕೂಡ ಸಮರಕ್ಕೆ ಸನ್ನದ್ಧವಾಗಿದ್ದು, ಮೇ 22ರಂದು ಪ್ರಯಾಣ ಬೆಳೆಸಲಿದೆ.
ಇದರ ಮಧ್ಯೆ ಟೀಂ ಇಂಡಿಯಾದ ವೇಗದ ಬೌಲರ್ ಭುವನೇಶ್ವರ್ ಕುಮಾರ್ ಮಾತನಾಡಿದ್ದು, ನಮ್ಮ ಬೌಲಿಂಗ್ ಶಕ್ತಿ ಮುಂದೆ ಎದುರಾಳಿ ತಂಡದ ಬ್ಯಾಟ್ಸ್ಮನ್ಗಳ ಆಟ ನಡೆಯುವುದಿಲ್ಲ ಎಂದು ತಿಳಿಸಿದ್ದಾರೆ. ಆರಂಭದ ಓವರ್ ಹಾಗೂ ಡೆತ್ ಓವರ್ಗಳಲ್ಲಿ ಅದ್ಭುತವಾಗಿ ಬೌಲಿಂಗ್ ಪ್ರದರ್ಶನ ನೀಡುವ ಸಾಮರ್ಥ್ಯ ನಮ್ಮಲಿದೆ ಎಂದು ತಿಳಿಸಿರುವ ಭುವಿ, ಎದುರಾಳಿ ತಂಡಗಳಿಗೆ ವಾರ್ನಿಂಗ್ ಮಾಡಿದ್ದಾರೆ.
ಕಳೆದ ಕೆಲ ವರ್ಷಗಳಿಂದ ಇಂಗ್ಲೆಂಡ್ ನೆಲದಲ್ಲಿ ಹೆಚ್ಚಿನ ರನ್ ಸುಲಭವಾಗಿ ಹರಿದು ಬರುತ್ತಿದ್ದು, ಅದನ್ನ ತಡೆಯುವುದಕ್ಕಾಗಿಯೇ ನಾವು ಹೊಸ ಪ್ಲಾನ್ ರೂಪಿಸಿದ್ದೇವೆ ಎಂದು ತಿಳಿಸಿದ್ದಾರೆ. ಟೀಂ ಇಂಡಿಯಾ ತಂಡದಲ್ಲಿ ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಶಮಿ ಹಾಗೂ ಭುವಿ ವೇಗದ ಬೌಲಿಂಗ್ ಶಕ್ತಿಗಳಾಗಿದ್ದರೆ, ಕುಲ್ದೀಪ್ ಯಾದವ್,ಯಜುವೇಂದ್ರ ಚಹಾಲ್ ಹಾಗೂ ರವಿಂದ್ರ ಜಡೇಜಾ ಸ್ಪಿನ್ನರ್ಗಳಾಗಿದ್ದಾರೆ. ಉಳಿದಂತೆ ವಿಜಯ್ ಶಂಕರ್,ಹಾರ್ದಿಕ್ ಪಾಂಡ್ಯರಂತಹ ಮಧ್ಯಮ ಕ್ರಮಾಂಕದ ಬೌಲರ್ಗಳು ಕೂಡ ತಂಡದಲ್ಲಿದ್ದಾರೆ.
ಜೂನ್ 5ರಂದು ಟೀಂ ಇಂಡಿಯ ದಕ್ಷಿಣ ಆಫ್ರಿಕಾದೊಂದಿಗೆ ಸೆಣಸಾಟ ನಡೆಸುವುದರೊಂದಿಗೆ ತನ್ನ ಅಭಿಯಾನ ಆರಂಭ ಮಾಡಲಿದೆ.
